لو العربية هتبات عند صنايعي

**tot** · 17-09-2008 11:19 PM

مساء الخير ، كنت عايز اسال لو واحد راح لسمكري او اى صنايعي عشان يعمل حاجة و العربية كانت المفروض تقعد كذا يوم، هل العربية ممكن تتسرق من عنده لو ع الاقل حد يقلبها ، و ساعتها هو ممكن يقول ماعرفكش، المفروض الواحد يعمل ايه ، يعني يمضيه على استلام العربية و لا ايه

**mazen86** · 18-09-2008 01:14 AM

هوا المفروض انك تكون مستامنه متسبيش حاجات غالية في العربية او ممكن تقف علي ايده لغاية لما

يخلص ودي عايزه واحد فاضي وانا مبفضلش انك تقف علي ايده لان فيه صنايعيه بتتضايق

وتلقب الشغل السمكري بتاعي قلي كدا قلي لما حد بيجي وشغله كتير وبيجي يقف وبيقرفني

بقلب الشغل

او ممكن لو العربية مثلا سمكرة من بره بس تقفل عربيتك وتمشي

كل دا علي حسب السمكري لكن حوار تمضيه معتقدش

**ahmedsrs** · 18-09-2008 01:18 AM

لازم تروح لواحد ثقة وبيخاف على سمعته وطبعا لو العربية هتبات لازم تشيل الكاست والعدة والكوريك والطفاية ويكون معاك نسخة من مفتاح العربية وكل شوية طنط تشيك على العربية بس حكاية الورق وكدة مشفتهاش الا فى مراكز الصيانة

**Ghamrawy** · 18-09-2008 01:29 AM

فك النمر و خد الشرايط او السىديز و وش الكاسيت و أمن ان الطاسات موجودة و العدة و الاستبن و الطفاية و راجع على كل الفوانيس و اتاكد انهم بتوعك علشان فى صنايعية بيفكوا الاصلى و يركبوا الكورى أو التقليد عموما

**tot** · 18-09-2008 02:03 AM

شكرا يا جماعة على الردود، و فكرة فك النمر دي كويسة اوي عشان مايلفش بالعربية

**kareem_Ashmawy** · 18-09-2008 02:37 AM

خد قرايت عداد الكيلومتر كمان
عشان تفقسه لو رزع بيها مشوار محترم

**MEDO80** · 18-09-2008 02:44 AM

لية هوا انا حابيتها في محطة مصر ؟

**tot** · 18-09-2008 03:39 AM

مش حكاية محطة مصر، اصل انا اعرف واحد كان سايب عربيته عند الميكانيكي و العربية بحالها اتسرقت بالليل من عند الميكانيكي
و حكاية العداد ماهو بيتفصل عادي

**MEDO80** · 18-09-2008 03:45 AM

من حوالي 6 سنين كمان معايا عربية بيجو 405 المهم كنت باعملها عمره موتور عند ميكانيكي صايع علمني حاجة بس مش عارف افتكرها كان في كتاوت بيفصلها من صندوق الفيوزات الي موجود في الكابوت و يخبيها بتفصل العربية كلهاااااااااااااااااااااا ااااااااااااااااااااااااا ااااااااا