السلام عليكم
النهاردة واحد إبن حلال راكب شيفروليه دبابة و أنا بدخل شارع جانبى راح رامى عليا و خبط الفانوس الخلفى شمال كسره.
الحمد لله الكسر فى الوش الخارجى
رأيكم أصلحه وفين ؟
وللا أشترى جديد ؟ و سعره كام
الكسر كبير و الوش متفتت
مستنى نصايحكم
عرض للطباعة
السلام عليكم
النهاردة واحد إبن حلال راكب شيفروليه دبابة و أنا بدخل شارع جانبى راح رامى عليا و خبط الفانوس الخلفى شمال كسره.
الحمد لله الكسر فى الوش الخارجى
رأيكم أصلحه وفين ؟
وللا أشترى جديد ؟ و سعره كام
الكسر كبير و الوش متفتت
مستنى نصايحكم
الاصلى من الوكيل ب 1100 جنيه وفى محل عند كوبرى الدقى بيبيعة صينى ب 190جنيه وانا اشتريته منه قبل كده والجوده تقريبا زى الاصلى وفر فلوسك واشتريه الصينى لان بلدك المتوقع فيها من المواقف دى كتير فى ناس بتقول ممكن تشترى باغة ولكن لم اجد من يبيعها حتى الان
انا مش عارف الصيني في الmd بيغير لونه ولا لأ بس في عربيات تانيه كتير بيغير.
اشتري وش او صبه طالما الفانوس نفسه سليم
حاول تشوف حد من النس ال بيصلحوا الباغه
ولو معرفتش هات فانوسين قصاد بعض جداد طالما سعرهم رخيص
لنهارده سألت عند الشرقاوى اللى فى جسر السويس
سعر الفانوس " القطعه الكبيرة" تايوانى ب 525 جنيه !!!!!!
إيه رأيكم؟
ماتجيبش صينى خالص مقاسه مش مظبوط و بعد فترة هايصفر
هات التايوانى نوع Depo او استيراد و ان كنت افضل الاستيراد
و عليكم السلام و رحمة الله و بركاته
إستيراد و سيبك من التيواني و الصيني كله بيصفر و بيبقي شكلة :(
و فاصل جامد علشان كالعاده هايستهبلو في تمنه و هايقرب من الجديد
خده بلمباته و فيشته و صواميله متسبلوش حاجه
لو شوفت سؤالك من ساعه كنت سألتلك عليه كنت بشتري حاجات لعربيتي