قدر الله وماشاء فعل وغيرت ماتور للعربيه

سلام عليكم :)
اولا بشكر الاستاذ فادي محمد عشان متأخرش عليا لما طلبته :)
سألتلك اكتر من حد علي اللي كنت محتاجه يا باشا وملقيتش والله :)
ندخل ف الموضوع
العربيه سخنت النهارده من اخويا ونزل يبص ملقاش فيها زيت
جاب زيت وحطه فيها وبعدين دور
دارت ومشت 50 متر وبعدين عطلت تاني :/ ومعدتش راضيه تدور
رحت عند مكان ما عطلت وكلمت ونش وجالي و وديتها ل شكري في المنصوره
اول ما نزلت قالي دور دورت كام مره قالي شورت بلوك :( !!!!
جبتلها بلوكه ب 3000 ج وشالو المكنه القديمه والجديده هتركب بكره ان شاء الله
خلو بالكو من الزيت والميه بعد كده :(

معلش يا شريف ... قدر الله وماشاء فعل .. محدش عارف لو كان كمل مشواره كان ايه اللى ممكن يحصل ..وممكن كانت تيجى فى حاجه اسوأ من كده ..

اخر الاحزان ان شاء الله ..

الحمدلله على كل شئ

قدر الله و ما شاء فعل و متزعلش ممكن ربنا يكون شايلك حاجه احسن

قدر الله وما شاء فعل يا شريف والحمد لله انها جت فى كده ... فداك
الموتور اللى كان راكب عندك ايه وركبت موتور جديد ايه ؟؟

قدر الله وما شاء فعل يا شريف والحمد لله انها جت فى كده ... فداك
الموتور اللى كان راكب عندك ايه وركبت موتور جديد ايه ؟؟

الحمد لله على كل حال ، وطالما جات في الحديد يبقى الحمد الله والمهم ان اخوك بخير

هو كان اشترى موتور ايكوتيك مانيوال يا هشام ، وبعد اللي حصل أكيد جاب اخو اللي كان معاه بس من غير المغذيات بتاعته (شورت بلوك)

الحمدلله على كل شئ وكمان شكرى من الناس اللى بحترم شغلها فى الاوبل

بس راغى راغى السنين وحريقة سجاير مع العمود اللى بيحب يقف جنبه

اقتباس:

---

المشاركة الأصلية كتبت بواسطة hesham.h

قدر الله وما شاء فعل يا شريف والحمد لله انها جت فى كده ... فداك
الموتور اللى كان راكب عندك ايه وركبت موتور جديد ايه ؟؟

---

كان راكب عندي ماتور 1600 تيجرا وشيلته وهركب نفس الماتور برده لأني جبت شورت بلوك

اقتباس:

---

المشاركة الأصلية كتبت بواسطة maam

الحمد لله على كل حال ، وطالما جات في الحديد يبقى الحمد الله والمهم ان اخوك بخير

هو كان اشترى موتور ايكوتيك مانيوال يا هشام ، وبعد اللي حصل أكيد جاب اخو اللي كان معاه بس من غير المغذيات بتاعته (شورت بلوك)

---

بالظبط كده يا باشا هو ده اللي حصل
جبت شورت بلوك ب 3000

اقتباس:

---

المشاركة الأصلية كتبت بواسطة man_22

بس راغى راغى السنين وحريقة سجاير مع العمود اللى بيحب يقف جنبه

---

ههههههه بالظبط يا باشا فيه بينه وبين العمود قصة حب
بس غالي وحراق جدا

صديقي المواطن
إحنه متعاطفين معك قلبا وقالبا وزعلانين على جيبك في الظروف الصعبة دي ولكن برضو في المقابل بيتعمل تجديد وظبط لعربيتك وبالنسبة للزيت والماء أنا.دايما بحط مع الغيار مانع ترشيح حتى لو معنديش ترشيح وإنت لو مكاني على كده كنت إنتحرت أنا بعمل عمرة كاملة لمواتير سياراتي بمعدل عمرة كل 6 أشهر ف الله يعينك ويبسطك ويعيننا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

الحمد لله على سلامته وقدر الله ما شاء فعل
عسى أن تكرهوا شيئاً وهو خير لكم

فداك

ربنا يعوض عليك يا شريف..
ماتحاولش بعد كده تفك طبه الزيت ,
اشفط من فوق بس ودايما اكشف علي مستواه.

شكراً ليكو جميعا على تعاطفكم معايا و يارب محدش يشوف حاجه من دي ف عربيته والحمدلله على كل شئ وقدر الله وماشاء فعل
انا والله مش زعﻻن المهم ان البني ادم سليم ﻷن ده مش هيتعوض
شكر خاص ل استاذ فادي حبيب الكل
منتحرمش منك يا كبير و ربنا يوقفلك وﻻد الحﻻل زي ما بتقف جمب اللي بيحتاجكك
ومتأسف لو فيه غلطات ف الكتابه بس فاتح من الموبيل وبعد يوم طويل جدا وتعب و ارهاق
غيرت المكنه و دارت وكله تمام و قلت بالمره اغير طرمبة بنزين وجبت واحد استيراد
روحت بيها وبعدين نازل ادور مش بتدور
خبطت ع الطرمبه دارت
كان معايا الطرمبه اللي طالعه منها حطيت دي مكان دي ومشيت بيها لحد ما اوصل لحل ف موضوع الطرمبه
و بتوجيهات استاذ فادي اان شاء الله هتكون طرمبة نوبيرا اصلي جديد او استيراد

خير ياباشا ان شاء الله وفداك وفدى اخوك والحمد لله

شكرى اللى عند سوق الجمله

ربنا يكون في عونك انت لسه مغير متور بس ايه السبب انو اختفي كدا

اقتباس:

---

المشاركة الأصلية كتبت بواسطة amr_kamal

شكرى اللى عند سوق الجمله

---

اه اللي عند سوق الجمله يا باشا

اقتباس:

---

المشاركة الأصلية كتبت بواسطة medo111

ربنا يكون في عونك انت لسه مغير متور بس ايه السبب انو اختفي كدا

---

والله ما اعرف يا ميدو
الحمدلله نصيبها كده