نقل ملكية سيارة ومسجلة فى المرور فى حيازتى منذ وفاة ابى

**مى يوسف** · 26-11-2013 11:46 AM

لو سمحت ده اول موضوع لي هنا وعايزة خدمتكم فى حاجة
انا بابا متوفى من اربع سنوات وكنت بجدد العربية وطبعا فيها ورثة وكان بتكتب فى الرخصة ورثة وحيازة مى يوسف اللى هو انا دلوقتى انا اشتريت العربية وسجلتها يوم السبت اللى فات فى الشهر العقارى وبقت باسمى وانا كنت جددت الرخصة فى اول شهر نوفمبر وعايزة اروح انقل الملكية

عايزة اعرف الاجراءات والرسوم اللى هتتدفع مع العلم انى مجددة الرخصة لمدة سنتين هتخلص لسه فى 2015
وهل لازم اغير النمر ولا ممكن مش اغيرها لانها اصلا كانت فى حيازتى

**lidosasa** · 26-11-2013 12:24 PM

المشاركة الأصلية كتبت بواسطة مى يوسف

لو سمحت ده اول موضوع لي هنا وعايزة خدمتكم فى حاجة
انا بابا متوفى من اربع سنوات وكنت بجدد العربية وطبعا فيها ورثة وكان بتكتب فى الرخصة ورثة وحيازة مى يوسف اللى هو انا دلوقتى انا اشتريت العربية وسجلتها يوم السبت اللى فات فى الشهر العقارى وبقت باسمى وانا كنت جددت الرخصة فى اول شهر نوفمبر وعايزة اروح انقل الملكية

عايزة اعرف الاجراءات والرسوم اللى هتتدفع مع العلم انى مجددة الرخصة لمدة سنتين هتخلص لسه فى 2015
وهل لازم اغير النمر ولا ممكن مش اغيرها لانها اصلا كانت فى حيازتى

طالما سجلتى العقد والرخصة لسه فيها سنتين فأنا شخصياً شايف إنك ترحمى نفسك من دوخة المرور وبهدلته وتبقى تظبطى كل حاجة براحتك لما ميعاد تجديد الرخصة يجيى بعد سنتين . دا رأى شخصى وفى إنتظار رد باقى الأعضاء فى النقطة دى
بخصوص النمر فملهاش علاقة بتغيير إسم المالك لكنها بتتغير لما تنقلى من إدارة مرورية للتانية يعنى ممكن تغييرى نمر حتى من غير بيع لو غيرتى محل إقامتك اللى فى البطاقة لمكان تانى يكون فيه إدارة مرور مختلفة