الموضوع: للمدخنين فقط لاغير

المشاركة الأصلية كتبت بواسطة مواطن مصرى

بص يا باشا ..

اماكن بيتباع فيهم المكنه و البفره و الفلاتر و الدخان

1- on the run فى البنزينات الكبيره زى اللى فى اول الصحراوى او اللى فى صلاح سالم عند الاستاد مثلا

2- كارفور و هايبر وان و السوبر ماركت الكبيره

3- محلات وسط البلد فى ممر 26 يوليو اللى يطلعك على ش شريف و الشارع اللى جنب مطعم جاد اللى فى 26 يوليو اللى اخره ميدان فيه كراسى و مشاه بس (مش فاكر اسم الشارع بس فيه الفاليرو بتاع الحلويات السوريه و كشرى جحا و مطعم ) بس مليان محلات سجاير و دخان و فلاتر و بفره و الحاجات دى

4- موقع جوميا على الانترنت

على فكره .. فيه واحد صاحبى غاوى الفيلم ده و جربت معاه السيجاره اللف دى طعمها احلى خصوصاً دخان فيرجينيا الكيس الاسود و الازرق ..

المشكله فى كذا حاجه

1- الدخان ده ضرره اكبر من السيجاره العاديه لانه مركز و ثقيل و مش مكرر عن طريق فلتر مضغوط زى السيجاره العاديه (المكنه اللى بتلفه عباره عن لف يدوى بس نظيف شويه) يعنى سيجاره من دول = 5 سجاير عاديه

2- ورقه الدخان (صاحبى بيسميها كده) يبدأ ثمنها من 50 جنيه و فيه انواع بتوصل 100 و 200 جنيه الورقه و لو ادمنتها زيه مش هايكفيك 3-4 ورقات فى الاسبوع الواحد ...

انا فاهم ان الفكره انك متخليش السيجاره فى متناول ايدك لكن صدقنى الفكره كلها قوه اراده (و دى مش موجوده عندى للاسف) ..

ربنا يتوب علينا جميعاً ..

تمام يا باشا
جزيل الشكر