إلغاء الأتوبيسات فئة 25 قرشاً دون سابق إنذار

**Hacker5** · 18-09-2008 06:31 AM

في غفلة وكعادتها رفعت الحكومة متمثلة في هيئة النقل العام بالقاهرة الكبرى سعر التذاكر في سيارات الأتوبيس فئة 25 قرشاً إلى 50 قرشاً من دون سابق إنذار.

قرار زيادة أسعار تذكرة أرخص وسيلة مواصلات في مصر جاء بشكل مفاجئ وعقب فترة قليلة على تصريحات حكومية جاءت على لسان رئيس الوزراء بنفيه نفياً قاطعاً زيادة أسعار المواصلات العامة رغم زيادة أسعار السولار والبنزين.

وزادت أسعار كافة المواد البترولية في مايو الماضي من أجل توفير مصادر التمويل اللازمة للعلاوة الاجتماعية التي أقرها الرئيس حسني مبارك لجميع العاملين في الدولة ، إلا أن الحكومة أكدت عدم زيادة أسعار تذاكر المواصلات العامة.

هيئة النقل العام لم تكتف بزيادة تعريفة الركوب فقط بل إنها رفعتها دون رفع كفاءة الأتوبيسات مثلما كانت تفعل في السابق ، بالتذكرة فقط زاد ثمنها دون إضافة أي مميزات على وسائل النقل.

هذا القرار جاء خلال شهر رمضان المبارك الذي زادت فيه كافة أسعار السلع الغذائية رغم تأكيدات الحكومة عكس ذلك.

يذكر أن عدد كبير من المواطنين مازال يستخدم الأتوبيسات العامة في تنقلاته نظرا لأنها الأرخص سواء من أسعار مترو الأنفاق أو سيارات السيرفيس.

**Dr_Smart** · 18-09-2008 06:39 AM

يااااه هو كان لسه فيه حاجه بربع جنيه في البلد !!

تلاقيهم ماكانوش واخدين بالهم

ربنا يصبر الشعب الغلبان ان الله مع الصابرين

**meza** · 18-09-2008 06:45 AM

حـكو** بايظة و مش لاقيه اللى يلمها ....... متوقع إيه يعنى

خلى نواب مجلس الشعب يضحكوا عالدقون !!!

نكد عالصبح كده :( ...... ملايين الغلابة مش هتلاقى مواصلة تركبها بعد كده .... متهيألى هما مغلوهاش عشان لقيوها فاضية و محدش محتاجلها .. غلوها عشان يسرقوا ما تبقى من الفتات اللى فى إيدين الغلابة.

**SeiffoZ** · 18-09-2008 06:54 AM

فعلا أنا أول مرة أسمع إن الأتوبيسات لسه فى بربع جنية ..
بس عامة ربنا يكون فى عون الشعب ...
و ربنا يوفقنا إننا نقدر نقاوم إللى بيحصلنا ده

**Akram** · 18-09-2008 10:00 AM

فيه ناس غلابة بتحبها بالقرش ,
المصاريف - الانتقالات - الايجار - الكهرباء ..... الخ.
ربنا يكون في عونهم ,
و أي حد يعرف ناس غلابة يحاول يتصدق عليهم ,
و الأقربون أولي بالمعروف.....

**abzoabzo** · 18-09-2008 04:47 PM

الناس ده تستاهل اكتر من كده ولو شالوا الاوتبيسات خالص هيبقوا مبسوطين ومفيش كل- هيفتح بقى ويحاول يشغال دماغه

قل لن يصيبنا الا ما كتب الله لنا

**Bossy_Fadl** · 19-09-2008 10:57 AM

ده حرام و الله العظيم

الناس هتلاقيها منين و لا منين

في ناس بتحسبها بالظبط هيدفعو كام في المواصلات طول الشهر

كده بيضاعفولهم الميزانية دي

حرام بجد

ده حتي الفول اللي هما مش لاقيين ارخص منه غلىىىىىىىىىى

حسبي الله و نعم الوكيل

الناس الغلابه دي تعمل ايه بس

**aliabutaleb** · 19-09-2008 03:55 PM

المشاركة الأصلية كتبت بواسطة Hacker5

قرار زيادة أسعار تذكرة أرخص وسيلة مواصلات في مصر جاء بشكل مفاجئ وعقب فترة قليلة على تصريحات حكومية جاءت على لسان رئيس الوزراء بنفيه نفياً قاطعاً زيادة أسعار المواصلات العامة رغم زيادة أسعار السولار والبنزين.

أكتر حاجة ملفتة في الأمر
ان أول ما المسئولين عندنا ينفوا إشاعة بقينا نتأكد فوراً إنها حقيقة
والأمثلة لا تعد ولا تحصى

**bee** · 19-09-2008 04:15 PM

المشاركة الأصلية كتبت بواسطة bosyfadl

ده حرام و الله العظيم

الناس هتلاقيها منين و لا منين

في ناس بتحسبها بالظبط هيدفعو كام في المواصلات طول الشهر

كده بيضاعفولهم الميزانية دي

حرام بجد

ده حتي الفول اللي هما مش لاقيين ارخص منه غلىىىىىىىىىى

حسبي الله و نعم الوكيل

الناس الغلابه دي تعمل ايه بس

انتي بتقولي فيها يا بوسي
الفول والعدس الي كانوا أكل الفقير دلوقتي مين يقدر على تمنهم

لكي الله يا مصرهم

**mohamed2002** · 19-09-2008 11:12 PM

هوة اصلا كان في اتوبيس بربع جنيه في مصر؟

الموضوع: إلغاء الأتوبيسات فئة 25 قرشاً دون سابق إنذار

LinkBack

أدوات الموضوع

عرض

إلغاء الأتوبيسات فئة 25 قرشاً دون سابق إنذار - انشر الموضوع فى :

-

-

-

-

-

المواضيع المتشابهه

مصادر فى «البترول»: «بنزين 95» بـ475 قرشاً يوم السبت

مصادر فى «البترول»: «بنزين 95» بـ475 قرشاً يوم السبت

إنذار اسباي تاني - معلش- لو ريموت إنذار سباي تو خلص شحن تفصل الإنذار إزاي

قد ايه بيحقدوا علي مصر.....لاعب تونسي سابق

مشكلة دخول الأتوبيسات المصرية للمغرب

الكلمات الدلالية لهذا الموضوع

المفضلات

المفضلات

ضوابط المشاركة