-
اخر مفاجات مستر غبوووور
هى دى المفاجاه
http://www.autoblog.com/media/2006/09/bajaj.jpg
:party:
فعلا غبور اخد توكيل التوك توك وحينزله يعنى حنروح بعد كده مراكز صيانة غبور جنبا الى جنب مع التوك توك
ويا ترى بقه حيعمل له صيانة الالف و 5000 و 10000 ولا حيكون نظامه ايه
ياللا عاوزين نعرف رايكم ايه ؟:worried:
-
أنا لما شوفت الاعلان في التليفزيون كنت همووت من الضحك
فضيحة:)
-
واضح انه اول مرة ينزل النهاردة والدليل انه محدش علق ع الموضوع دة قبل كدة ,يعنى انا كمان عرفت الخبر دة طازة بس عموما دة مش غريب على الشفاط المدعو غبوووور
حتى تحس وانت بتنطق اسمه مع مد الواو بصورة كبيرة انك هاتشفط اللى قدامك, قمة التناقض فى بلد بيحاول يمنع الاختراع دة مع وجود اكبر وكيل وتاجر عربيات فى مصر من حيث المبيعات يعنى نقول ثور يقولوا احلبوه,,توك توك المشاكل يبقى استوردوه,بس اللى عاجبنى فى الموضوع انه احسن يستاهل بقى اللى يشترى منه توك توك لأن اللى بيشترى عربية بتطلع عينه فى الصيانة مابالك بواحد فى نظرهم صاحب توك توك,بس فى رأيى انه هايبيع بسعر عالى عشان الضمان وكدة ودة مش هيشجع انه حد يشترى منه عشان اصلا اللى بيشغل فلوسه فى توك توك بيكون واحد على قده بيستثمر فلوسه ومشغله 3 ورديات يعنى مش ناوى يصرف عليه مليم
-
ايه ياشباب
التوك توك وسيلة مواصلات نقول كارتة بس بموتور ، طيب لو موتسيكلات هونداى ماشى، bmw و هوندا عندها احلى موتسيكلات واغلى من العربيات كمان ، ليه كل حاجة واخدنها تريقة ما كل واحد حر يتاجر فى ايه
فيه موتسيكلات هارلى دافدسون اقل موتسيكل يطلع ب70 الف محدش اتتريق على اللى واخد التوكيل
يمكن هناك اتجاه لترخيصها ملاكى يستفيد منها سكان مناطق معينة
او لناس مخنوقين من المواصلات ومعاهمش 40 الف او 50الف او حتى 60 الف يشتروا بيها عربية زى خلق الله
انا متحيز لغبور فى بعد نظره التجارى واللى ناقل الصورة ناقلها من شركة باجاج الهندى موش عارف ليه
استنوا وشوفوا ايه اللى هايحصل
-
ياااااااااااه ماهو معاه من زملان يا جماعه
الراجل بيعرف يلعبها صح
-
المهم بس ما يضحكش على بتوع التوك توك انا حاسس انه فعلا هيعملهم صيانة وشوية الحركات ده وهنشوفهم كمان لما نروح احنا للصيانه ولا تعليق
-
اكتر من 60% من ارباح مجموعة غبور السنة اللى فاتت من التوك توك علشان هو اللى محتكر استيراده، بيجيبه فى حاويات، كل توك توك 4 حتت و بيتجمع فى نص ساعة و يستفيد غبور من الأعفاءات الضريبية، تمنه بيوصل 25 الف جنيه و لا يمكن تكلفته تزيد عن 5 الاف، يعنى مكسب 500%.
-
انا ضحكت جامد لما شوفت اعلان التوك توك
دا ناقص يجيب عجل صيني
-
على قناة ايه شوفتوه
عايز اشوفه هوة على اى قناه اتعرض
-
بس يا ترى حيسرق ازاي أكيد حيشيل Air bags و ABS من التوك توك :laugh6:
Content Relevant URLs by
vBSEO 3.6.0 PL2