تقدم شركة MG للسيارات الانجليزية والتى يتم تجميعها حاليا في الصين
عدة موديلات وفئات مختلفة من السيارات في محاولة لارضاء مختلف العملاء
وتلبية الاحتياجات المتباينة والمتفاوتة من عميل لاخر وفقا لاحتياجاته من السيارة جنبا الى جنب مع ميزانيته المخصصة لشراء سيارة
فأى سيارة من سياراتMG تتوقع ان تنافس بقوة في فئتها وتجذب اليها اكبر عدد من العملاء على حساب الماركات الاخرى الاكثر شهرة وشعبية وانتشارا في مصر
للتعرف على الموديلات والاسعار المختلفة لسيارات MG
http://www.nilemotors.net/Nile/391798-mg.html
صديقي المواطن
قولا واحدا ولا واحدة حتنافس ما لم تعد الشركة النظر في سياسة التسعير المبالغ بها في عربية لا يعرفها الشعب المصري ولكن كمقارنة فهي في فئاتهم سياراتهم أفضل من السيارات المنافسة ولكن أسعارهم بحاجة لتخفيضات لا تقل عن 30% ﻷربع سنين حتى العربية تنتشر ثم يبدأ يزود شوية شوية ويعوض خسائره
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
الفئات العليا تنتمى للشركة الانجليزيه
اما اول فئات الشركة فالغالب عليها انها صينى بحت
ولكن الشركة عايز تسوق العربيه على انها انجليزى
وبسعر لا يمت للصينى بصلة
مش هتنتشر بسبب سعرها -
ده رايى
ولا واحده الشركة بتتعلم ببطى شديد
ولا واحدة
والفشل يلاحق الشركة والعلامة من بدايتها في انجلترا وبعد شراء بي إم دبليو لها عدة سنوات وحتى استقرارها في ربوع العملاق الآسيوي (الصين) وحتى تجميعها في قاهرة المعز
زي ما بيقولوا ارزاق أو قرف (بكسر القاف وفتح الراء)
ولا واحده فيهم
لا اعلم
ولا واحدة وهتفشل فشل زريع لان سعرها غالى جداااااااااااااااااا ومحدش يعرفها لازم السعر ينزل شوية ...لا مش شوية ينزل كتير علشان حد يبتدى يفكر فيها
الوكيل و الاسم بقاله حوالى سنتين فى السوق ... و لم نشاهد عربيه واحده فى الشارع !!
للاسف مازال فاشل فى التسويق و المبيعات ... لان مفيش حاجه اسمها انجليزى لكن صينى و الاسعار لا تنافس !!
ما عندك القشقاى نيسان و يابانى و متقفله فعلا فى انجلترا ... مع ذلك مبيعاتها مش قد كده مقارنه مثلا بالكيا سبورتاج كورى و اغلى لكن مكتسحه ...
رائى المتواضع المفروض كبدايه انها تقل سعرا عن الاسبرانزا ... موضوع ان الاسم انجليزى دا ما يوكلشى عيش :)
تحياتى ...
معرفش عنها حاجه ومقدش احكم عليها
معنديش فكره
للاسف مبالغ جدا فى سعرها
المفروض المكاسب تكون اقل شويه خصوصا انه معملش دعايه جامده و مكلفه
بالكتير اعلانات بالاهرام و الاخبار
للأسف السوق المصري في الوقت الحالي غير مستعد لتجربة شيء غالي وغير مضمون من وجهة نظره .. إلا إذا كان هناك مغريات كبيرة، خاصة وأن خبرة المصريين بالسيارات عموما تعتبر ضعيفة مقارنة بأسواق أخرى ومعرفته بالسيارات الإنجليزية معدومة.
ميزة صناعة السيارات الإنجليزية أنها تهتم بالتفاصيل والفخامة... ولكن مشكلتها الأساسية (كانت) تكمن في اعتماديتها نظرا لضعف تطبيق أساليب الجودة في الصناعة.. كما أنها (كانت) تفتقر إلى تقديم سيارات تفهم احتياجات مستخدمي السيارات، ولهذا اندثرت ، فلم يبقى من امبراطورية صناعة السيارات الإنجليزية إلا بعض علامات تجارية (رولزرويس، بنتلي، جاجوار، لوتس، لاندروفر، mg [روفر سابقاً]) مقارنة بعشرات الماركات سابقا.
أعتقد أن التوليفة الحالية ناجحة... ولكن المشكلة في السوق المصري كما ذكرت.
من وجهة نظري... المستقبل للصيني بلا شك... وسيأتي يوم ننظر للسيارات الصينية نفس نظرتنا للسيارات الكورية حاليا واليابانية في المستقبل البعيد نوعا ما... ولكن هذا يحتاج من الوكيل إلى سياسة النفس الطويل وحرق الأسعار.
المفروض أن هذه سياسة الصينيين أصلا.
...
