المشاركة الأصلية كتبت بواسطة meggieboy
أنهارده و للصدفة البحتة حبيت أعدى على توكيل رينو سان ستفانو أتفرج شوية على الفلوانس و للصدفة البحتة ألاقى عندهم فئة الهاى لاين الشامبين اللى أنا رفضت أستلمها من أسبوعين.....قعدت ألعب فيها شوية و أسمحولى أنقلكم كمالياتها بالتفصيل:
الأضاءة الخارجية:
١- أضاءة زينون متحرك عدسات نور واطى فقط....بكرر مرة أخرى نور واطى فقط و العالى أضاءة هالوجين فى نصف الفانوس الأخر مع الزينون و بيكون الأتنين منورين مع بعض فى العالى.(موجود)
٢-الرعاش بينور الزينون مع النصف الأخر من الفانوس و كأنه العالى.(موجود)
٣-لا يمكن أضاءة الضوء العالى و العربية مطفية، يمكن أضاءة جميع الأضواء عدا العالى.(موجود)
٤-لأن العدادات فى الطابلوه دايما مضيئة....عند فتح النور الواطى بتظهر لمبة فى الطابلوه لبيان أنك نورت أول درجة على عكس كتير من السيارات كانت بتكتفى بإضاءة العدادات لبيان أنك نورت أول درجة.(غير موجود لأن العدادات مابتنورش الا مع النور سواء الواطي او غيره)
٥-أول درجة أضاءة هى ال led اللى فى الفوج لايت.(غير موجود)
٦-يوجد ٢ فوج لايت أمامى(موجود)
٧-يوجد ٢ فوج لايت خلفى(موجود)
٨-يوجد day light saving(موجود)
٩-يوجد حساسات أضاءة تجعل المصابيح تعمل لوحدها عند خفوت الضوء الخارجى.(موجود)
الأمان:
١٠-العربية فيها ٦ إيرباج، ٢ قدام للسائق و الراكب الأمامى و ٢ جانبى و ٢ خلفى(موجود)
١١-مساند رأس حديثة رباعية الضبط.(موجود)
١٢-أحزمة أمان مسبقة الشد pretensioned(موجود)
الكاوتش
١٣-مقاس الكاوتش ٢٠٥ و مش ٢١٥ و الجنط ١٦.(موجود)
١٤-نوع الكاوتش جود يير.(موجود و انواع اخري زي البريدجستون مثلا)
١٥-الأستبن حديد مش جنط ألومنيوم.(موجود)
الحساسات الخلفية
١٦-تم تجربتها و فيها ٣ شرط لكل حساس، تزداد الشرط بزيادة بعد العائق و تقل حتى تصل لشرطة واحدة كلما أقترب العائق....يعنى المجموع ١٢ شرطة...بتبين بعد العائق من كل حساس فيه ٢ حساس من الجنب و ٢ حساس من النصف....لو العائق صغير من خلف العربية فى الناحية الشمال هتلاقى شرط الحساس الشمال مع الصوت هى اللى شغالة....لو العائق كبر شوية ليغطى ٢ حساس مع بعض هتلاقى الأتنين شغالين و كل واحد بيبين بعد العائق عنه...يعنى ممكن الجانبى يبقى شرطتين و النصف شرطة واحدة....فعلا دقيق جدا جدا.....(اعتقد موجود)
١٧-رسمة الحساس بيظهر أول ما تجيب r و يكون فيه عائق فى المجال....غير كده مش هيظهر(اعتقد موجود)
١٨-صوت الحساس غير أنه متقطع أو ثابت حسب بعد العائق...تستطيع أن تحدد مستوى صوته من الsettings يوجد ٥ مستويات(مش متأكد)
## فيه تحذير بإضاءة لونه أحمر شديدة جدا و متقطعة فى الشاشة لو حاولت تمشى و فرامل اليد مرفوعة لأعلى....عجبتنى قوى الحركة دى.......(موجود)
١٩-الفرش الجلد الكامل فوق الروعة و فخم جدا جدا(موجود لكن مختلف في لونه و شكله عن الفيس ليفت)
٢٠- تجليد البيبان من الداخل من البلاستيك الطرى ( كاوتش) و ده بيدى غنو و شياكة للصالون ده غير حلية البيانو الأسود اللى واخده الطابلوه بطوله و كمان عند مخارج التكييف(موجود)
٢١-نواكل فى مقابض الباب و الفتيس و قاعدة الفتيس.(موجود لكن لون فضي مش نيكل زي الفيس ليفت)
فتحة السقف
٢٢-فتح و غلق و ميل من الخلف و كله one totch و بتقفل مع الريموت(موجود)
٢٣- يوجد جيوب فى ظهر الكراسى الأمامية(موجود)
٢٤- مخرج تكييف خلفى يمكن فتحه و غلقه(موجود)
٢٥-مخرج ١٢ فولت خلفى(موجود)
٢٦-مسند يد فى الكنبة الخلفية مع ٢ حامل مشروبات(موجود)
٢٧-درج الطابلوه غير مبرد...بكرر مره أخرى غير مبرد حتى فى الهاى لاين(مبرد في الشكل القديم)
٢٨-مفيش مرايات تعتيم داخلى(و كمان غير موجود في الشكل القديم)
٢٩-الحمد لله لقيت حامل نظارات موجود(موجود)
٣٠-أربعة أنوار فى عتب الباب(موجود)
٣١-نور الصالون أمامى و خلفى و ٣ لمبات منفصلين فى كل منهم و يغلق مع الريموت(موجود)
٣٢-كل أنوار العربية و الكاسيت و كل شىء يغلق مع الريموت(موجود)
٣٣-مرايات ضم و ظبط كهربا و تغلق مع الريموت أو البعد عن السيارة مع وجود إشارات فى المرايات.(موجود)
٣٤-keyless entry(موجود)
٣٥- نظام start/stop(موجود)
٣٨-كاسيت من تصميم arkamys ثلاثى الأبعاد من ٤ سماعات و ٤ تويتر(موجود لكن مش من تصميم arkamys و اربع سمعات و 2 تويتر فقط)
٣٩-بلوتووث مع media streaming و تحكم كامل فى الكاسيت و التليفون من خلف الدريكسيون(موجود)
٤٠-شاشة كبيرة و عدادات ديجيتال مضيئة دائما(غير موجود عدادات عادية و غير مضيئة دائما)
٤١-مثبت و محدد سرعة(موجود)
٤٢-follow me home لمدة دقيقة أو اتنين أو تلاتة(موجود)
٤٣-حساس مطر من ٥ درجات حساسية أكثر من رائع(موجود)
٤٤-مدخل usb و aux(موجود aux و غير موجود usb)
45-غلق السنتر بعد الوصول لسرعة ٢٠كم/ساعة(موجود)
٤٦-فلاشر بيشتغل لوحده مع الفرامل المفاجئة فوق ال٨٠كم/ساعة(موجود)
٤٧-فرامل abs, ebd, ba(موجود)
٤٨-ستائر خلفية و جانبية عدد٣(موجود)
ده اللى أنا فكره حاليا....هزود لو افتكرت حاجة و تحت أمركم فى أى أستفسار