الموضوع: الحشيش

سؤال غريب اوي الصراحة

الحاجه الوحيده ايلي مابتغلاش في مصر :)

سلامو عليكو
كل سنة وانتم طيبين
الأخ صاحب الموضوع
انته غلطان جدا انك اتكلمت فى الموضوع ده انته بتكلم اعضاء عايشين فى عالم الفانتازيا مش فى عالم الواقع وكمان ممكن يشتكوك فى قسم الشكاوى وانا معاك وانك بتخدش حيائهم وممكن يطلعونا فى الأخر تجار مخدرات عشان اتكلمنا فى الموضوع ده

ياجماعة الراجل بيسأل سؤال محدد وواضح اللى عارف اجابته يدخل اللى داخل يعمل فيها انه برئ ومايعرفش الحاجات دى او يعملنا ارهاب فكرى يبقى يسكت احسن وانا اولكم

بص ياسيدى هيا فعلا بقت حاجة تقرف الموضوع ده بقا منتشر بطريقة غريبة جدا لدرجة ان ماعدتش اسمع ان فيه حد بيشرب بانجو مثلا من كمية الحشيش و رخص سعره (انا معرفش هو بكام او بيتباع ازاى) بس ده كلام الناس واللى بسمعه من ضباط شرطة صحابى وانا مش عارف مين له مصلحة فى الكلام ده !

الأخ العضو: حيث ان الكلام الملون بالأزرق يخرج عن كونه شرح لوجهة نظرك الى كونه شخصنة فى حق الأعضاء ممن سبقوك بالرد فالادارة توجه لك تحذير بعدم تكرار الشخصنة حتى لا تتعرض للانذار والايقاف -الإدارة

فيه حاجة نسيت اقولها انا ليا اصحاب دكاترة امتياز فى النوبتجيات الليلة بيحكولى حكايات عن المدمنين اللى بيجو للمستشفى ومعاهم سلاح ابيض وحقنة وبيقبوا عايزين حد يدهالهم ولا يعتدوا عليه وهما وحظهم لو امن المستشفى كان موجود

لا فعلا انا كنت شغال فى مكتب دعاية واعلان فى غمرة من قيمة شهرين كده والسبب الرئيسى اللى خلانى أسيب الشغل ان المصممين اللى معايا فى المكتب كان الاصطباحة بتاعتهم سجارتين حشيش الصبح واتنين زيهم بعد العصر كده عشان الدماغ تتظبط وطبعا ده كله من ورا صاحب المكتب
الحمدلله انى طلعت من الجو المقرف ده وسبت الشغل عشان السبب ده
بجد الحكومة فاتحاها على البحرى فى موضوع الحشيش ده بقى عينى عينك كده فى كل مكان