ونة الكرونة فى فيات 131

**abras** · 17-09-2008 11:11 PM

عندى ونه جامده فى الكرونة عربيه فيات 131 عايز اشوف لها حل الصنايعية مدوخنى الجاع المساعده

**ahmedsrs** · 18-09-2008 01:23 AM

غير القطمة بتاعت الكارونة بواحدة استعمال وهتكون فى حدود من 350 الى 450 جنيه

**michohat** · 18-09-2008 03:56 AM

عندى نفس المشكله وبلفيت بيها على الصنايعيه كلهم اجمعوا ان اغيرها لو عاوز الصوت يروح
بس ادينى اهه صابر لحد ما تجيب اخرها وبعد كده اغير

**hazem_khidr** · 18-09-2008 08:12 AM

الكرونه باظت مالهاش حل
و بقت غاليه في حدود 1000 جنيه لوحدها مش ديفرانس كامل
الله يرحم ايام ما كنت بجيب الديفرانس دا ب 400 جنيه:(
عموما هيا لو فيها زيت ممكن تمشي بيها فتره ما تقلقش منها

**abras** · 22-09-2008 04:56 AM

متشكرين يا اساتذه بس لو عايز اغير الكرونة اجيبها من فين و لو ححط زيت يكون نوعه أيه

**marcoo1983** · 22-09-2008 05:56 AM

هيا الونه دي بتبقي في كل الغيارات ولا غيار معين اصل انا عندي ونه في الفتيس بس بتظهر في التالت بس فهل دي ممكن تكون كرونه كمان ولا ايه؟

**emadkamel** · 23-01-2009 07:17 PM

المشاركة الأصلية كتبت بواسطة marcoo1983

هيا الونه دي بتبقي في كل الغيارات ولا غيار معين اصل انا عندي ونه في الفتيس بس بتظهر في التالت بس فهل دي ممكن تكون كرونه كمان ولا ايه؟

عايزين حد من الخبرا يرد على الحكاية دى ... انا كمان دلوقت عندى ونة بحشرجة جامده بتظهر على الول والتانى لما اشيل رجلى من على البنزين بس
طول مانا دايس بنزين مافيش اى حاجة !!! حد يعرف ليه؟

**samirayad** · 23-01-2009 07:47 PM

المشاركة الأصلية كتبت بواسطة emadkamel

عايزين حد من الخبرا يرد على الحكاية دى ... انا كمان دلوقت عندى ونة بحشرجة جامده بتظهر على الول والتانى لما اشيل رجلى من على البنزين بس
طول مانا دايس بنزين مافيش اى حاجة !!! حد يعرف ليه؟

والله عفركوش دا عسل......نرجع بقه للسؤال.....فيه فعلا عندك بوش فى التروس بتاعة الكرونة......ليه......علشان لما بتكون دايس بنزين بيكون مفيش فرصه للبوش بتاع التروس انه يخبط بصوت عالى مع بعضه(السرعه مع البنزين )مش مدياه فرصة ولكن فيه ونه والصوت بتاعها بيبقى حاد مع زيادة السرعه...........ولما بترفع رجلك من على البنزين بيحصل تباطوء بعض الشىء من المحرك الى الدبرياش ثم الكردان ثم الكرونه ونظرا لهذا التباطوء ....تروس الكرونه بسبب البوش اللى هو موجود بيعمل نقرة كدة وبتحس بالحشرجة اللى بتقول عليها.......أرجو أن تكون الصورة واضحه الاّن

**samirayad** · 23-01-2009 07:49 PM

المشاركة الأصلية كتبت بواسطة marcoo1983

هيا الونه دي بتبقي في كل الغيارات ولا غيار معين اصل انا عندي ونه في الفتيس بس بتظهر في التالت بس فهل دي ممكن تكون كرونه كمان ولا ايه؟

المفروض الونه تبقى فى كل الغيارات......وتقريبا حضرتك عندك مشكله فى الفتيس وبالذات تروس النقله الثالثه..........

**emadkamel** · 23-01-2009 10:23 PM

المشاركة الأصلية كتبت بواسطة samirayad

والله عفركوش دا عسل......نرجع بقه للسؤال.....فيه فعلا عندك بوش فى التروس بتاعة الكرونة......ليه......علشان لما بتكون دايس بنزين بيكون مفيش فرصه للبوش بتاع التروس انه يخبط بصوت عالى مع بعضه(السرعه مع البنزين )مش مدياه فرصة ولكن فيه ونه والصوت بتاعها بيبقى حاد مع زيادة السرعه...........ولما بترفع رجلك من على البنزين بيحصل تباطوء بعض الشىء من المحرك الى الدبرياش ثم الكردان ثم الكرونه ونظرا لهذا التباطوء ....تروس الكرونه بسبب البوش اللى هو موجود بيعمل نقرة كدة وبتحس بالحشرجة اللى بتقول عليها.......أرجو أن تكون الصورة واضحه الاّن

الصورة وضحت يا باشمهندس .... عايزين بقى علاج الصورة دى يبقى ايه؟؟
اما بالنسبة للأخ عفركوش ... فلو انت معجب بيه قوى كده .. انا ممكن اديهولك يقعد عندك زيارة قد 20 سنة كده وللا حاجة ... ومستعد اتكفل بكل مصاريفه (ومصاريفك لو حابب)