و لا حتى هنشوفها فطبق اليوم العربيات الصينى الناجحه الى اسعارها اقل من مئه الف هى دى الى المشترى المصرى بيجبها زى البريليانس و الاسبرانزا و مؤخرا الجيلى امكانيات بتبقى اكتر من السعر لكن mg عمرها ماهتنجح مش بس عشان السعر لان التوكيل محدش يعرفه و الشركه الصينيه الى مشترياها مش مشهورة .. يعنى الجيلى اشترت فولفو وهى الى صممت عربياتها فالناس مطمنه اما الmg لسه بدرى عليها اوى
كل موديلاتها هاتفشل بقوة اكتر مما يتخيل الوكيل بتاعها فى مصر
البديهى لما اجى انزل عربية السوق باشوف امكانيتها ايه واشوف نفس الامكانيات دى فى العربيات المنافسة واروح منزل العربية بسعر اقل لو حتى فى البداية ..الناس تشترى ...تاخد سمعة وقطع غيارها تنتشر ...ابقى ارفع بعد كدة بالتدريج
اما بسعر ارخص عربية فيهم ممكن اجيب نيسان صنى
وممكن اوفر واجيب m11 او byd
وانتشارهم رهيب ومميزاتهم وعيوبهم معروفة للشعب كله
no one
ولا واحدة
بالرغم من التوجية الاجبارى !! حقول رأى فى السيارات المعروضة بالموضوع لعل الشركة تستفاد منة ومن رأى الزملاء فى المنتدى وحتبقى رسالة من المستهلك للشركة مباشرة
من رأى الشركة بتفشل كل يوم عن القبلة ومبتححقش اى مبيعات تذكر الا القليل من وقت ظهورها فى الاسواق المصرية لعدة أسباب :
1/ عدم الصدق والاصرار منذ بداية التسويق بمسمى الانجليزى ومش فاهمين ان فى عندنا انترنت نعرف منة تاريخ اى شركة وشركة mg اشترتها شركة صينية من فترة وتجمع وتصنع فى الصين
mg فى مصر بتقنعنا انهم شركة انجليزية وصناعة انجليزية (بلد المنشأ ) ودة على لسان الكثير من المسوقين سواء على الانترنت او فروعهم بالقاهرة - ولاكن بعد التحقيق معهم تراجعو ودة بالعكس اثر على مصداقية الشركة امام العملاء.
2/ سياسة التسعير الغريبة العاوز يرفع سعر عربية ملهاش بيع الا القليل ولسيارات محدودة بالاسم على مستوى العالم ميجيش فجأة ينزلنا سيارات باسعار غالية بل نفس اسعار سيارات كورية ومعروفة او يابانى لان الطبيعى حيبقى فى بديل والصينى نفسة فى بدايل صينى لية .
3/ وجود بعض السيارات فى فئات غير منافسة ودة ملهاش غير شريحة معينة بيتجهو لها لو عاوزين مواتير كبيرة او فى نفس السعر لماركات ألمانية .
خير دليل على كلامى الموضوع الانا كاتب فية ردى تقريباً هما بيحاولو بكل الطرق انهم يسوقو ومش فاهمين العربية البتستحق ممكن من كام اعلان فى جريدة السيارات ودعم التوكيل للسيارة والتعامل بوضوح ومصداقية الكل يشتريها لاكن طالما عنصر الثقة من البداية مش موجود يبقى مستحيل تنجح بسهولة .
(ممتنع عن التصويت لانى مش شايف أى سيارة منهم منافسة فى السوق المحلى )
ولا واحدة فيهم ... ما دام الاستطلاع اتعرض علينا اجبارى :(
انا لا اعرف الكثير عن هذه السيارات سوى انها انجليزية
ولا واحده , العربيه ديه فى الاول ولا فى الاخر صينى وسعرها مبالغ فيه
لو افترضنا ان هدف التوجيه الإجباري للموضوع هو معرفة رأي شريحة كبيرة من المجتمع في الأشياء المسماة mg
اظن من آراء الأعضاء المفروض يقفلوها احسن وبلاش نصب وكلام عن الإسم النجليزي والحركات دي
هي عربيات صيني المفروض سعرها ينزل كتير عشان الناس تفكر فيها
ولا واحده مش تتستاهل لا سعر ولا شكلا
ماحدش يعرفها اصلا
يعملوا شوية دعاية حلوين الاول و بعدين يسألوا
ممكن يهادونى بواحدة منهم للتجربة ... ووعد منى لو طلعت كويسة هاقول انها كويسة ومنافسة لكذا وكذا فى فئتها :)
بغض النظر عن التوجه الجديد للمنتدى...
بس العربية لا ترقى لمستوى سعرها...و مش هاتنجح في الوقت اللي جي زي لما ما نجحتش في الوقت اللي فات
السلام عليكم ورحمه الله وبركاته
اولا احب اعتذرلكم لو نظام التوجيه الاجباري ضايقكم
احب اوضحلكم كام نقطة
حق الاعلان علي المنتدي مباع لشركة برومو ميديا للتسويق الاعلاني وليس لهم حق التدخل في المحتوي
بحكم صفتي كرئيس لمجلسرالادارة ولازم اوافق علي اي حملة اعلانية مفيش حملات اعلانية لتوكيل ام جي علي المتتدي خلال 2013
الاستطلاع كان بهدف عمل مسح سريع لاراء شرائح كبيرة من اقوي فئة استهلاكية وبتفهم كويس في العربيات وده مش موجود غير علي نايل موتورز
ولان معظم الاعضاء كل واحد بيدخل قسم او اتنين مهتم بيه كان غرضنا الحصول علي استطلاع راي سريع فقط وتم عمل التوجيه لعدة ساعات فقط
لكن والحمد لله لا قبضنا ولا دي سياستنا في المنتدي زي مانتوا متعودين
شكرا لتفهمكم واؤكد مرة تاني مفيش اي حملات اعلانية ل ام جي علي اسم نايل موتورز كله خلال العام 2013