بعد السخونه وتركيب جوان وش السلندر
العربيه سخنت من 4 شهور تقريبا وغيرتلها جوان وش السلندر وكلو تمام بس العربيه كانت بتقطع وجابت طحينه تانى بعديها ب 5 ايام
روت لميكانيكى تانى شاطر قالى ان عمود الكاتينه معوج شويه ععشان كده كانت بتقطع ومش منتظمه ومسحلى الوش حاجه بسيطه خالص وركب وكل حاجه زى الفل وتمام والعربيه رجعت تانى زى الساعه بفضل ربنا
انما انا كنت بسمع صوت تكتكه كده على خفيف وهى بارده وبيزيد لما بتسخن وبيكون ملحوظ على السلانسيه انما لما تزود متسمعش حاجه خالص
روحت لميكانيكى تانى قالى ان التكيات محمله او فى بستم بيخبط فى وش السلندر عشان كده بتسمع الصوت والصوت ده هيفضل معاك بس مش هياذى العربيه ولا هياثر على اى حاجه فيها كل اىل هتضر فيه الصوت بس
لو الصوت مضايقك غير وش السلندر هيروح
لسه با هروح للميكانيكى الى عملى الوش وهساله واشوفه هيقول ايه
بس ان قولت اسالكو الاول تنصحونى بايه او اعمل ايه عشان اعرف اتكلم مع الميكانيكى
ويويت اعرف وش السلندر بيعملو كام بتاع الاوبترا
واسمه ان وش النوبيرا بردو بيركب وبيكون ارخص منتظركم تفيدونى او حل الصوت ده ايه