لأصحاب التجارب: عاوز كار كير كويس يهتم بنضافة أدق تفاصيل الصالون

**Salamonti** · 25-11-2013 08:13 PM

السلام عليكم ورحمة الله

أنا الحمد لله خلال الفترة اللي فاتت يعتبر عملت تجديد شامل لعربيتي الأفيو من ميكانيكا وعفشة وخلافه..
طبعا حاسس بفرق والعربية فاقت وبقت هادية وناعمة لكن عايز بقا الصالون كمان يرجع جديد عشان يكمل احساسي باللي صرفته عالعربية

أينعم باغسلها في البنزينة برة وجوة كل أسبوع، لكن انا عايز حد يهتم بالتفاصيل الدقيقة زي فرش السقف والشماسات وفروقات التابلوه وهوايات التكييف وأكر الابواب وكاوتش الإزاز والحتت اللي حوالين الزراير والبقع اللي بتبقا عند القوايم وحزام الأمان وحوالين الفتيس وفرامل اليد الخ الخ

لو حد مجرب كار كير كويس ومحترم وبيشتغلوا بضمير ياريت يفيدني
مش مهم بالنسبالي قريب او بعيد على قد ما المهم اكون راضي عن النتيجة

لأني رحت قبل كدة كار كير بعربيتي التانية ورغم اني شفت المجهود بعنيا لكن ماكنتش راضي عن النتيجة وحسيت ان مش هو ده اللي يرضيني..

م الآخر عايز ناس محسوكة تهتم بالتفاصيل وماتسيبش حتة وسخة ولا مبقعه..

أيام ما كنت حر نفسي كنت باقعد في العربية بالست ساعات انضف التابلوه والدواخل كلها بفرشة سنان عشان اجيب كل التفاصيل ومكنتش اخرج م العربية الا اللي يشوفها يفتكرها لسة طالعة م المعرض..
بس الجواز وسنينه بقا اكيد كلكوا عارفين هههههههههههه

**Mo.Kareem** · 25-11-2013 10:58 PM

متابع مع حضرتك

**eslamsubaru** · 25-11-2013 11:18 PM

المشاركة الأصلية كتبت بواسطة salamonti

السلام عليكم ورحمة الله

أنا الحمد لله خلال الفترة اللي فاتت يعتبر عملت تجديد شامل لعربيتي الأفيو من ميكانيكا وعفشة وخلافه..
طبعا حاسس بفرق والعربية فاقت وبقت هادية وناعمة لكن عايز بقا الصالون كمان يرجع جديد عشان يكمل احساسي باللي صرفته عالعربية

أينعم باغسلها في البنزينة برة وجوة كل أسبوع، لكن انا عايز حد يهتم بالتفاصيل الدقيقة زي فرش السقف والشماسات وفروقات التابلوه وهوايات التكييف وأكر الابواب وكاوتش الإزاز والحتت اللي حوالين الزراير والبقع اللي بتبقا عند القوايم وحزام الأمان وحوالين الفتيس وفرامل اليد الخ الخ

لو حد مجرب كار كير كويس ومحترم وبيشتغلوا بضمير ياريت يفيدني
مش مهم بالنسبالي قريب او بعيد على قد ما المهم اكون راضي عن النتيجة

لأني رحت قبل كدة كار كير بعربيتي التانية ورغم اني شفت المجهود بعنيا لكن ماكنتش راضي عن النتيجة وحسيت ان مش هو ده اللي يرضيني..

م الآخر عايز ناس محسوكة تهتم بالتفاصيل وماتسيبش حتة وسخة ولا مبقعه..

أيام ما كنت حر نفسي كنت باقعد في العربية بالست ساعات انضف التابلوه والدواخل كلها بفرشة سنان عشان اجيب كل التفاصيل ومكنتش اخرج م العربية الا اللي يشوفها يفتكرها لسة طالعة م المعرض..
بس الجواز وسنينه بقا اكيد كلكوا عارفين هههههههههههه

انا معاك ان بعد الجواز المشاغل بتكتر ... بس نصيحة :محدش هيعملك العربية مهما كان زى اللى فى دماغك , مهما كان كويس عمره ما هيكون زى ما انت بتنضف العربية بنفسك ... انا كل فترة بنزل على العربية يوم جمعة من الصبح حوالى 9 ص و حتى الصلاة .. ده وقت بيكون ميت .. و ممكن تصحى بدرى عن كده شوية ...( ممكن تعمل الفرش و السقف فى كار كير علشان المواد المستخدمة ) و خلى باقى الدواخل عليك : هتوفرلك وقت برضه.