اول خرم فى الكاوتش .... تجربة قاسية جدا!!

طبعا انا عارف ان لما كاوتش العربية يتخرم دى بتكون بمثابة تجربة قاسية جدا. وخصوصا بقة لو كان دا اول خرم تقابلوا فى حياتك

المهم قدر الله وما شاء فعل وكاوتش العربية الامامى يمين اتخرم وجيت اطلع بالعربية الصبح لقيته على الارض.
طبعا انا بحمد ربنا انها جت على اد كدا لأنى انا واسرتى كنا مسافريين بالعربية اليوم اللى قبليها 500 كيلو تقريبا. فالحمد لله انه مش عمل معانا اى حركة مش ليها اى لزمة فى الطريق.

المهم لما لقيت الكاوتش على الارض كدا مشيت على اقل من مهلى لحد بتاع الكاوتش. على بعد 50 متر من الجراج. وانا رايح قابلنى جارى وقالى طالما الكاوتش لسة جديد خلى بتاع الكاوتش يلحمه لحام داخلى.
وطبعا بما انى ابيض فى الحوار دا. لما رحت لبتاع الكاوتش لقيت خرمين فى مداس الكاوتش (الجزء المواجهه للارض) عملت زى ما جارى قالى ولحمتهم داخلى

لما جيت هنا المنتدى وحاولت اقرى عن موضوع اللحام دا. فلقيت اختلاف فى الاراء على نقطة اى انواع اللحام افضل. الداخلى ام الخابور.

المهم اسئلتى بقة. انه لحام افضل فى الحالة بتاعتى دى؟
وليه جارى قالى طالما جديد يبقى الحمه داخلى؟
وهل فيه خطورة على الجنط نفسة انى امشى عليه مسافة ال 50 متر والكاوتش نايم؟
وهل المفروض انقل الفردة دى ورا عشان فى خطورة عليها وهيا ادام ولا عادى؟

واشكركم مقدما واعتذر على الاطالة.

لا متنقلش الفرده ورا
والحل اللى قاله جارك صح
لان اللحام الداخلى افضل من الخابور لان الخابور بيبوظ الهيكل الداخلى للسلك
وعلشان متمشيش على الكاوتش وهوه على الارض
هاتلك كمبريسور صغير يشتغل على ولاعة العربيه وابقى زود الكاوتش لحد ما توصل لبتاع الكاوتش

طبعا انا عارف ان لما كاوتش العربية يتخرم دى بتكون بمثابة تجربة قاسية جدا. وخصوصا بقة لو كان دا اول خرم تقابلوا فى حياتك

المهم قدر الله وما شاء فعل وكاوتش العربية الامامى يمين اتخرم وجيت اطلع بالعربية الصبح لقيته على الارض.
طبعا انا بحمد ربنا انها جت على اد كدا لأنى انا واسرتى كنا مسافريين بالعربية اليوم اللى قبليها 500 كيلو تقريبا. فالحمد لله انه مش عمل معانا اى حركة مش ليها اى لزمة فى الطريق.

المهم لما لقيت الكاوتش على الارض كدا مشيت على اقل من مهلى لحد بتاع الكاوتش. على بعد 50 متر من الجراج. وانا رايح قابلنى جارى وقالى طالما الكاوتش لسة جديد خلى بتاع الكاوتش يلحمه لحام داخلى.
وطبعا بما انى ابيض فى الحوار دا. لما رحت لبتاع الكاوتش لقيت خرمين فى مداس الكاوتش (الجزء المواجهه للارض) عملت زى ما جارى قالى ولحمتهم داخلى

لما جيت هنا المنتدى وحاولت اقرى عن موضوع اللحام دا. فلقيت اختلاف فى الاراء على نقطة اى انواع اللحام افضل. الداخلى ام الخابور.

