الموضوع: ده محل أكل عيش

المشاركة الأصلية كتبت بواسطة MMamdouh

كلام جميل بس الموضوع مش بالسهولة دى

اولا فيه عنصر المفاجئة و هو ان الماشا جى نافخ ريشة و متاكد تماما انه جاى يركن فى ملك اللى خلفوة... و فجاءة يلاقى القفل مش قابل المفتاح و لا عارف يفتح القفل ولا عارف يشيل السلسلة و لا عارف يركن... زود على كدة لو كان وقف وقفة فى وسط الشارع على اساس انه حياخد ثوانى لحد ما يفتح القفل و يركن و يلاقى الموضوع طول كتيير و بداء صف عربيات يتكون و البعض بيدى كلاكسات و البعض الاخر بيقول اسامى حيوانات و كدة

ثانيا سحلة البحث عن مكان اللى كنا فيه طلعت علية.. لانه حيبدا يلف و كل مرة يعدى من قدام ركنتة حيتحسر و يضور على اى خرم يرمى فيه العربية

ثالثا مهمة كسر القفل المتوفى عشان يفتح السلسلة و غالبا حيجيب حداد او كدة عشان يكسر القفل او حلقة من السلسلة لتحرير الاراضى المحتلة

رابعا شراء قفل جديد لاعادة تامين المكان و استعادة اليطرة

كل دة من عود كبريت واحد... شوف انت بقى علبة الكبريت فيها كام عود؟؟؟؟؟؟؟؟؟؟

MMamdouh

ههههههههههههههههههههههههه هههههههههههههههههه

بصراحه مش قادره ابطل ضحك

احلي رد قريته لحد هلا

مش ممكن بجد يا استاذ محمد

احييك من هنا لبكرة و ارفعلك القبعه

انت عملت فيه كل حاجة ممكن تتعمل

حرقة دم و غرامة و حسرة و كله

ضيف لده كمان انه هيبقي لسه راجع من السفر و تعبان و اللي هيحصل ده هيرهقه اكتر

نيييييهههههههههههههه

انا فرحانه فيه اوي

و مش عارفه ايه كميه الشر اللي تلبستني دي من ساعة ما قريت ردك



بجد في ناس متستهالش غير كده عشان يحسو بالناس

انا اول مرة بصراحه اعرف ان الكبريت مهم اوي كده في حياتنا

كنت من كام يوم بازور والدى ............ برضو عندهم ازمة ركنه
المهم لاقيت مكان و ركنت عمودى على الرصيف و نازل متاخر جدا و معايا المدام و الولد لاقيت عربيه قافله عليه ......... عامل الفتيس على بارك و شادد فرامل اليد

صحيت كل بوابيت العمارات ما حدش عارف دى عربيه مين

انا مش عارف ازاى يدى نفسه الحق انه يمنعنى من الخروج .......... طالما ركن صف تانى يبقى خلاص يسيب فرامل اليد ......... لكن عالم قمه فى البجاحة و قله الادب لان كان ممكن انزل فى حاله طوارئ لو حد تعبان لاقدر الله
المهم برضو قعدت اضب كلاكسات صحيت الشارع كله ما فيش فايده البيه يظهر نايم ........... اتنرفزت جدا جدا و لاقيت نفسى لا اراديا باضرب عربيه الراجل بالشلوت و فوجئت ان الباب راح فى داهيه (اكن دخل فيه اوتوبيس) ............. من شده الغيظ لانى كنت مسافر السويس بعدها بكام ساعة و الوقت متاخر و معايا الاسره

كان الحل الوحيد انى اروح بعربيه والدى ......... روحت و سافرت بيها السويس و رجعت لاقيت عربيه تانيه قافله عليا روحت بيتنا و جيت اخدتها بالليل

شوف انا عملت كام مشوار زياده؟؟ و لو ما كانش فيه عربيه تانيه كنت هدفع قد ايه فى المشاوير دى لو عملتها بتاكسى؟؟؟ و لو كان فيه حد عيان و نازلين نجرى بيه فى نص الليل على المستشفى كان ايه اللى هيحصل؟

كل ده بسبب همجى عديم الاحساس و المسؤليه ......... عشان كده حلال فيه الباب

يعنى الموضوع مش موضوع حلاق او بقال مستواهم مش عارف ايه ..... لالالالالا
الموضوع اصبح طباع اغلبيه الشعب العجيب ده ....... عشان كده حكومته لايقه عليه