السلام عليكم
تحياتى للجميع
.. أنا معى إسبرانزا 516 من الزيرو موديل 2008 وكانت كل الصيانات الدورية بعملها فى تكنوسيرفيس 1 إلى فى قباء .. كل 5000 كيلو كنت باروح هناك وأطلب الصيانة الدورية ولو لى ملاحظات إضافية يعملوها .. حتى إن شركة أبو الفتوح إتصلوا بى وأرسلوا بالبريد كارت تخفيض فى قطع الغيار لأنى من العملاء الملتزمين بالصيانة
__________________ لـــكن ____________
فى صيانة الـ 50000 إتصلوا بى وقالو إنها محتاجة قاعدة موتور .. قلت ماشي
ثاني يوم فوجئت بالعربية بتغربل وبتعمل صوت من العجلة الأمامية يمين
قولت هاروح تاني يوم أشوف علموا إية فى العربية لكني كسلت
ولما خرجت بالعربية تاني يوم ... قولت أعدي على بتاع كاوتش يظبطلى الهواء يمكن يكون ده السبب وكانت الكارثة إن الفردة اليمين على مسمار واحد ...
البهوات مكانوش رابطين المسامير كويس وطبعا طاروا واحد ورا الثاني مع المشي .. وربنا ستر إنى روحت بتاع الكاوتش ده قبل وقوع الكارثة
المهم روحت عملت معاهم الواجب بالزوق ... ولكنى قررت ألا أذهب لمركز الصيانة ده تاني أبدا
طالما إن مراكز الصيانة المعتمدة زيها زي ورش الإسطى بلية ... فأهلا بالأسطى بلية
_________________ طلبى الأن من الأخوة الأعضاء هو إرشادي لورشة صيانة محترمة تكون فى جسر السويس أو ما حولها (ماعدا الحرفيين) عشان وصلت لـ 60 ألف والعربية محتاجة صيانة وعايز أروح لحد بيفهم وأكون واقف على إيده وهو شغال ......
شكرا جزيلا
وأسف للإطالة