لانسر شارك أم بيجو 301 أم هوندا سيتى أم ياريس سيدان 2014

**Rehab Ahmed** · 26-11-2013 01:11 AM

عاوزة اشترى عربية جديدة ومحتارة جدا شوية اقول الهوندا سيتى (يابانى وجميلة لكن اعادة البيع الناس بتشتكى منها) وشوية اقول الفلوانس (جذابة وواسعة واصلا كان نفسى اوى اوى فى العداد الديجيتال لكن الناس بتقول بلاش فرنساوى عشان اعادة البيع برده )وشوية اقول لأ الياريس الجديدة ( يابانى وآخر موديل واكيد هتكون موفرة فى البنزين عشان موتورها ال 1300) .. لكن فى الآخر بحاول ابعد عن تفكير البنات واعجابهم بالشكل فقط :o_stupid[1]:

المهم ... عاوزة افكر معاكم بصوت عالى وآخد رأيكم مثل صديقكم هنا ..

دلوقتى انا سواقتى عنيفة مثل الشباب (يمكن عشان اتعلمت على لادا :) فبمشى مش بيهمنى وخصوصا لما بكون متعصبة عصبيتى بتطلع فى السواقة (فبالتالى عاوزة عربية تستحملنى) وعقلى صغير مع اي حد بيغلس على فى السواقة مش بهدى غير لما بسبقه وطبعا لكم ان تتخيلوا كم الشتايم اللى بخدها من الناس طول ما انا ماشية ( مش عشان بسوق غلط لكن عشان بسوق بسرعة فى شوارع داخلية :) وساعات ببقى عاملة زي الميكروباص )

ثانيا عاوزة عربية عالية (كنت هشترى السانديرو الستيب واى) اللى منعنى بس انها مانيوال.. برغم ان ناس قالولى ان طالما انا بحب السواقة وبستمتع بيها وبسوق عدد ساعات طويلة يبقى المانيوال هو الافضل بالنسبة لى ..... لكن بصراحة برضه الشوارع بقت زحمة بدرجة متعبة تخلى اى حد محتاج للاوتوماتيك... كفاية يوم زى مظاهرات جامعة الازهر دى .. وصلت شغلى فى 3 ساعات...

ثالثا نفسى نفسى فى عربية لما ادخلها اكون منعزلة عن العالم يعنى لما اقفل الزجاج مسمعش غير نفسى بيتهيألى صعبة دة :)

رابعا .. كنت فكرت برضه فى الاوبل كورسا الجديدة .. عشان قولت لنفسى سواقتى دى عاوزة حاجة المانى عشان تستحملنى وفى نفس الوقت شبابية وصغيرة لكن الناس رجعت خوفتنى من اعادة البيع وغلو قطع الغيار.. وفى حد قالى متجيبيش عربية اوتوماتيك اقل من 1600 وانتم اكيد عارفين ان الكورسا 1400 بس . ( واصلا مش عارفة مدى صحة المعلومة)

خامسا استبعدت النيسان تيدا الجديدة نظرا لغلو سعرها (160000) كتير جدا على هاتش باك

سادسا كنت هتجنن على البيجو 208 لكن استبعدتها برضه عشان الشاشة قالوا لو باظت محدش هيعرف يصلحها :(((((

وانتقلت اختياراتى للهوندا سيتى والشارك و البيجو 301 و الياريس الجديدة السيدان...

اكثرهم اقرب لنفسى الياريس ثم الهوندا ثم الشارك ثم البيجو

الياريس 1300 ( ده هيخليها موفرة فى البنزين ) وفى نفس الوقت يابانى موديل 2014 لكن بخصوص ان الاوتوماتيك مش حلو فى موتور 1300 (مش عارفة مدى صحة المعلومة) !! وسعرها (14000) اول فئة اوتوماتيك
السيتى 1500 ( بحبها لكن المنتدى هنا بيقول انها تقريبا مش ماشية فى الشارع وبالتالى هنخسر فيها عند اعادة البيع واعتقد انها واطية كمان ) سعرها (150000) اول فئة اوتوماتيك
البيجو 1600 ( طبعا انا شايفة ان فى انحياز ليها جدا سواء فى المنتدى هنا او فى المعارض ) بس مش عارفة ليه نفسيا انا مش مقبلة عليها سعرها ( 136000) اعلى فئة للاوتوماتيك
واخيرا
الشارك 1600 مش متأكدة من سعرها لكن سعرها على كونتاكت كارز (150000) لأول فئة اوتوماتيك
ومش عارفة انتم بتقصدوا ايه من موضوع ان عيبها عزلها ؟؟؟؟؟ لكن اللانسر عموما لا يختلف عليها اتنين واعتقد برضه برغم قلة انتشارها مقارنة بالبومة لن يلغى كونها يابانى واعتمادية ومعمرة واعادة بيع جيدة..

