عرض ... خاص بالكاوتش

**Hossam Mounir** · 08-07-2007 11:36 AM

الحقيقة يا جماعة الفترة اللي فاتت لاحظت وجود استفسارات كثيرة خاصة بموضوع مهم جداً ... لأى سيارة ... وهو الكاوتش ... وكان لي ... صديق عزيز .. وزميل أيضاً ... فى العمل ... يملك محل للكاوتش ... وله باع طويل فى هذه التجارة ... والحقيقة الراجل ما بيتأخرش فى مساعدة أى حد من الزملاء فى الشغل فى هذا الموضوع ... سواء بالنصيحة ... أو المشورة ... واحياناً الحقيقة الراجل بيدى الناس خصومات مش بطالة عن أسعار السوق ... قلت ما بدهاش ... رحت جايب الراجل ومتكلم معاه ... وعرفته بالمنتدى ...وبعدين أتكلمت مع م/ كريم منير ... علشان نأخد رأيه فى الموضوع وأتفقت معهما على الأتي :
1- أنه يعمل أشتراك معانا فى المنتدى ... ويحاول حسب وقته ... يرد على المشاركات الخاصة بموضوع الكاوتش ...
2- هيحاول يعملنا لسته بأنواع الكاوتش الموجوده حالياً فى السوق المصرى ... بمقاستها المختلفة ...
3- وعدني ( ودى أهم حاجة :) :) ... فى المضوع) انه يقدم خصم من 5% إلى 10% من ثمن الكاوتش حسب النوع والمقاس المطلوب ... من سعر السوق ... إلى كل أعضاء المنتدى الكرام ...
4- تقديم خدمة حسب الطلب ... يعنى اللي عايز نوع محدد من الكاوتش ... بمقاس محدد (حتى الحاجات الغير أعتيادية ... الغير متوفرة دائماً بالسوق) ... يبلغة ... وهو هيحاول يجيبهاله ... ويحدد معاه السعر ..ووقت التركيب ... بحيث ان العضو يروح فى الميعاد اللي هوه عايزة ... يركب الكاوتش ...

وبكدة كل الأطراف ممكن تستفيد ... صديقى فى تجارته ... والأعضاء لأنهم هيأخدوا حاجة مضمونة ... وبسعر منافس ...

بيانات المحل ... المحل أسمة " فوزى للكاوتش " ...

العنوان 121 ش 26 يوليو ... وكالة البلح ... أمام المدخل الجانبي لمبنى وزارة الخارجية ...

المحل يعمل فى جميع انواع الكاوتش
... الجديد والمستعمل ... والجنوط المستعملة فقط ...

وباشمهندس وجيه فوزى ... صاحب العرض ... أن شاء الله هيبقى متواجد معانا ... للرد على استفسارات حضراتكم ... أو أى أقترحات أخرى ...

تحياتي للجميع ....

م/ حسام منير

**وجيه فوزى** · 08-07-2007 12:16 PM

متشكر جداً
يا جماعة ان انتم أديتوني الفرصة انى أكون معاكم فى المنتدى الجميل ده
ومنتظر أسئلتكم الخاصة بالكاوتش والجنوط
ومستعد لأستقبال أى حد عنده مشكلة فى المحل الخاص بي
وشكر خاص للمهندس حسام منير ، للمهندس كريم منير على إتاحة الفرصة لي للوجود معاكم
وشكراً
م / وجيه فوزى

**شريف** · 08-07-2007 12:47 PM

يافندم انت تنور
و مبروك علينا احنا انك تكون معانا

**Abdallah** · 08-07-2007 01:52 PM

نورتنا يا باشمهندس وجيه والله, وان شاء الله يعجبك المنتدى :)

**معاذ الشرباصى** · 08-07-2007 01:56 PM

شكرا م/حسام و م/وجيه فوزى على العرض الجميل ده

فعلا الكاوتش بالذات انتشر انواع رديئة و منتهية الصلاحية فى السوق

و بالعرض ده, الواحد يبقى ضامن حاجة محترمة و نضيفة

ربنا يكرمكم ان شاء الله, و يوفق الجميع

و نورت المنتدى يا م/وجيه

**Karim_Monir** · 08-07-2007 02:32 PM

نورت المنتدي يا باشمهندس
وانت شخص عزيز جاي من طرف شخص محترم وله مصداقيتة في المنتدي
نورت المنتدي وشكلي هابقي اول زباينك لاني في طريقي لتغيير كاوتش الكرولا الجديد
لاني عايز اركب جنوط 15 لزيادة الثبات
هاكلمك قريب

**Karim_Monir** · 08-07-2007 03:46 PM

شكرا لردك السريع
انا مقاس عربيتي الاصلي
14/185/70
وده مجموعة 614.6 مم
وعايز اركب 15/195/60
وده مجموعه 615 مم يعني نفس الرقم تقريبا

ولا ينفع اركب
15/205/60 = 627 مم
او
15/205/55 = 606.5 مم

عشان انا عاوز اعرض
يا رين تديني سبورت

**PAYOO** · 08-07-2007 06:56 PM

الناس أصحاب الخبره والمتخصصين زي المهندس "وجيه فوزي" يعتبروا أضافه للمنتدى

وبالنسبة للترحيب يا باشمهندس "وجيه" أنت في بيتك ومافيش حد بيترحب به في بيته

نخش بقى على الأسئله
يا ريت يا باش مهندس تشرح لنا ما هو المقصود من الرموز المشاره إلى مقاس الجنط
مثل 13 4.5J x ماذا يعين حرف الـ(J) وماذا يعني رقم (4.5) ؟

يا ريت تشرح لنا أذاي نعرف عرض الجنط المناسب للسياره عند التعديل

وشكرا لك يا باشمهندس