المهم اسئلتى بقة. انه لحام افضل فى الحالة بتاعتى دى؟
اللحام الداخلي افضل لانه بيقفل الثقب اللي اتفتح تماما بعكس الخابور اللي مع الوقت والحركه بتلاقيه بينفس من حواليه
وليه جارى قالى طالما جديد يبقى الحمه داخلى؟
عشان اللي قولتهولك
وهل فيه خطورة على الجنط نفسة انى امشى عليه مسافة ال 50 متر والكاوتش نايم؟
هو ممكن يكون غلط لو الفرده كانت ميته وعلى الارض لان على حد على الجنط وهو ماشي ممكن يقطع الفرده وممكن يتني يعني الافضل بلاش
وهل المفروض انقل الفردة دى ورا عشان فى خطورة عليها وهيا ادام ولا عادى؟
لا مش لازم طالما اتلحمت تمام خلاص مقلقش منها
واشكركم مقدما واعتذر على الاطالة.[/quote]

الف شكر على الاهتمام يا شباب وربنا يجازيكم كل خير.
طيب بالنسبة للجنط لو كان اتعوج او حاجه. هل هيبان بالعين المجردة ولا المفروض اوديه مكان معين يتكشف عليه ولا هيبان اثناء سواقة العربية؟

ومرة تانية اشكركم جدا على الاهتمام.

اقتباس:

---

المشاركة الأصلية كتبت بواسطة amr011111

لا
وعلشان متمشيش على الكاوتش وهوه على الارض
هاتلك كمبريسور صغير يشتغل على ولاعة العربيه وابقى زود الكاوتش لحد ما توصل لبتاع الكاوتش

---

اشكرك جدا على ردك استاذ عمرو
بالنسبة للكمبرسور دا اجيبه منين وبكام؟ وهل فيه انواع معينه كويسة ولا اى نوع؟

اقتباس:

---

المشاركة الأصلية كتبت بواسطة carmania

الف شكر على الاهتمام يا شباب وربنا يجازيكم كل خير.
طيب بالنسبة للجنط لو كان اتعوج او حاجه. هل هيبان بالعين المجردة ولا المفروض اوديه مكان معين يتكشف عليه ولا هيبان اثناء سواقة العربية؟

ومرة تانية اشكركم جدا على الاهتمام.

---

هيبان بالنظر وهيبان معاك في المشي بس متقلقش ان شاء الله مش هيكون في مشكله ومتوديش العربيه لحد علشان ميشتغلكش

ياباشا شوارعنا مليانه مسامير وخوازيق وبلاعات ... بعد كده هتلاقى الموضوع عادى جدا هتاخد بعضك وتروح لبتاع الكاوتش وانت مبتسم ومبسوط كمان .... وطبعا اللحام افضل .... ويفضل تروح لبتاع كاوتش تكون واثق فيه علشان مايشتغلكش

ألف لا بأس على الكاوتش إن شاء الله .
لو الجنط تأثر ده حيبان بالنظر أو يتعرف لو الكاوتش لقيته بيريح لوحده وهو سليم مافيهوش خروم (والترييح برضه ممكن يكون سببه بلف).
ضبط الجنط إن شاء الله عند أى حد بتاع استعدال جنوط وبيبان بالتجربة يعنى لو اتصلح وركب ومالقيتش مشكلة يبقى خلاص الموضوع انتهى .
اشترى منفاخ حتى لو من الرخيص برضه ليه فايدته .
(انا شارى واحد عادى بـ 20 جنيه شكله عار وبيشتغل بالضغط عليه برجلك أو حتى بإيدك) وفايدته إنه بيملأ الكاوتش بكمية هوا لا بأس بها تخليك تقدر تمشى لغاية أقرب حد بتاع كاوتش (وذلك بدل ما تمشى والعجلة نايمة وعلى الجنط لأن ده خطر على الجنط والكاوتش معا) .
زمان اضطريت أمشى على الجنط بوظت الفردة والجنط اتعوج بس استعدلته وشغال والحمد لله .
وربنا يسترها معانا ومعاك .

أكتر اشتغاله
بتوع الكاوتش
يارب سترك

احمد ربنا انا اول خرم للكاوتش كان حجر على الصحراوى وقطع الكاوتش الامامى والحمد لله انى عرفت الم العربيه
لانه كان شغال حاره واحده وكان ورايه نقل (الحمد لله)

اقتباس:

---

المشاركة الأصلية كتبت بواسطة ahmedaliaeg

احمد ربنا انا اول خرم للكاوتش كان حجر على الصحراوى وقطع الكاوتش الامامى والحمد لله انى عرفت الم العربيه
لانه كان شغال حاره واحده وكان ورايه نقل (الحمد لله)

---

الحمد لله على كل حال ... وقدر الله وما شاء فعل
وربنا يستر طريقك ويكفيك شره.