الموضوع: عايز اكل كبســــــــه؟؟؟؟

اولا طبعا شكرا لكل اللى رد

المشاركة الأصلية كتبت بواسطة saddam

صديقي المواطن
الكبسات كتير وأنا أعرف أكتر من 10 مطاعم حتعجيك وأنا على فكرة بعرف أطبخها على أعلى المستويات ولكن مبدئيا أبعتك ل إثنين واحدهم حضرموت ولكن أنا لقيت أكثر من 22 فرع يدعي أنه حضرموت زورا وبهتانا فوجدت أفضلهم هو حضرموت جامعة الدول مقابل فرغلي عصير ثم يليه مطعم جدودنا في الدخلة المقابلة للمعهد القومي للبحوث في الدقي ثم عندك مطعم ميدان الشام في اﻷردنيه في الحي السابع أكتوبر ولو معجبكش الثلاثة دول كلمني أرصلك ثلاثة آخرين
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
ولو عايز مطاعم أكلها عظيم بس منظرها تعبان برضو أعرف ولكن الكبسة الصح مكانها مش مصر ولكن أقرب مكان للكبسة في مصر هو مرسى مطروح قولا واحدا

والله شكرا جدا ليك أ/ صدام
انا ممكن اجرب حضر موت بس ياترى ايه اخبار الاسعار هناك

المشاركة الأصلية كتبت بواسطة الجنرال

خلاص من غير فلوس خالص :d

واحد اسمه مجرشي فى المهندسين قريب من ميدان لبنان .. ده اصلا صاحبه السفير السعودي السابق (القطان على ما افتكر) وبجد الجو والاكل تحس انك فى السعودية .. وفي عائلات بتروحله من المعادي مخصوص علشان تاكل حاجة معينة عنده (كنافة بالكريمة تقريبا)

المهم .. هتلاقي فى المطعم ده سعوديين وخليجيين كتير بياكلوا فيه .. وفيه حتة ولد يمني .. هو غلبان اه .. لكن بيعمل شاي تحفة بالنعناع السعودي وبيعمله بطريقة .. معلم بجد

اول ما بتدخل المطعم وتقعد تلاقيه جايلك بكوبايه قهوة سعودي .. وممكن شاي لو طلبت منه .. وبعد الاكل لازم يعدي عليك بكوباية شاي (ببلاش على فكرة ... هو بيقدم المشروبات دي ببلاش وعايش على التبس واللى فيه النصيب .. وهو اصلا مش تبع المطعم ولا ليه دعوة بيه .. بس بيقدم الحاجات دي ببلاش وبياخد تبس يعيش عليه)

اسعار الفراخ (المندي والمظبي والحنيذ ومعرفش ايه تانى) يتراوح في حدود 35 جنيه (لا تتوقع فرخة كبيرة .. هي عصفورة صغيرة بس طعمها تحفة)

اسعار اللحوم (وكلها لحم ضاني) بتبقى فى حدود ال 50 جنيه

بصراحة مش هعرف اوصفلك العنوان .. فهجيبلك صورة من جوجل

التاني بقه وده اقل درجة من مجرشي وفي نفس الوقت طعمه حلو شغال يعنى

هو بيت الكبسة فى مدينة 6 اكتوبر

لو انت جاي من عند مدرسة جيل 2000 وماشي فى اتجاه المتميز (شارع المدارس لان فيه مدارس كتيرة قوي هناك) هتلاقيه على شمالك قدام شوية

بس بجد .. جرب مجرشي وصدقني مش هتندم خالص

طيب والله انا شايف انه جو جميل ومختلف باردوا فى نفس الوقت


بس انتوا كد حيرتونى جدااااا
مجرشى ولا حضر موت
انا عايز مكان جاااامد واكل طبعا جامد وكمان الاسعار تكون كويسه مش مبالغ فيها


وكمان مش عايز بسمتيو والجو دا انا عايز حاجه اصلى مش تيك اواى