اقسم بالله متشوفت فانوسي بيلمع قبل كده زي النهارده
ازيكم يا شباب انا كنت استلفت الصاروخ بتاع والدي و اشتريت السفنجه و الراس الصوف و بوليش مصري اسمه ( ميدو) و نتن على فكره و واكس ابرو عندي من زمان و غسلت العربيه غسله محترمه و حطيت البوليش و لمعته بالقطعه الصوف و بعديها كررت الكلام مع الواكس و ولا اروع الفانوس بيلممممممع ولا اكنه خارج من الكارتونه لكن ( دايما المصايب معايا بعد لكن) اكمن الوالد كان حاسس بغدر اداني الصاروخ الصيني و مرداش يديني البوش و انا اول مره استخدم البوليش المعفن ده انا كان معايا كومبوند تحفه امريكي مش فاكر اسمه و كان عالمي المهم البوليش ده انا كترت منه و جيت لما المعه بالصوف كان كأنه بيعجن وانا عمال اعتل بالصاروخ لحد ماتحرق و طلع دخنه و الله يرحمه قفش دلوقتي انا طاير من الفرحه و في نفس الوقت خايف عشان اكيد اكيد لما يعرف حيعملني انا صاروخ مكانه او اقل تقدير حينفخني.... بعد تجربه معجون الاسنان و الصنفره الصاروخ هوا الحل وانا كده وفرت 100 تلميع فوانيس و شغله باقل تعب و وقت حوالي ربع ساعه
وعشان اخوكم مزنوق الصاروخ الصيني يعمل كام