-
دايو نوبيرا
انتهيت من عمل السمكرة و دهان الجنب الشمال لعربيتى النوبيرا 2008 بعد حادثة تسببت في تلف بابين و العفشة الامامية غيرت البابين ببابين استيراد اشترتهم من الحي العاشر و طلعوا مقلب يعنى خلع مش استيراد و للاسف السمكري شافهم و ماقليش انهم وحشين و بتاع الدوكو و هو بيرش خد الجنب الشمال كله لان العربية ميتالك رغم ان الرفارف كانت سليمة تماما و عفر نص القايم التحتاني و الدهان كان خشن في العتب فرفضت استلام العربية و خليته يظبط الكلام ده على قد ما قدرنا و بعد كده أخدت العربية و رحت للميكانيكي أعمل صيانة شاملة المهم غيرنا بوجيهات و مساعدين و مقصات و جوان وش التاكيهات و زودنا زيت فتيس (مانوال) و رجلش الفرامل ووطى الدبرياج طلعت اجرب العربية لقيت أصوات ترزيع خفيفة و رجرجة بسيطة في الموتور عند التحرك و عند نقل السرعة و حاسس ان تعشيقة التالت مش بتيجى في مكانها زي قبل الحادثة قفلة الابواب مش مظبوطة مش عارف اعمل ايه مش دي العربية اللي كنت راكبها قبل الحادثة ده غير تقفيل الصنايعية لفرش الابواب و الصالون منهم لله مفيش كلبس راكب حتى فرش الشنطة خلعوه و سابوه من غير كلبسات
-
ده حال الصنايعيه كلهم :banzai:
بجد مش عارف اقولك غير الله يعينك
-
راجع على قواعد الموتور والفتيس ممكن يكون هما سبب الرجرجة والاصوات دى وممكن تدايق الفتيس فى النقلات
-
بيتهيألى لازم تضبط زوايا واتزان ليكون العربيه محتاجه زراجين
ووحده وحده العمليه هتضبط معاك
Content Relevant URLs by
vBSEO 3.6.0 PL2