سؤال للشباب المغتربين خصوصا الكويت

**mr_vampire** · 28-11-2013 07:43 PM

السلام عليكم ياشباب.

ندخل فالموضوع علي طول عشان مفيش وقت.

انا مسافر كمان 6 ساعات راجع مصر ان شاء الله. بشيك عالباسبور لقيته منتهي بقاله شهرين ونص بس الاقامة سارية .

فهل ده يمنعني من السفر لمصر. علي اعتبار اني خارج من البلد مش داخلها وكمان مسافر بلدي ( يعني ممكن اجدده هناك ) مش مسافر بلد تانية.

الرد بسرعة الله يكرمكو يارجالة.

**mr_vampire** · 28-11-2013 10:09 PM

الحمد لله عدد ماكان وعدد مايكون وعدد الحركات والسكون.

الف حمد والف شكر ليك يارب.

الحمد لله ياشباب لقيت اني بفضل الله كنت ممدد صلاحية الجواز سنتين من الاجازة اللي فاتت بس كنت ناسي.

ساعتين كهربا دماغي عليت وعمال الف فالشقة زي النحلة. رتبت حالك علي السفر وعلي النزول وبالصدفة تلاقي حوار مش فالحسبان خالص.

ساعتين مرار بجد ربنا مايكتبهم علي حد.

اللي هيسافر يتاكد من صلاحية الجواز لان الاغلبية بيهتم بتواريخ الاقامات والتاشيرات والفيز ومحدش بيفكر في تاريخ انتهاء صلاحية الجواز لان صلاحيته 7 سنين.

الحمد لله اولا واخيرا.

**fa2013** · 28-11-2013 10:15 PM

انا عايزه سؤال بجد هي ليه الكويت الكل بيحب يسافر ليها ؟؟؟؟؟؟؟؟؟؟؟؟؟؟؟
وهل لو انا سافرت هنا هاكون مبسوط بالمعيشه هناك؟؟؟؟؟؟؟؟؟؟؟؟؟؟
كلية التربية النوعية - جامعة بنها

**mr_vampire** · 28-11-2013 10:35 PM

محدش بيحب بلد معينة كلنا ضيوف فالغربة ومسيرنا هنرجع بلدنا لما ربنا ياذن بس هو تفضيل بس من ناحية ظروف المعيشة . كل واحد وليه دماغه فالبيئة اللي هيعيش فيها وهل هيتقبلها ويتاقلم معاها ولا لاء.