لو حد طلب منك المساعدة اوعي تساعدوا

**Mamoud salah H** · 26-11-2013 10:30 PM

باختصاار كدة
اخويا الصغير كان راجع من من المدرسة (اولي ثانوي) مع مجموعة اصحابه 5 او 6 تقريبا وجه اتنين شباب وعيل صغير معاهم راكبيين فزبة وطلبوا منهم يساعدوهم في رف الفزبة عشان يفير حاجة فيها مش عارف ايه بالظبط المهم وافقوا ورفعوا معاهم الفيزبا والواد نزل تحتها يصلحها والعيل الصغير عمال يرخم عليهم ويستفزهم ويشتمهم ويجري ويرجع تاني فالمهم الاتنين اصحاب الفيزبا فضلوا يتاسفوا وان العيل الصغير الي معاهم عقله علي قدة ومش طبيعي وكدة ف اخويا واحابه تقبلوا الاسف بس الواد الصغير زود فيها لحد ما اصحاب اخويا وقعوا في المصيدة وشتموا الواد الصغير وكدة بدات التثيلية وان الاتنين بتوع الفيزبا ينخانقوا معاهم وبعد لما الوضوع خلص وركبه الفيزبا ومشيوا صاحب اخويا بيمد ايده فجيبه ملاقاش الموبايل طبعا والقصة مفهومة طبعا

من الاخر انا الي طلعت بييه من الموضوع ده
لو حد طلب منك الساعدة في الشارع اوعي تساعدوا حتي لو باس ايدك

**marieneer** · 26-11-2013 10:39 PM

طيب وافرض ان فى شخص فعلا محتااااااااج مساعده بجد. ليه أسيبه وأمشى؟؟علشان فى حد سرقنى أو خطف منى حاجه. لا لا لا المبدأ واحد ساعد وخلى اللى يسرق يسرق. لازم تعرف حاجه مهمه جدا . كلنا هنتقااااااابل تااااانى

**Ahmed_Adham** · 26-11-2013 10:50 PM

مش معنى ان فيه ناس بتسرق عربيات ان كل الناس تتحبس في بيوتها ومتخرجش بالعربيات. فيها ايه لما أساعد الناس وأبقى حريص على نفسي وعلى حاجتي في نفس الوقت؟

**saddam** · 26-11-2013 10:53 PM

صديقي المواطن
قولا واحدا مخافة أن لاتظلم فمهما إتأذيت ومهها يحصل لك إفضل ساعد الناس ﻷنه لو واحد من كل 10 تساعدهم يطلع هو فعلا يستاهل والباقي من جماعة
ومن يزرع المعروف في غير أهله يكن حمد ذما عليه ويندم

فصدقني الواحد ده هو اللي حيوقفلك عند ربنا وكمان مساعدة اﻵخرين تجلب لك راحة نفسية ورضا فظيع عن النفس وإحساس إن لسه الخير جواك وإنك لسه منحدرش مستواك إلى منزلق الناس التعبانة اللي مجرد تتفسهم يسيء لخلق الله فأرجوك لا تحرم نفسك من شعور رضاك عن نفسك
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**mohamedbook** · 26-11-2013 10:57 PM

اشكالهم بتبان بيبقي سحنة امهم غبرة ولهجتهم منيله بنيلة وشكلهم بيقول يامشاكل شمين كله علي الصبح وكمان شربين بانجوا

**Mamoud salah H** · 26-11-2013 11:52 PM

والله من كتر ما بقي المواضيع بتكرر مع ناس كتيير اعرفهم بقييت ش عارف اعمل ايه اقول مليش عوة ومساعدش ولا حاجة

**miceg** · 27-11-2013 12:37 AM

تمااااااام وبعدين ؟؟؟؟؟؟؟؟؟
هو اخوك محدش قاله ان أغلب الحرامية هما اللي بيركبو فزبات وتكاتك ولا لا

**Mamoud salah H** · 27-11-2013 07:42 AM

المشاركة الأصلية كتبت بواسطة miceg

تمااااااام وبعدين ؟؟؟؟؟؟؟؟؟
هو اخوك محدش قاله ان أغلب الحرامية هما اللي بيركبو فزبات وتكاتك ولا لا

لا هو للاسف كل الي قالولوا الوا ساعد كل الناس من غيير ماتفرق عشان ممكن يكون كويس ومش حرامي

**ALshahba** · 27-11-2013 11:08 AM

يحتسب النية عند الله وان شاء الله يؤجر عليها
لازم كلنا تساعد بعض ونساعد كل من احتاج المساعده
ولكن نتحري الصدق قدر المستطاع ..... المسلم كيس فطن وليس "كيس قطن"