الموضوع: اسبرانزاوى جديد وشوية اسئلة

ايه يا جماعه انتم زهقتو منى ولا ايه ؟

طيب امبارح كنت مسافر بالعربية وبرضه عندى شوية اسأله

عداد الحراره عندى فى الطبيعى بيبقى على النص بالظبط تقريبا
على الطريق السريع وانا مسافر العداد نزل شويه خصوصا بالليل والجو ساقع كان تقريبا ما بين الربع والنص
ده معناه ان ترموستات الكوعه مش راكب ؟ ولا ده الطبيعى بتاع العربيه ؟

فى الأراضى الغير ممهده والمكسره وانا ماشى بالراحه بسمع صوت زقزقة طالع من التابلوه ( احتكاك جزء بجزء آخر ) بس مش عارف اوصل منين بالظبط
حد وصل لحاجه فى الموضوع ده ؟ نرش جزء معين ب wd40 مثلا ؟

واخيرا بقى بالنسبه للتسخين صباحا او لما بتكون العربيه بارده عموما
الكتالوج بيحذر من ترك المحرك يعمل بسرعه منخفضه لفترات طويله
كمان انا اعرف ان العربيات الجديده مش بتحتاج لتسخين ( مش عارف ليه )
طيب انتو بتسخنوا اد ايه ؟
لغاية اما مؤشر الحراره يتحرك ؟ ولا دقيقتين وبتطلعوا بغض النظر عن ان المؤشر ما اتحركش من مكانه لسه ؟
ولا ايه ؟

معلش بقى طولت عليكم
وشكرا لكم

المشاركة الأصلية كتبت بواسطة hugan

1-طبيعي ان الامبير بتاع الحراره ينزل تكه عن المنتصف في الطوالي والدنيا برد
2- التكتكه تحت الدركسيون دي النقره الشهيره بتاعت عمود الدركسيون
وببتعمل عند مركز الحمد في صقر قريش او المتحده
3-التسخين وجهه نظري لازم علي الاقل دقيقه او دقيقتنين صباحا

شكرا لحضرتك على الرد

المفروض ان ترموستات الكوعه لو شغال كما ينبغى المؤشر ما يتحركش من مكانه
خصوصا انه عندى نزل اكتر من تكه ( المؤشر كان على الربع تقريبا )
هخلى الميكانيكى يبص على وجوده من عدمه وان كان ده هيكلفنى شوية مياه خضراء :)

الصوت الى بسمعه مش معدنى ده صوت عامل زى ما يكون التابلوه مش مربوط كويس
هو الدرج الى فوق بتاع الأيرباج ده بيتفتح ؟ اصلى شاكك فيه

المشاركة الأصلية كتبت بواسطة hugan

ينزل للربع كتير جدا
يبقي فعلا الثرموثتات ممكن يكون مش راكب
لكن معايا ال516 كانت في ايام الشتاء والطريق المفتوح الموءشر كان ينزل لتحت شويه
حدد الصوت كويس لو كنت عارف صوت التقره بتاعت الدركسيون لما تمشي علي طرق غير ممهده او فيها حصي
ولصوت بيظهر اسفل الدركسيون
اما غطاء الايرباج اظن ممكن يفتح وتلزقه تاني
لكن مافيهوش حاجه

أنا للأسف مش عارف صوت نقرة الدريكسيون فى الحقيقه
لكن انا حاسس انه صوت زقزقة احتكاك بلاستيك فى بلاستيك
وبيظهر فى يمين التابلوه مش من ناحيتى
علشان كده شكيت فى التابلوه نفسه والله اعلم برضه

شكرا لحضرتك على المتابعه

اللي كان بيزقزق زمان عندي مكان النظارة اللي في السقف .....

بص علشان تحدد وانت ماشي اول ما تسمع الصوت حط ايدك علي اي جزء متحرك "درج ... جراب نظارة .... درج كوبايات"
واحد ورا التاني و شوف الصوت هيسكت امتي يبقي ده مصدر الصوت .... افتحة و شحم القفل بتاعه ب wd40 و شكرا لحسن تعاونكم معنا

المشاركة الأصلية كتبت بواسطة hemaa_82

اللي كان بيزقزق زمان عندي مكان النظارة اللي في السقف .....

بص علشان تحدد وانت ماشي اول ما تسمع الصوت حط ايدك علي اي جزء متحرك "درج ... جراب نظارة .... درج كوبايات"
واحد ورا التاني و شوف الصوت هيسكت امتي يبقي ده مصدر الصوت .... افتحة و شحم القفل بتاعه ب wd40 و شكرا لحسن تعاونكم معنا

هو فيه مكان للنضاره فى ال 516 ولا دى عربيه تانيه ؟

ان شاء الله فى اقرب فرصه هاخد واحد صاحبى جنبى ونطلع بالعربيه لغاية اما نوصل للمكان الى فيه المشكله

شكرا لحضرتك

انا ( و اعوذ بالله من كلمة انا ) معايا الام 11 ....