تقرير مقابلة نايل موتورز العائلية بحدائق جاردينيا الجمعة 22 نوفمبر 2013
تقرير مقابلة نايل موتورز العائلية بحدائق جاردينيا
الجمعة 22 نوفمبر 2013
السلام عليكم ورحمة الله وبركاته
اجتمع اعضاء المنتدى واسرهم فى تجمع عائلى مميز ورائع
بعد غياب امتد لفترة طويلة
افتقدنا فيها هذه الروح الدافئة التى تجمعنا فى ود وحب فى الله
توالى حضور الاعضاء بداية من العاشرة صباحا
الى مكان التجمع فى حدائق جاردينيا فى يوم مشمس دافئ
يتمتع باجواء الصيف الجميلة رغم اننا فى نهاية الخريف
مما ساعد على استمتاع كل الحضور بالحدائق و الجو النقى
شهد هذا التجمع حضور عدد كبير من الاعضاء الذين لطالما افتقدنا وجودهم ومشاركتهم معنا فى المقابلات وبعضهم لم نره منذ فترة طويلة والبعض الاخر حضر للمرة الاولى وسعدنا وتشرفنا بمشاركتهم ونتمنى ان يشاركونا دائما
كما شاركنا بعض الاعضاء باسرهم واولادهم
وامهاتهم مما اضاف جو من الالفة والبهجة للمقابلة
اجتمع الاعضاء عند حمام السباحة
بالقرب من الشاليه المحجوز لراحة الاعضاء
والل كان مفيد جدا للعضوات والاطفال وامهاتنا اللى شرفونا بالحضور
فى حلقة مناقشة لتبادل اطرف الحديث حول السيارات وكل ما يتعلق بها
من موديلات جديدة واسعار مبالغ فيها وميكانيكا واخبار ومقارنات
يعنى المنتدى بكل اقسامه المختلفة اتنقل وقعد معانا :-)
الاطفال هم كمان عملوا حلقة نقاش حول الالعاب :-)
واستمتعوا زينا واكتر باليوم
المكان فيه العاب ترفيهية كتير وملاهى وملاعب وحدائق وحيوانات
مكان رائع لاى اسرة تقضى يوم كامل فيه بدون ملل لاى فرد
وايضا كان فى تجمع لزميلاتنا العضوات وامهاتنا وغالبا برضه كانوا بيتكلموا فى العربيات
وبيحاولوا يقنعوا بعضو بان كل العربيات وحشة ماعدا الجين تو :-)
وتوقفنا عن الحديث لاقامة صلاة الجمعة
ثم عاودنا الحوار فى انتظار موعد الغذاء
ثم توجهنا فى تمام الساعة 3 عصرا لتناول وجبة الغداء فى المعطم المكيف
الخاص بالمكان
وحقيقى الاكل كان حلو جدا زى ما وعدنا ا. وائل منسق كيا
القائم بالتنظيم لهذه المقابلة
واحب اوجهله الشكر والتقدير عالمجهود الكبير اللى قام به لخروج اليوم متكامل بهذه الصورة
احنا كنا قاعدين بنتغدى وهو واقف يطمن بنفسه ان كل واحد مش ناقصه اى حاجة
ويشوف لو اى حد محتاج اى حاجة حقيقى كلمات الشكر متوفيهوش حقه
شكرا مرة تانية يا وائل وعقبال كل مرة :-)
وبعد الغداء غيرنا مكان قاعدتنا
وتوجهنا الى منطقة الملاعب والملاهى والعاب الاطفال
عشان نكون قريب من الاولاد خاصة مع قرب غروب الشمس
واستكملنا الاحاديث المختلفة وحضر عدد اخر من الاعضاء لم يساعده الوقت للحضور من بداية اليوم
تقريبا توالى حضور الاعضاء حتى بعد الساعبة مساءا
فعلا كان يوم جميل جدا واتشرفت بحضور كل من حضر
وافتقدنا كل من لم يحضر
ولو انه هو اللى خسر اكيد :-)
لان مهما حاولنا نوصف قد ايه اليوم كان مميز ورائع فى كل شئ
مش هنقدر ومش هيعرف الاحساس ده اللى اللى حضروا بس
مش هكتب اسماء عشان منساش حد
لكن بشكر كل الحضور ونتمنى نشوفكم دائما على خير باذن الله
انتظرونا فى مقابلة عائلية جديدة قريبا جدا ان شاء الله
اصلها مطلب جماهيرى سمك فى اسكندرية ان شاء الله :-)