ليه ياباشا هيدفع اكتر من 5 الاف هو بيقول التوكيل قاله هتتكلف 49 الف وهو مامن عليها ولو صلحها في التوكيل هيدع 10% من قيمة التصليح اللي هما 5 الاف ل
يه بقي هيبقوا 10 الاف ؟؟
عرض للطباعة
ماهي المقايسة عدت قيمة الأهلاك اللي أفترضها التأمين,
والتأمين فيالحالة دي مش هيصلح وهيعتبرها أهلاك.
يعني لو هوا حب يصلح هيصلح من معاه, وهتتكلف فوق ال ١٠ الأف كحد أدني
لأنو هيغير أكصدامات وكبوت وفوانيس كبداية من غير سمكرة ورش لسه.
صديقي المواطن
حضرتك كلمني عالخاص وأنا مسؤول عن كلامي ب 12 ألف تسلمهالي تستلمها بعد شهرين زيرو وأنا بصلحها وسط عربياتي ﻷني أملك 10 عربيات منهم 8 في ورش اﻹصلاح والتعديل والتطوير
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ملحوظة أنا قلتها كلمة قصاد رجال المنتدى لو إتكلفت أكثر من 12 الف مش حدفعك حاجة أنا حتحمل الفرق من جيبي الخاص بس حاخد وقت شهرين للإصلاح بالتمام والكمال عشان أرجعهالك زيرو
انا لو منك اتمسك ب الهلاك الكلي و خليك ورا التامين لحد متغير العربيه و متبصش علي الخساره القريبه لان بعد تصليحها هتخصر فيها كتير لما تبعها
بس انته لازم تضغط علي التامين لان عربيتك موديل 2014 ما مشيت كتير فقيمتها السوقيه من 100 % الي 95 % الي هيقيمه خبير محايد من هيئه التامين ولو معجبكش تقديره ممكن تطلب تغيره و لو قدرت تاخد 95 % يبقي هو هو نفس الفلوس الي هتدفها في التصليح مع التوكيل تقريبا بس اخدت عربيه زيرو
وربنا يعوضك والحمد لله علي سلمتك
انت مش حاطط في حسبتك ان العربيه اساسا جديده و مش كل قطع الغيار هتكون متوفره شوف الاهلاك الكلي هيديك كام الاول و بعديها قرر
1000 سلامه و ربنا يعوض عليك ...
انا رائى مع الهلاك الكلى و تاخذ طبعا 90% بدون اى تردد او تفكير ...
لانك فى كلا الحالات حتدفع/تخسر اكتر من 10% ... و العربيه استحاله ترجع كما كانت زيرو كما نصحوك الاخوه ... طبعا ده غير اضاعه الوقت ووجع الدماغ ... و اكيد حتكون غير راضى و مقفول منها ... و ايضا عند اعاده البيع فى اى وقت توقع خساره اضافيه مش اقل من 10/15 الف عن مثيلاتها الى مازالت فابريقه ...
بالتوفيق ... تحياتى ...
ربنا يعوضك بكل خير معلش
ياجماعه انا عاوز افهم حاجه علشان انا حاجز العربيه ديه ......هو التوكيل شارط علي شركة تأمين واعتقد التأمين شامل لانى هجبها تقسيط ....مش المفروض شركة التامين بتشيل كل حاجه ارجو الافاده لعدم الخبره فى هذا الموضوع
قدر الله وما شاء فعل ربنا يخلف عليك بالخير ويبدلك خيراً منها
بس اسمح لي أسألك سؤال هي الحادثة دي كانت على سرعة كم ؟؟ أنا حاسس ان صاج العربية دي خفيف بزيادة