هل البطاريه الجديده تتشحن قبل تركيبها بالسياره

السلام عليكم احبائي بالمنتدي
انا ناوي اشتري بطاريه جافه ماركه ac delco جافه السعودي ومحتار بينها وبين ماركه تايجر صناعتها كوري والسعر شبه متقارب
بعد جوله في النت ومنتداكم الرائع لقيت فيه اعضاء بتقول انه لازم البطاريه الجديده قيل ما تركب في العربيه تتشحن شحن بطيئ والبعض الاخر بيقول تركب ودينامو العربيه هو اللي يشحنها ايه رأيكم في الكلام ده
اشتري جديد واركبها في العربيه وامشي بيها
ولا اسيبها للبائع تتشحن شحن بطيئ علشان الجهاز اللي عنده بيشحن احسن من دينامو العربيه اكيد انتو عارفين التونجر اللي بشحن البطاريات ارجو الافاده علشان الفائده تعود للجميع والف الف الف شكر للرد والمشاركه

البطاريه الجديده تفتح كيسها وتركبها في العربيه وتنساها

صح ...

البطاريات الجافه مش بتتشحن البطاريات السائله لازم تتشحن قبل التركيب

البطاريه الجافه مش بتحتاج شحن لانها بتطلع من المصنع جاهزه للتركيب بعكس البطاريه السائله الى بتحتاج شحن فى اول مره تركيب و عشان كده يفضل تجيب بطاريه جافه بتاريخ انتاج حديث عشان تستفاد بيها لاقصى درجه و اهم حاجه من مكان معتمد و مضمون عشان الضمان و الغش و كده

ac delco ممتازة بضمان عام كامل لاسترداد
تشغلها علي طول من غير شحن

الف الف الف شكر لكل الردوووووود

على فكره هى مش جافه هى اسمها
عديمة الانسكاب
بيبقى جواها المحلول الاليكتروليتى (مية النار +الميه المقطره)

الجافه
بتبقى جواها ماده زى العجينه

وهذا للعلم

من الأفضل شحن البطارية الجافة لمده ساعة على الأقل على تونجر شحن بطئ قبل تركيبها فى العربية وخصوصا لو عدى على انتجها سنة بتحتاج 3 ساعات شحن للوصول للشحنة الكاملة وتنشيط الألواح والحامض بعد فترة التخزين ولو ماتشحنتش بيقل عمرها الأفتراضى جدا وده لان دينامو العربية بيدى شحن بأمبير عالى وفولت متغير حسب كمية التحميل من الأنوار وخلافة ولمده قصيره وده بيتعب البطارية فى حاله انها ماتكونش مشحونة شحنة كاملة وده اللى بيخلى الناس تشتكى ان البطارية الجافة عمرها سنة بالكتير وده علشان بيركبوها من غير ماتتشحن ودى نصيحتى وبراحتك طبعا !!!!

اقتباس:

---

المشاركة الأصلية كتبت بواسطة aw2100

من الأفضل شحن البطارية الجافة لمده ساعة على الأقل على تونجر شحن بطئ قبل تركيبها فى العربية وخصوصا لو عدى على انتجها سنة بتحتاج 3 ساعات شحن للوصول للشحنة الكاملة وتنشيط الألواح والحامض بعد فترة التخزين ولو ماتشحنتش بيقل عمرها الأفتراضى جدا وده لان دينامو العربية بيدى شحن بأمبير عالى وفولت متغير حسب كمية التحميل من الأنوار وخلافة ولمده قصيره وده بيتعب البطارية فى حاله انها ماتكونش مشحونة شحنة كاملة وده اللى بيخلى الناس تشتكى ان البطارية الجافة عمرها سنة بالكتير وده علشان بيركبوها من غير ماتتشحن ودى نصيحتى وبراحتك طبعا !!!!

---

اكيد كلامك مضبووط جدا جدا

طالما عدى اكثر من 10 شهور على انتاج البطارية الجافة وهى مغلفة

تشحن من 2.5 ل 3 ساعات

و ac delco ممتازة فعلا
لكن
لا ترقى لماركات تانية فى مدة الصلاحية من سنه ل 2.5 سنه

فارتا السلفر رقم واحد 5 سنوات شغل
الباناسونيك رقم 2 3 سنوات شغل واكثر
البنر النمساوى رقم 3 فقط علشان اغلاهم 6 سنوات شغل
بووش الاسبانى رقم 4 2.5 سنه شغل ل 3

الفارتا السلفر 75 امبير جافه بكام ............ شكرا .