جبت طقم دبرياج و شكله طلع مضروب
اولا بعد الانقطاع الطويل ده احب اقولكوا وحشتوني :D
من حوالي اسبوع غيرت طقم الدبرياج وجبت طقم valeo من البنا في التوفيقية
وجبت ماستر خارجي
طبعا مش عارف اوصفلكوا منظر الدبرياج اللي خارج من العربية عامل ايه... بس اللي عندي عالفيس اكيد شاف الصور
خارج من تلعربية متحمص ومتولع فيه 100 مرة قبل كدة
المهم بقي من الاخر
جربت الدبرياج الجديد... هو انعم من القديم وش
بس مش حاسس نفس جري زمان لما كان الدبرياج سليم
مشيت بيه مشوارين معجبنيش
بعد 3 مرات لقيته فوت!!!
لو دوست اي دوسة شديدة في اي وقت صوت المكنة يعلي و ماتجريش وفجأة تجري وتجمع تاني
علي اي مطلع دايما تفوت
لو معايا ناس علي طول بتفوت
خدت هوا من الماستر ورجلشت الدواسة واتأكدت انها مش محملة ولا في اي حاجة
كدة انا شاكك في الطقم ده!!
ده القديم متفرتك وعمره ما فوت كدة!
حد جاب طقم valeo قريب للنوبيرا؟
لو طلع بايظ ينفع ارجعه للبنا؟
اجيب ال gm منين وابقي ضامن 100% انه اصلي