المشاركة الأصلية كتبت بواسطة dr_hamada
السلام عليكم يا inspiron علي فكرة انت راجل محترم وانا من فترة كبيرة متابع مواضيعك وردودك وبحترم اشلوبك جدا .... دي اول حاجة
تاني حاجة انا عاوز اقول نصيحة لكل الناس اللي في المنتدي بالنسبة لموضوع الزجاج بتاع السيارة عشان انا عندي خبرة متواضعة في المجال ده وقريب ان شاء الله هفتح محل زجاج السيارات الخاص بيا في مدينة نصر .. وهي ان متخلي:verygood::verygood::verygood:ش التوكيل يستغلنا وندفع اثمان خرافية في الزجاج بحجة انه أصلي ... صدقوني والله يا جماعة في زجاج زي جريش وامان وفي انواع صيني كتير وكله زي بعضه مفيش فروقات الا في حاجات بسيطة لا تذكر .. انت عارف ان جريش زجاج الاوكتافيا عنده عامل في حدود 450-500 جنيه بكتيره ومتفرقوش عن اللي راكب فيها غير من العلامات .
وكمان في توكيلات ومنهم توكيل تويوتا علي سبيل المثال (وحصلت قدامي في الغردقة) خلصان الزجاج الامامي من عندهم راحوا اشتروا زجاج صيني بدون علامات ولزقوا عليه العلامة ولبسوه للزبون بسعرهم وهما جايبينه من محل عادي..
فغير اي نوع صدقني مش هتحس باي فرق غير في محفظتك فقط .... والله علي ما أقول شهيد..
وشركة زي جريش محترمة جدا وهي المورد لجنرال موتورز مصر ونيسان ومش بيرضوا يحطوا اي علامات علي الزجاج غير علاماتهم .فوفروا فلوسكم لحاجة تستاهل ومحدش يضحك عليك ويقولك ده الزجاج الأصلي ميته رايقة والكلام الأهبل ده ....
واخيرا ارجو اني اكون افدتكم واسف للإطالة ولكن لتعم الفائدة ... وشكرا:verygood: