- أنا كرهت الإسلام بسبب الإخوان والسلفيين..
-- إيه ده يعني حضرتك سيبت الإسلام خلاص بما إنك كرهته؟.
- لأ طبعا لإني عارف إن ديننا عظيم وأخطاءهم دي ليست من الإسلام في شيء..
-- يعني حضرتك ما بتكرهش الإسلام؟.
- لأ طبعا هو أنا هكره دين ربنا وسنة النبي صلى الله عليه وسلم!.
-- أومال ليه بتقول على نفسك كلمة كفرية وحشة زي دي إنك كرهت الإسلام؟ هتكفر نفسك عشان تزايد!
- لإن في ناس تانية غيري أعرفها شخصيا ألحدوا بسبب تصرفات الإخوان والسلفيين.
-- طب بما إنك تعرفهم شخصيا حاولت تفهمهم بقى الفرق اللي إنت مؤمن بيه كويس بين الإسلام وتصرفات المسلمين واللي خلاك تفضل تحب الإسلام رغم الأخطاء اللي صدرت من الإخوان والسلفيين..
- إيه؟! .. ما ما ما ، ما أنا معرفهمش أوي يعني.. ومعرفش في الإسلام كويس عشان أدعوهم..
-- أومال قدرت تحكم إزاي بهذا الحسم إن كل التصرفات وأقوال الدعاة والفقهاء اللي بتذكرها بلا استثناء كانت مخالفة للإسلام؟. مش مهم ، طب بدأت تتعلم عشان تدعو للإسلام الصحيح وتنقذ اللي ضلوا عنه بما فيهم الإخوان والسلفيين؟...
-..........
-----------------------------------------------------------
(إنَّ الرَّجلَ ليتَكلَّمُ بالكلِمةِ لا يرى بِها بأسًا يَهوي بِها سبعينَ خريفًا في النَّارِ) رواه الترمذي ، حسنه الألباني
#فكر_قبل_ماتنطق #الإسلام_مش_كلام .#الردة_مصيبة_مش_زياطة .
المفضلات