عاوز اعرف رايكم بخصوص كارت البنزين الذكى لانى اشتركت فيه واتصلوا بيا عشان استلمه
ياريت رايكم فى الموضوع ده وهل انا اتسرعت باشتراكى ولا لا؟؟؟؟؟
عرض للطباعة
عاوز اعرف رايكم بخصوص كارت البنزين الذكى لانى اشتركت فيه واتصلوا بيا عشان استلمه
ياريت رايكم فى الموضوع ده وهل انا اتسرعت باشتراكى ولا لا؟؟؟؟؟
استلمة و خلية معاك
اية المشكلة ... كدة كدة هيتعمل
انا معايا من شهر اغسطس
eventually كلنا هنعمله في الأخر,
وعلي حسب ماهو مكتوب في الموقع أن مفيش ليميت ال 150 لتر اللي كانو بيتكلمو عليه,,
بس هيبقي طريقة لمعرفة البنزين بيروح فين وبيستهلكه أفرد ولا البنزينات بتبيعه في السوق السوداء,
والله أعلم.
يا جماعة انا رخصة عربيتى بإسم ورثة ومش عارف املأ البيانات باسم المالك ولا اكتب ورثة فلان ولا اسم صاحب الحيازة
حد فيكم وقع فى المطب ده ولا لأ؟
الكارت جربتة ومش شغال
الفكرة كويسة فعلا و بتنظم إستهلاك البنزين و توضح مين المستفيد منه
و تقدر تدي متوسط إستهلاك لكل فئة من السيارات
و هتسبب أزمة ﻷصحاب السيارات المسروقة
لكن في النهاية لازم نكون واقعيين في فئة هتضرر ممكن نكون منهم و ممكن ﻷ
و ممكن نكون من متضرري المرحلة اﻷولى أو التانية أو التالتة
بدل الحكمومة بتنظر أن البترول و الغاز المصري المستخرجين من اﻷراضي المصرية لابد أن يباع للمواطن بالسعر العالمي و أن الفرق في السعر يبقى دعم و عايزين يرفعوه يبقى لازم هيرفعوه عاجلا أو آجلا و لازم هتضرر في يوم من اﻷيام
مثلا ممكن البداية اللي فوق 1600 cc
بعد كده يقولك 1400
بعد كده عن 92 و 90
وهكذا لحد ميرفعوه خالص و ميركبش عربيات غير اللي معاه يصرف
الكارت المفروض بتفعله عن طريق الدخول للموقع وادخال كود - المفروض الشركة بتبعته على تليفونك -
انا استلمت الكارت من غير ما يبعتوا حاجة ليا .... لسه هاتصل بيهم اشوف ايه كود التفعيل
انا قرأت الموضوع . و سجلت في الموقع . امتي استلام الكارت . و ارقامهم ايه للاتصال ؟
و أنا بردو سجلت و لسه لا حياة لمن تنادي.
هما اللى بيتصلوا بيك ..... ما تقلقش
هوا لحد دلوقتي وعلي حسب كلام الموقع مش هيكون فيه ضرر علينا لأن زمان كان قالو فيه ليميت ١٥٠ لتر في الشهر للعربية والناس قعدت تاكل في أعصابها بس الموقع بيقول أن الكمية غير محددة ودا حقيقي.
وأنها مجرد عملية لمعرفة البنزين فعلاً بتستهلكة عربيات, ولا فيه بنزينات بتبيع البنزين المدعم اللي بيوصلها في السوق السودا بدل ما يدخل المحطة.
لو الكارت معمول عشان كدا فادي فكرة ذكية وأهلا وسهلا بيه. لأن كل بنزينة هتاخد حصة بنزين ومش هيطلع أن فيه عربيات أخدت بنزين من عندها النفروض تتقفل.
أما بقي عن موضوع رفع الدعم دا,, فادا حمادة تاني وأتمني إن الحكومة تبقي أذكي شوية من الحكومات القديمة ومتعملش كدا لأن دا هيأثر علي الشعب كله وعلي أسعار السلع والمواصلان مش هيأثر علي شريحة واحدة بس يعني.
وهتبقي العواقب مش حلوة, فربنا يستر الناس عايشة بالعافية.
دلوقتي بقي أنا لسه مجدد الرخصة شهر ١١ وكل ما أدخل تاريخ أنتهاء الترخيص الموقع ميقبلوش,,
حد واجهته المشكلة دي ؟
انا كمان عندى نفس المشكلة ومش لاقى حل اعمل اييييييية
الموضوع معمول بس علشان يقدروا يحكموا الموضوع فاصحاب التكاتك واللى بياخد فى جراكن "لاعمال غير معلومه " واصحاب العربيات اللى من غير نمر "سواء مسروقه او انتهى ترخيصها وماشيه فى الشوارع الداخليه ومنها شغال اجره " وطبعا اللى حيبتدى من اصحاب البنزينات يشتغل على كرت واحد ويسحب كتير حيتهرش ويتعرف انه بيهرب بنزين حيتعكش واحتمال تتصادر البنزينه وعلشان كده انا شايف انه قرار محترم ويا ريت يتطبق فى اقرب وقت لانه مش حيضر حد من المواطنين المحترمين وحيوفر الهدر فى المواد البتروليه
وللعلم اجلا ام عاجلا سواء الاقتصاد تحسن او "لا قدر الله "ازداد سوءا الدعم على المواد البتروليه حيتشال زى اغلب الدول سواء الاكثر تقدما او الاقل تقدما .
تحياتى .
حاولت أسجل تاني أنهارده علي الموقع وبرضه مقبلش التسجيل,M
وقولت أتصل بالأرقام اللي حضرتك ذكرتها الخاصة بالشكاوي,
وكانت المفاجئة,, "هذا الرقم غير موجود بالخدمة, من فضلك تأكد من الرقم المطلوب.!"
دا بالنسبة للرقمين..
عمار يا مصر,, :Copy of rfds: :T_thum1[1]:
ممكن أعرف حضرتك جبت الرقمين دول منين, وأكلم مين أنا دلوقتي ؟
اتصل بهذه الارقام 19680
19683
من المحمووووووووووووووووول مش من خط ارضي فهي تعمل وبكفاءه
ألف شكر لحضرتك علي التوضيح,
كلمتهم دلوقتي من الموبيل وخدمة العملاء بتاعتهم زوق جداً.
مشيت معايا واحدة في الخطوات وفكرت أنها هتسجلي لأنها أخدت كل البيانات ومشت في كل الخطوات,
وفي الأخر قالت مقابلهاش مشكلة وأنو أجرب متصفح تاني, قلت لها أني جربت IE و Firefox و Chrome
وكل مرة يحصل نفس الخطأ.
قالت لي أنها ممكن تعملي شكوي وحد هيكلمني عشان مينفعش تعمل التسجيل هيا عن طريقها..
وشكرتها وبس كدا.
الغريب إن الرقم دا المفروض هوت لاين يشتغل من علي الأرضي والموبيل.
مش عارف ليه بيشتغل من علي الموبيل بس ؟!