الموضوع: العصب السابع

المشاركة الأصلية كتبت بواسطة mahmoudysf

د/ خالد
انا رحت النهاردة للدكتور وكلمتو على موضوع حقن الديبو ميدرول
قالي دي افضل علاج واحسن من الاقراص وانها 40 وافضل من انواع تانية في الخطورة ومفيش خطورة من استخدامها مرة كل 3 ايام لمدة شهر ايه رايك في الكلام ده

حضرتك رحت لمين...؟

انا راجعت الدكتور اللي كشفت عنده د /خالد صبح
حبيت اشوف رايه واراجعه زي ما طلبت مني في البداية
قبل ما اروح لدكتور جديد ويلغي العلاج ويبدا من جديد
حضرتك عارف مفيش دكتور بيعتمد حاجة كتبها دكتور قبله

المشاركة الأصلية كتبت بواسطة mahmoudysf

انا راجعت الدكتور اللي كشفت عنده د /خالد صبح
حبيت اشوف رايه واراجعه زي ما طلبت مني في البداية
قبل ما اروح لدكتور جديد ويلغي العلاج ويبدا من جديد
حضرتك عارف مفيش دكتور بيعتمد حاجة كتبها دكتور قبله

أنا لا أختلف مع أحد زملائى من أجل الإختلاف
أنا شرحت لحضرتك سبب اختلافى على العلاج
عموماً طالما فى تحسن وحضرتك مستريح للدكتور، إن شاء الله الأمور تمشى كويس والموضوع يخلص على طول

المشاركة الأصلية كتبت بواسطة drcobra

هتكلم عن جزء العلاج الطبيعى فقط ودا تخصصى ان شاء الله,

ا[overline]ولا[/overline] تشخيص الحاله هو التهاب العصب السابع فى اى من الناحية اليمنى او اليسرى
ثانيا التحسن فى الحالة : تعتمد نسبة الشفاء على مدى شدة الاصابة وعمر المريض
وبعض الامراض المصاحبة واغلبها التهابات الاعصاب او السكر (وغالبا ما تحتاج لفترة علاج اطول).

متى يبدأ المريض فى جلسات العلاج الطبيعى : يفضل ان يبدأ المريض بعد 10 عشرة ايام من بداية العلاج الدوائى الموصوف من قبل اخصائى امراض المخ والاعصاب.

مما تتكون جلسة العلاج الطبيعى : تتكون جلسة العلاج الطبيعى من شقين
الشق الاول هو العلاج بالاجهزة الكهربية العلاجية وتشمل 1-تيار الفارادك وهو تيار كهربى يشبة نفس التيار الكهربى التى تعمل بها عضلات الجسم (ويفضل ان تكون شدة الجهاز من خفيفة الى متوسطة حتى لا تصاب العضلات بتليف بسبب طبيعة عضلات الوجة المختلفة عن باقى عضلات الجسم....
2-العلاج بالحرارة ويفضل استخدام مصدر للحرارة الرطبة مثل جهاز الكمادات المائية وهو افضل من الاشعة تحت الحمراء والتى تعتبر مصدر للحرارة الجافة
3- جهاز الاشارات المرجعية (bio feed back) وهو جهاز يستخدم فى التمرينات العلاجية لعمل تحفيز للعضلات الضعيفة وعمل تثبيط للناحية السليمة حتى نحصل الاتزان مابين الناحيتين
4-التمرينات العلاجية وتشمل -التليك اليوى بطريقة معينة لزيادة الدم لعضلات الوجة وتنشيط الدورة الليمفاوية لازالة الورم والفضلان
-تمرينات تنشيط عضلات الوجة باستخدام عضلات الرقبة
-تمرينات مساعدة لكل حركات الوجه
-واهم تمرين هو (deep friction massage(وهو عبارة عن الضعط بطريقة معينة على جزع العصب المصاب (خلف الاذن ) حتى يتم ترتيب خيوط العصب الملتهب بانتظام والعودة للعمل بصورة طبيعية
5-برنامج العلاج المنزلى : ويشمل كمادات مياه دافئة لمدة عشرة دقائق يوميا
بعض التمرينات المنزلية
بعض النصائح منها عدم التعرض للبرودة والشخونة المفاجئة عدم التعرض لتيارات الهواء القوية لبس نظارة شمسية للحفاظ على العين من الاتربة

فى النهاية بانتظام العلاج الدوائى مع العلاج الطبيعى (خمس جلسات فى الاسبوع)تقل بعد ثلاثة شهور الى (ثلاث جلسات فى الاسبوع )تقل بعد سنة الى جلستين اسبوعيا حتى تقل الى جلسة واحدة حتى ثلاث سنوات وبعدها يتوقف العلاج .

ملحوظة بعض الحالات تحتاج لاسبوعين والبعض اكثر وقد تصل الى ثلاث سنوان طبق لكل حاله
مع التمنيات للجميع بدوام الصحه
د/محمد يوسف العفيفى
اخصائى العلاج الطبيعى

كلام جميل وشرح بسيط
بس اسمح لى أعلق تعليق صغير
الصح أن ننصح المريض ببدء العلاج الطبيعى من أول يوم إصابة بالتهاب العصب السابع
تحياتي

المشاركة الأصلية كتبت بواسطة K.Ossama

كلام جميل وشرح بسيط
بس اسمح لى أعلق تعليق صغير
الصح أن ننصح المريض ببدء العلاج الطبيعى من أول يوم إصابة بالتهاب العصب السابع
تحياتي

كلام حضرتك صحيح احنا فعلا كنا بنبدأ الجلسات مباشرة بعد الاصابة لكن كنا بنشتغل بجهاز الموجات القصيرة ودا كان ببيشتغل ك (antiinflammatory )كن حاليا تم منع العمل بجهاز الموجات القصيرة ,علشان كدة بنستنى لما الالتهاب يقل ونبدأ الجلسات

المشاركة الأصلية كتبت بواسطة drcobra

كلام حضرتك صحيح احنا فعلا كنا بنبدأ الجلسات مباشرة بعد الاصابة لكن كنا بنشتغل بجهاز الموجات القصيرة ودا كان ببيشتغل ك (antiinflammatory )كن حاليا تم منع العمل بجهاز الموجات القصيرة ,علشان كدة بنستنى لما الالتهاب يقل ونبدأ الجلسات

انا ماحددتش نوع العلاج الطبيعى. فلو مش short wave يبقى على تقل تقدير تمارين وتدليك ومساج لكن لازم يبدأ من أول
الكتاب بيقول كده.