الموضوع: شراء سيارة مستعملة لأول مرة أرجوا المساعدة

السلام عليكم

أنا كنت ناوي أشتري عربية يا جماعة ولأني مستجد ودي أول عربية ليا فكل ما أسأل حد أحس إنه عايز يشتغلني ويطلع بمصلحة ومبقتش عارف أعمل إيه

الميزانية بتاعتي حد أقصى 45 ألف جنيه والميزانية مش مرنة قوي يعني أقصى حاجة ممكن أستلف ألفين عليها بس مقدرش أزيد عن كدة


طبعا لا للصيني مطلقا
وبرضه الفيرنا لا لأني بسمع عنها كلام وحش كتير فأخدت قرار خلاص أني أتجنبها


فدلوقت عايز أعرف إيه أفضل عربية في الحدود بتاعة ال45 باكو


أنا بستخدم العربية كمان في السفر يعني عايز عربية حمولة وثابتة على الطريقة ونظرا لطبيعة شغلي "مبيعات" لازم العربية يبقى ليها منظر ولو إلى حد ما يعني مينفعش تكون قديمة
وبرضه مش عايزها تغلبني قوي في قطع الغيار لا من حيث كترة التصليح ولا من حيث السعر

بإختصار المواصفات في نقط

1- تكون قوية بالقياس لمواصفاتها
2- يكون شكلها حلو بالقياس لسعرها
3- تكون حديثة نسبيا
4- تكون قطع غيارها قوية مبتتغيرش كتير وتكون مناسبة في السعر
5- وطبعا يكون إعادة بيعها ممكن

منتظر رأي الخبراء