برفان 1 مليون

**egyptawy2010** · 25-11-2013 12:06 PM

ياجماعة ياترى مين اجيب برفان 1 Million

فيه ممكن الاقى ارخص سعر وهل السعر فى المطار فى السوق الحرة هيكون ارخص

انا لقيته على سوق ب 400 جنيه

**أبو آسر** · 25-11-2013 06:02 PM

نصيحة هاته هاي كوبي من شخص عادي لأن معظم المحلات بتبيعه هاي كوبي على إنه أورجينال وبأسعار تعدي ال500 جنيه
أنا كنت جايبه من واحد عن طريق موقع ديفيدي فور عرب هاي كوبي ونفس العلبة الأصلية ومحفور عليها برده كأنه أصلي بالضبط وسعره كان في حدود 170 جنيه على ما أذكر وريحته بيقعد طول اليوم ولتاني يوم كمان بيبقى موجود في الهدوم
لو مهتم قولي أجيبلك تليفون الأخ اللي كنت شاريه منه

**Ahmed_Adham** · 25-11-2013 07:14 PM

مفيش حاجه اسمها هاي كوبي في البارفانات لأن الناس مش هتشوف العلبه ولا هتشوف اسم البارفان ولكن هتشم ريحته وانت كمان هتحطه على جلدك والله أعلم يبقى ايه مركباته وخطورتها. منصحكش أبدا. البارفان ده سعره لو قل عن 700 جنيه مش هيبقى أصلي وشخصيا بفضل Black XS من باكو رابان برضه.

**أبو آسر** · 25-11-2013 08:16 PM

المشاركة الأصلية كتبت بواسطة dede_dodo88

أنا مش مع أقتراح أنك تجيب حاجة تقليد حتى لو هاي كوبي, خصوصاً في العطور اللي كلها مواد كيميائية بتتحط على البشرة..
أعتقد الفرق عن السوق الحرة هيلعب في حدود +/- 100جنيه..
ممكن تجرب 212 vip, قريب جداً في الريحة و الثبات, و أرخص شوية..

المشاركة الأصلية كتبت بواسطة ahmed_adham

مفيش حاجه اسمها هاي كوبي في البارفانات لأن الناس مش هتشوف العلبه ولا هتشوف اسم البارفان ولكن هتشم ريحته وانت كمان هتحطه على جلدك والله أعلم يبقى ايه مركباته وخطورتها. منصحكش أبدا. البارفان ده سعره لو قل عن 700 جنيه مش هيبقى أصلي وشخصيا بفضل black xs من باكو رابان برضه.

المشكلة إن الشخص العادي ميقدرش يفرق بين الأصلي والهاي كوبي فمن الوارد جدا يروح يشتري برفان من محل كبير ليه اسمه وسمعته على إنه أصلي وممكن يطلع هاي كوبي ومش هيعرف الفرق أبدا
نفس الحوار في النضارات بالضبط في محلات كبيرة بتبيع نضارات هاي كوبي على إنها أورجينال وبنفس أسعار الأورجينال يعني ممكن يكون شاريها ب100 جنيه ويبيعها ب1000 !
اللي عايز يجيب برفان أصلي ومش فارقة معاه الفلوس يبقى يجيبه من التوكيل بتاعه ويعمل حسابه إن مفيش برفان أصلي هيقل تمنه عن 800 جنيه واللي هو نفسه بيتباع هاي كوبي برده ب200 جنيه
واللي خايف من أي أضرار على الجلد يبقى يحطه على هدومه ميحطوش على جلده

**wawamoha** · 26-11-2013 01:30 AM

باشا موجود في سنتر بوينت _ و المكان ده ما بيجيبش مضروب - ده سمعته عالميه

**RAPID** · 26-11-2013 03:46 AM

مش هتصدق
واحد زميلى عدى من جمبى وحاطط برفان ريحته حلوة كدة وخفيفة
بقوله ايه يا عم البرفانات الجامدة دى
قاللى دى لولوا من ابو ربع جنيه وعيش يا ماااان هههههه

بفكر اشترى كرتونة واشوف الدنيا ماشيه ازاى
اكيد مش هتعدى خماشر جنيه بالكتير ههههههههههه