بالفيديو! فَعَلْتُها: فتح الشنطة بالريموت بطريقة دراماتيكية!
كنت عملت موضوع فتح الشنطة للعربية الشاهين 2004 بزرار من جوة العربية والحمد لله عملته بنفسي زي الموضوع اللي كان مطروح ع المنتدى هنا
http://www.nilemotors.net/Nile/96748-a.html
الكلام ده كان من 4 سنين وشهرين! وشغال تمام من ساعتها المهم غيرت الانذار من حوالي 7 شهور وركبّت (عند الكهربائي) انذار وولف (155 جنيه) الريموت بتاعه فيه زرار لفتح الشنطة ووصلّه من غير ما يلغي الزرار اللي في التابلوه
بس من ساعتها وزن الشنطة زاد شوية فبَقِت وانا فاتحها بتنزل عليّ كده :)، فقلت اشد السوست بتاعتها (ليها لسه تكتين!) المهم طِلْعِت مشدوده جدا وخلعت واحدة بالعافية ومعرفتش ارجعها مكانها حتى! ورحت لسمكري عملها بالطريقة دي ومحتاجة الآتي:-
* شخصين
* سلك ناشف
* مفك
الأول تلف السلك على طرف السوستة والطرف التاني تعمله زي حلقة كده وتحط فيها المفك بالعرض وتشد، والشخص التاني يريّح السوستة في مكانها...
المهم عشان مطوّلش عليكم خليته عمل السوستتين على تاني درجة
وفعلا بقت بتفتح لوحدها وع الآخر بس بسرعة جامدة جداً يعني انا كنت متوقع انها تبقى اهدأ من كده شوية ولازم اسندها بإيدي :(
ففكرت ان الحل إني اتقَّل وزن الشنطة شوية!!!
وقد كان بعد محاولات وصلت لأني حطيت (محدّش يضرب!) زلطة كبيرة جوة الشنطة (لفّيتها بكيس بلاستيك وشكرتون) وتبثتت كويس
والنتيجة رائعة...
ماتيجو نشوف: :)
Remote Openning of Şahin trunk - فتح شنطة شاهين بالريموت - YouTube
إيه رأيكم يا شباب؟
