عرض للطباعة
مساء الفل يا جماعة كنت عايز استفسر سؤال لاخويا حبيبيى هو ينفع حد يجيب اى عربية يعنى لو معايا مبلغ ينفع اجيب بية العربية الى نفسى فيها برضوا مش فاهم يا نصا يعنى مثلا لو عايز اجيب نيسان z350 ينفع تنزل مصر اصل اخويا اول ما نزل من الامرات راح عند معرض القرش وقالوا ينفع
بس تمنها حراء اية رأيكوا هو عايز لكمارو او هيا بس انا قلتلوا بلاش مصر مش ............
بس راكب دماغة اية رايكوا يا جماعة علشان هو رايح يتفق مع المعرض بكرا
يرجى إختيار عنوان مناسب يدل على محتوى الموضوع
تم تغيير العنوان
م ع 5
هو معاة 850000 الف
كان في كامارو معروضة مستعملة موديل 2010 .. وخليه يركب ويستمتع ويعيش حياته
هو المعرض ممكن يجبها له عادى بس هتبقى غاليه عن سعرها كتيير
انا بقوله يفتح مشروع او يشتريلة شقة احسن بس الشيطان شيطان بس المهم يعنى المعرض ممكن يجيبهالة صحيح
اسف للادارة على العنوان السئ للموضوع لكنى حاولت اغيرة لاكنى ما عرفت اسف
دودج تشارجر موجوده علي ما اظن
شوفتها علي المواقع ب760 الف
بس قابل بقي سوبر ضريبه 2%
وسوبر مطبات في الشوارع
وسوبر حفر
وسوبر سواقين ميكروباص
يعني حتركب عربيه سوبر بس مش حتتمتع بسواقه سوبر
يا شنورى باشا هو هيطلع بيها مارينا مشوارين جو الزقازيق بس يعنى مش هيروح بيها الشغل مشواير خفيفة كدة يعنى ومساء الففل عليك
مساء الورد عليكم وربنا يرزقكم بكل اللي تتمنوهاقتباس:
المشاركة الأصلية كتبت بواسطة shawke hamed
ويكفيكم شر العين والمطبات (:
بس وانت راجعين من مارينا تعالوا علي اسكندريه علشان اخد لفه وكام صوره للذكري
معاكم طبعا مش مع العربيه
دي حنحطها في الخلفيه مش اكتر :36_2_33:
هعدى عليك بس مش هديك لفة الو ودى هديهالك خالص حبيبى والله مساء الفل عليك يا غالى
خليه يجيب bmw 335i و يوفر باقي المبلغ و دي تعتبر سوبر كار
وجهة نظر تحترم بس ينفع بالمبلغ يجيب m3
m3 اغلى بكتير
ممكن يشترى فورد موستنج كونفيرتبل موجوده فى مصر وموجود مستعمل منها كمان
وهيلاقى لو دور بورشات كتير استعمل
و دودج تشارجر و تشالينجر
و BMW convertible
و جاجوار وأودى
العربيات دى ليها معارض معينه بتشتغل فيها و موجوده عندها موديلات كتير بس هتواجه مشكله الصيانه و قطع الغيار
لية مشكلة الصيانة وقطع الغيار علشان ملهاشش توكيل فى مصر ولا ملهاش مشاكل صيانة
سؤال ياباشا لو جاب سوبر كار هيمشي بيها فين دة اسرع طريقة عندنا 120 يعني صباح ردارات
مش عارف والله طيش بقى ربنا يهدية ويشيل الموضوع دة من دماغة
من رأيي حرام بصراحة في البلد دي... بس لو المبلغ ده معايا والمفروض أجيب بيه عربية يبقى جاجوار بدون تردد لعشقي لها... والمتاح منها بالسعر ده هتكون الـxf فقط لا غير بحوالي 800 ألف!!