تلميع عربيتك

**msobhy** · 29-11-2013 09:11 AM

السلام عليكم ورحمة الله وبركاته
انا من الناس اللى بتهتم بالعربيه جدا
دايما عايز العربيه بتلمع وعروسه
نيجى نقسم الموضوع الى 3 اجزاء
جسم العربيه من بره
الكاوتش والجنوط والطاسات
الصالون من جوه

ياريت اللى يتفضل بمعلومه يرزعهلنا كامله بمعنى
منين وبكام وصور وفيديوهات وطريقة الاستخدام وما شابههههههههه

الاسئله بالترتيب

جسم العربيه الخارجى
انا عربيتى موديل 2010 - العربيه الاول كانت من أأقل اهتمام كان بيبان عليها - دلوقتى على طول حاسس انها مطفيه - العربيه والحمد لله لسه فابريكه بالكامل
السؤال بقى اعمل ايه علشان اخلى العربيه تلمع - ويا ريت لو حاجه اعملها بأيدى
واحد قبل كده قال لى انى اوديها لواحد بتاع دوكو يلمعها تلميعه محترمه وبعد كده يرشها وش ملمع مش بوهيه - بصراحه انا استغربت للكلام
ما علينا - يا ريت الاقتراحات يا رجاله

الكاوتش والجنوط
انا باغسلهم كويس - لكن اللون الاسود المميز للكاوتش وهو لسه جديد مش عارف ارجعه - فيه انواع منظفات وملمعات كاوتش كتير - لكن انا معنديش اى خبره نهائيا فيها - يا ريت حد يعرفنا الدنيا ماشيه ازاى

بخصوص الصالون والحمد لله معنديش اى مشكله فيه نهائيا
ملحوظه هااااااامه
كل اللى بعمله لازم يتعمل والعربيه فى الظل ومش سخنه - علشان نحافظ على التابلوه من التشققات

اللى بعمله كالتالى
1- الصالون كله بيتنظف بفوطه ناشفه
2- الصالون كله بيتنظف بفوطه نظيفه + جلانس مخفف جدا
3- باسيب الدنيا لمدة ساعه وبعدها برش ملمع أمريكى مش فاكر اسمه بجيبه من OnTheRun ب 44 جنيه
4- الموضوع بيتكرر مره كل 10 أيام تقريبا
والنتيجه ان مفيش حد بيركب عربيتى غير لما بيعجب بالصالون والتابلوه جدااااااااااااااااااااااا ا

**khaabas** · 29-11-2013 10:27 AM

اعتقد بايدك صعبة شوية يا كبير فى الحالة دى
طيب متجرب زيرو اللى فى مدينة نصر او فى واحد فى الرحاب كان المهندس سمير عمل موضوع كامل عليه :)

**hossamalsadik** · 29-11-2013 01:11 PM

بالنسبه لجسم العربيه من بره هتلمعها وتشمعها وده هيحافظ على بوية الفبريكه عندك علاوة على الشكل الامع النظيف الرائع من الأنواع المعروفه الجيدة
ملمع ومشمع Formula 1
ABRASIVE WAX
SCRATSH OUT بيزيل الخرابيش
ترتل واكس وعلية صورة سحلفاه بردو كويس
بالنسبه للطريقة جوجل مليان بفيديوهات بطرق كيفية التلميع والتشميع بس هتحتاج مكنة تلميع مش غاليه لانك هتجبها للاستعمال الشخصى ممكن الأستعمال التجارى بتكون غليه شويه عشان قوة تحملها الشاق
ولو حابب تعملها يدوى بقطن انا بعملها كده بس مرهقه اوى المكنه بتوفر الجهد والوقت الصراحه
وفى مراكز طبعا تقملك بالعمليه ديه بس المشكله انها بتطلب امانه عشان تتعمل صح لو حابب انا اسمع عن مركز زيرو الى بمدينة نصر من خلال الفيس وفى شغل لمركز نيل موتورز للدهانات وتجديد السيارات طبعا فى غنى عن التعريف شغل باحتراف بجد غير الأمانه والثقه فى المنتجات المستخدمه بختصار الطمانينه

http://www.nilemotors.net/Nile/121764-a.html

تلميع الكوتش لازم يكون بالمنتجات الثقه عشان مايبظش أنا ليا موضوع عن الكاركيت بص شوف الكوتش رجع تانى زى الجديد أزاى وعلى فكره فضل فتره طويله كده وحتى لما كان بيتسخ شويت ميه ويرجع تانى جديد بفضل التلميع الجيد الملمع الصراحه مش عارف اسمه وهسال عليه لان المكان الى عملت فيه الشغل كان جيبه من بره فى جراكن كبيره طبعا للشغل التجارى وخت منه نصف لتر ب70ج فقط تخيل خلص بعد سنه كامله لان كنت بلمع بيه ويقعد فيه اللمعه زى ماذكرت لكن تقولى احط ببسى زى مابيعملو ده انا معرفش ضرره ايه

