الموضوع: يعني ايه ميكانيكي كان شغال في التوكيل ؟

كل واحد عايز يشكر في ميكانيكي يقولك ده راجل تمام وكان شغال في التوكيل
متهيألي الميكانيكي الشاطر بيبقي شاطر في كل مكان مالهاش دعوه بتوكيل او غيره
وبعدين انا حاسس ان ميكانيكيه التوكيل ما عندهمش معلومات فنيه نهائي كل اللي عليه انه يغير وخلاص
أو يحط العربيه علي الكمبيوتر ويطلع العيب طيب انت لو راجل فني طلع العيب بقي من غير جهاز
فا انا عايز اعرف ليه الناس يتكتر من الكلمه دي ؟
أسف مش قصدي أهانه اي مهندس للتوكيل وانا عارف انهم ناس محترمين جدا وفي منهم ذات خبره عملاقه في المجال

يعني كان شغال في التوكيل الفلاني وفتح ورشة خاصة بيه بس كده

قصده يوصل لك معلومه تطمنك اكثر لحرفيه الشخص انه كان شغال فى توكيل الشركه المصنعه يعنى على خلفيه ومهاره كبيره فى تصليح العربيه والتعامل مع الاعطال الخاصه بيها وعلى اساس ان التوكيلات مش بتشغل الا ناس شاطره و مهنين وبياخدوا تدريبات من الشركه كمان

وبعدين انا حاسس ان ميكانيكيه التوكيل ما عندهمش معلومات فنيه نهائي كل اللي عليه انه يغير وخلاص
أو يحط العربيه علي الكمبيوتر ويطلع العيب طيب انت لو راجل فني طلع العيب بقي من غير جهاز

انا معاك فى الجزء ده برضوا بحس ان شطاره الصنايعى او الحرفنه بتبقى قليله

المشاركة الأصلية كتبت بواسطة MMamdouh

+100

انا الميكانيكى بتاعى لا يزال شغال فى التوكيل و حصل على دورات تدريبية على السيارات اللى حيشتغل فيها

دا غير ان كونة شغال فى التوكيل بيعدى عليه عربيات بالهبل و بيقدر يعرف اى عيب مشترك او كثير التكرار و طرق علاجة لان التوكيل بيجيلة عربيات يوميا اكتر من اى ورشة فى اسبوع

الموضوع تدريب و خبرة

MMamdouh

طيب ممكن توصفلي الميكانيكي بتاعك يا باشا

والله انا ليا واحد صاحبي شغال في توكيل فيات والي بيقولة ان الحوار مش موضوع انهم بيبقوا صنيعية ممتازين في التوكيل لاء هو بيقول ان في صنايعية شطار برة في الورش بس المشكلة انة ماعندوش امكانيات كشف الخطاء صح وبرضة معندوش الخبرة في الفك والتعامل زي بتاع التوكيل لان بتاع الوكيل بيفوت علية 100 عربية فيهم نفس العيب فبيعرف اسهل طريقة يفك ويرجع من غير مايبوظ في العربية عكس الي برة لانة بياخد دورات مش التاني مبيقاش لسة عرف حيفك اية الاول ويربط اية التاني وكدة
بس عموما الخبرة لو موجدة في الي برة بيبقي غالي برضة وقريب من التوكيل بس انا شايفة احسن من التوكيل لانة بيبقي انضف وفي ناس بتشوف التوكيل احسن , وكل واحد لية رئية بس فعلا في ميكانيكية كتير بيبقوا شغالين في التوكيل وعندهم ورش برة