الموضوع: التقرير المصور الشامل لتويوتا ياريس سيدان 2014 من التوكيل

بسم الله الرحمن الرحيم

ياريس سيدان 2014

النهاردة كنت في توكيل تويوتا فرع العباسية و لفت انتباهي انهم عارضين اكتر من 10 عربيات ياريس و عربيتين بس كورولا, و انا بصراحة كنت رايح عشان كان عندى مشكلة في الاوتوبارك مكنش شغال فقلت اصورلكم كام صورة و اجمعلكم شوية معلومات علي الماشي عقبال ميصلحو العربية.

العربية متوفرة 4 فئات 2 مانيوال و 2 اوتوماتيك:

* الفئة الاولي مانيوال سعرها 131,900 مواصفاتها :

1300 سي سي 16Valve VVTI بقوة 85 حصان و عزم 122 نيوتن
طول قاعدة العجلات 2550 و الخلوص الارضي 14.5 سم
فرامل ABS + BAS زجاج 4 كهرباء - سنتر لوك - ايموبيليزر - مقابض الابواب لون السيارة - مرايات كهرباء - باور ستيرنج كهرباء - تكييف يدوي - راديو سي دي 4 سماعات - مدخل USB , AUX - تصفيح ضد الصدا - 2 ايرباج - كاوتش مقاس R15 185 / 60

الفئة التانية مانيوال سعرها 139,900 مواصفاتها :
جميع ماسبق و يزيد :

راديو سي دي 6 سماعات - ضبط مستوى الاضاءة الامامي يدوى - امكانية طي الكنبة الخلفية - مخدع يد خلفي - تحكم بالنظام الصوتي من عجلة القيادة - جنوط سبور .

الفئة الاولي اوتوماتيك سعرها 139,900 مواصفاتها :

نفس مواصفات الفئة الاولي مانيوال

الفئة التانية اوتوماتيك او الهاي لاين سعرها 164,900 مواصفاتها :
جميع ما سبق و يزيد :

مقابض الابواب نيكل - تكييف اوتوماتيكي - راديو سي دي 6 سماعات - ضبط مستوى الاضاءة الامامي يدوى - اشارات في المرايات - امكانية طي الكنبة الخلفية - مخدع يد خلفي - فوانيس شبورة امامية - تحكم بالنظام الصوتي من عجلة القيادة - جنوط سبور - مفتاح ذكي - غلق المرايات الجانبية كهرباء.

بعض الصور للعربية من المعرض :

و من الدخل :

و اخيرا دي صور البروشور :

العربية انا شايفها كويسة و خاماتها معقولة و ارتفاعها كويس جدا من الارض بس بصراحة انا عاجباني الياريس الهاتش باك من جوة عن السيدان.