بالتوفيق

**msobhy** · 29-11-2013 09:15 PM

المشاركة الأصلية كتبت بواسطة hossamalsadik

بالنسبه لجسم العربيه من بره هتلمعها وتشمعها وده هيحافظ على بوية الفبريكه عندك علاوة على الشكل الامع النظيف الرائع من الأنواع المعروفه الجيدة
ملمع ومشمع formula 1
abrasive wax
scratsh out بيزيل الخرابيش
ترتل واكس وعلية صورة سحلفاه بردو كويس
بالنسبه للطريقة جوجل مليان بفيديوهات بطرق كيفية التلميع والتشميع بس هتحتاج مكنة تلميع مش غاليه لانك هتجبها للاستعمال الشخصى ممكن الأستعمال التجارى بتكون غليه شويه عشان قوة تحملها الشاق
ولو حابب تعملها يدوى بقطن انا بعملها كده بس مرهقه اوى المكنه بتوفر الجهد والوقت الصراحه
وفى مراكز طبعا تقملك بالعمليه ديه بس المشكله انها بتطلب امانه عشان تتعمل صح لو حابب انا اسمع عن مركز زيرو الى بمدينة نصر من خلال الفيس وفى شغل لمركز نيل موتورز للدهانات وتجديد السيارات طبعا فى غنى عن التعريف شغل باحتراف بجد غير الأمانه والثقه فى المنتجات المستخدمه بختصار الطمانينه

http://www.nilemotors.net/nile/121764-a.html

تلميع الكوتش لازم يكون بالمنتجات الثقه عشان مايبظش أنا ليا موضوع عن الكاركيت بص شوف الكوتش رجع تانى زى الجديد أزاى وعلى فكره فضل فتره طويله كده وحتى لما كان بيتسخ شويت ميه ويرجع تانى جديد بفضل التلميع الجيد الملمع الصراحه مش عارف اسمه وهسال عليه لان المكان الى عملت فيه الشغل كان جيبه من بره فى جراكن كبيره طبعا للشغل التجارى وخت منه نصف لتر ب70ج فقط تخيل خلص بعد سنه كامله لان كنت بلمع بيه ويقعد فيه اللمعه زى ماذكرت لكن تقولى احط ببسى زى مابيعملو ده انا معرفش ضرره ايه

بالتوفيق

حسام بيه
انا فعلا عاجز عن الشكر
عايزين باقى المعلومات
اجيب الصاروخ ده منين وبكاااااام

**J A G U A R** · 29-11-2013 09:43 PM

بالنسبه للكاوتش اغسله بكوكا كولا لونها اسمر واتفرج على الكاوتش

**hossam_elwani** · 29-11-2013 10:22 PM

انا حفيدك فى معلومة تلميع الكاونش وازاى ترجعه اسود فاحمه زى الاول

تغسل اكاوتش كويس جداااا وتنشفه وبعدين ترش عليه الماده دى من Armor All

وده عباره عن سائل شفاف مش فووم وافضل واوفر فى عدد مرات الاستخدام من الفوم بيقعد معايا 6 شهور للعبوه وسعره 60 جنيه وحتلاقيه فى كارفور بالتحديد

**hossamalsadik** · 30-11-2013 09:49 AM

المشاركة الأصلية كتبت بواسطة msobhy

حسام بيه
انا فعلا عاجز عن الشكر
عايزين باقى المعلومات
اجيب الصاروخ ده منين وبكاااااام

تجيبه من شارع الجمهورية برمسيس وأحيانا بيكون موجود فى كارفور سيكشن اكسسوارات العربيات
فيه منه أنواع كتير باسعار مختلفه تبدأ من 200ج للصينى وهتلاقى الغيارات بتعته هناك بردو الى بتركب عليه القطعه القطنيه ( ماكرو فيبر ) والأسفنجيه فى حدود 20-30ج طبعا متعدد السرعات فى صاروخ ملمع السيارات افضل

-

-

الموضوع: تلميع عربيتك

LinkBack

أدوات الموضوع

عرض

تلميع عربيتك - انشر الموضوع فى :

-

-

-

-

المواضيع المتشابهه

تلميع السيارة

عدلت فى عربيتك السيفيك من برة أو جوة؟ إنشر صور عربيتك.

تلميع التابلوة

تلميع الابانوس

تلميع السياره

الكلمات الدلالية لهذا الموضوع

المفضلات

المفضلات

ضوابط المشاركة