الموضوع: تحسين الاضائة هام للجميع

السلام عليكم ورحمة الله وبركاته

انا عامل الموضوع دا لكي يستفاد الجميع

اكثر الناس بتدور انها تحسن الاضائة علشان الطريق بالليل يكون ظاهر وواضح

انا بقالي اكتر من سنة بحاول في تحسين الاضائة

جربت حجات كتيرة

اولها جربت ملبات فليبس كرستال فيجن
في الفاضي تعبانة وغالية

جبت لمبات 90 وات بدون كتاوت
عادية ومفيش فرق

ركبت كتاوت الفارق معدوم

جربت لمبات جبتها من علي النت لونها ابيض 140 وات
كويسة بس عايزة طريق مظلم علشان تظهر اضائتها

تحت انوار عواميد النور الاضائة مش ظاهرة

الزنون نفس الموضوع الاضائة البيضاء مش قوية مثل الصفراء
غير كدة الزنون علشان يبقي ممتاز لازم فوانيس عدسات
لو فوانيسك عادية الضوء هيبقي مشتت ومش هتستفيد بيه

دورت في المنتدي كله بيشكر في ملبات مش موجوده في السوق
زي التنجسرام
ودي قلبت الدنيا عليها وملقتش منها
H4
لقت منها الطبق بس
دورت علي الـ osram
موصلتش ليها برضه

وبعد البحث الطويل
ربنا يصلح حاله يارب صاحب محل محترم
اداني لمبة قالي جربها وعلي ضمانتي
وهي نيرفا
200/260CP
المبة تكنولجيا الماني صناعة بولندي
الاتنين ب 100 جنيه

والصراحة بعد ما ركبتهم لا تقولي زنون ولا نور ابيض ولا اخضر

بسم الله ماشاء الله

مش هقول اكتر من ان الشمس طالعة قدامك وانت سايق النور واضح جدا جدا جدا

انا مكنتش متخيل اني هوصل لدرجة الاضائة دي في يوم

انا اشريت اللمبات بالليل وكنت علي سفر والله طول ما انا سايق فضلت ادعي لصاحب المحل واقول ربنا يباركله

انا كاتب الموضوع دا لان في مواضيع كتيرة ناس بتدور علي تحيسن الاضائة

وكل اللي بيرد بينصحه بالتنجسرام ومعدتش موجوده في السوق اساسا

النصيحة بجد ركب كتاوت وجرب لمبة النيرفا 200/260

ملحوظة وهذه المعلومة من صاحب المحل اللي اشتريت منه

في منها مضروب مكتوب عليها صناعة الماني
وسعرها من 25 جنيه ل 35 جنيه

النيرفا مفيش منها الماني
الاصلية مكتوب عليها تكنولجيا المانية صناعة بولندي

تحياتي

متابع