تعبت بقى ساعدونى فى الاختيار

**lenasam** · 26-11-2013 01:19 AM

لو مانيوال يبقى اتوكلى على الله و هاتى اليارس
لو اوتوماتيك فكرى فى التيدا و لو مش حاباها يبقى فكرى فى ال فلونيس
اما لو اوتوماتيك فى ال حضرتك كاتباه اظن الهوندا هتكون كويسة
و طبعا اهم حاجة الاستخارة
و ربنا يوفقك للاختيار الافضل

**S O P H O S** · 26-11-2013 03:35 AM

حضرتك ممكن تلاقي كل ده فالنيــسان Juke

**M I D O** · 26-11-2013 03:54 AM

لا انصح باي عربية suv لان الي زي حضرتك ممكن يدوس بيها علي خلق الله في لحظة عصبية وقبل متفكري تشتري عربية وانتي كدة فكري لو خبطي حد وكسرتي قلب مراتة و اولادة و اهلة وطبعا حضرتك هتشرفي في السجن يبقي اية لازمة السرعة انا لما بكون متعصب وبكون سايق بحاول علي قد ما اقدر اهدي اعصابي لان السواقة معا اعصاب مشدودة في اوقات الخطر مش هتعرفي تاخدي القرار المناسب و القرار المفروض بيتاخد في اقل من ثانية ودة طبعا شئ خطير بلاش السواقة المجنونة دي و المفروض ان حضرتك بنت يعني تمشي هادية ومتشديش معا حد ولا تجري ولما حضرتك تعملي كدة هننتظر اية من الشباب خصوصا اننا في مجتمع شرقي هيقلك البنت بتعمل كدة لا انا هعلم عليها وممكن بسبب حضرتك تتسببي في حادثة او حوادث .. الخلاصة ان السواقة هدوء واحترام للقوانين و فن و ذوق ومينفعش الي حضرتك بتعملية ...
في النهاية واسف اني طولت انا برشح الفلوانس لحضرتك

**abou-yahia** · 26-11-2013 05:26 AM

الشارك مناسبه لطبيعة سواقتك
عربيه استجابتها ممتازه واسعه واعتماديه
قصه العزل ديه هيه بطبيعتها صوتها عالي نسبيا بس شويه وحتنسيه .

**haitham.hesham** · 26-11-2013 02:53 PM

In ma opnion if u r thinking of buying a new car dont put the resale item n your head cause this may lead u to buy a car u dont like and u will always say if only i had bought the other one
So I think the better option here will be the fluence a big car more stabel than the other ones u mentioned load of options the new engine and gearbox are from nissan this will give u the advantages of a europian car and a japanese car at the same time and the resale of it aint that bad

**medo-312** · 26-11-2013 03:10 PM

الفلوانس مشكلتها حجمها الكبير وصعبة فى ركنتها وشكلها مش بناتى .. انسب أختيار فى رأيى اللانسر شارك ( شبابية ويبان فيها الدلع .. تسارع هايل .. اتزان جيد جدا .. سعر اعادة بيع ممتاز .. موتور 1600 .. قطع غيار متوفرة )

**Rehab Ahmed** · 26-11-2013 04:02 PM

Thanks Mr.Haitham, for your opinion about Nissan but I'm afraid I ain't a fan of it especially the new models except than the new Tida which I find it very expensive for a hatchback car. But I will give another thought for both the fluence and the shark.. Wish I could do a test drive for both of them to be much easier to choose... And thanks Mr.medo-312 for your opinion as well I actually love the shark but I'm a little bit afraid from the price .. Thanks all