الموضوع: عربيتي الاوبترا رجعت بعد سنه ونص الحمد لله

[ceاnterالحمد لله العربيه رجعت بعد سنه ونص من سرقتها من الاسكندريه بعد ما فقدت الامل الشرطه كلمتني وبلغتني انهم لقوا العربيه في مركز اسمه بدر محافظه البحيره "ملحوظه : المركز ده مليان عربيات مسروقه بتشتغل في المزارع بجد لا يقل عن 50 % من العربيات هناك مسروقه ومغيش اي مرور هناك حاجه بجد حزنتني اوي"
المهم بعد مارحت المركز بعتوني مدريه امن اسكندريه ومنه لقسم الدخيله اللي بلغت فيه بالسرقه قالولي لازم تجيب شهاده بيانات من المرور بتاعك رجعت القاهره جبت شهاده البيانات ورجعت قسم الدخيله قالولي تطلع بقي علي البحيره تاني عشان العربيه ممسوكه هناك قولت تمام رجعت البحيره قالولي لا لازم تجيب صوره المحضر من نيابه الدخيله تمااام ... رحت النيابه طلع عيني لحد ماجبته وطلعت بيه علي مركز بدر دا قالولي النهارده اتأخرت وماينفعش نسلمهالك دلوقتي تعالي بعد بكره رجعت القاهره ورجعتلهم علي الميعاد قالولي بص بقي العربيه لازم نسلمها لقسم الدخيله اللي انت مبلغ فيه قلتلهم تمام ابعتوا معايا مندوب ونروح نسلمها في الدخيله قالولي طيب استني في مندوب في مشوار وهيجي تماااام استنيت من 9 لحد الساعه 1 وفي الاخر يقولولي لا كده الوقت اتأخر تعالي بكره اتخانقت معاهم وبرده ماوصلتش لحاجه رجهت القاهره ورحتلهم تاني يوم والحمد لله طله معايا مندوب وهنا بقي كانت المغامره العربيه بتسخن ومش بتنقل اكثر من الثالث وفيها جوان والطريق صحراء تراب خطر جدا جدا بس الحمد لله وصلت ... استلموا العربيه في قسم الدخيله قالولي لا مش هتستالمها النهارده لازم تجيب قرار من النيابه رحت تاني يوم جبت القرار واديتهوملهم قالولي كويس بكره بقي تروح المرور تجيب مهندس يفحص العربيه الاول رحت المرور واتذليت لحد مافي حد وافق يجي معايا وجه فحصها وفي الاخر يقولولي اسم الجد بتاعك غير اللي موجود قرار النيابه هنا بقي كنت وصلت لاخري طلعت لمأمور القسم وشديت معاه قلتله انتوا بتعاملوني كأني انا اللي سارق العربيه ... المهم اخدت العربيه اخيرا الحمد لله فقالولي تطلع بقي علي مدريه الامن تجيب جواب من مكتب سرقه السيارات للمرور بتاعك وتمشي بيه لحد القاهره عشان العربيه من غير نمر وبيه تقدر تفك حظر الملف في المرور ...
اخيرا اخدت العربيه ورجعت القاهره بالعربيه من اسكندريه بس اللي كان هيجنني ان مفيش ولا كمين وقفني ولا حتي بوابات القاهره او الاسكندريه عربيه مسروقه ومن غير نمر وماشيه زي الفل ... فعلا حاجه تحزن علي بلدنا ...

المهم العربيه جايه ناقصه حاجات كتير جدا
1.الكاسيت والولاعه مش موجودين
2.الفانوس اللي ورا الشمال مكسور
3.الزجاج الامامي متدمر.
4.الكوريك والصليبه والاستبن
5.الكاوتشات الاربعه مش بتوعي مكانهم كاوتشات ضايعه.
6.المرايا الشمال متدمره بس الموتور بتاعها شغال
7.مسند الايد متدمر
8.الكابوت والشنطه فيهم خبطات بسيطه.


نيجي بقي للموتور والعفشه :-

1. العربيه فيها جوان.
2.السرعه توصل 90 وماتنقلش بعد كده الاربي ام يعلي علي نفس الغيار مع العلم ان لمبه الهولد بتقيد وتطفي مع العلم ان العربيه ( اوتوماتيك )
3. الاربع مساعدين متدمرين.
4.التكييف بيجيب هواء سخن بس الحمد لله انه شغال.
5.طبله المفتاح متغيره.
6.كل ما اهدي السرعه الكونتاكت يفصل لازم ازودلها بنزين.
7.استهلاك البنزين عغلي جدااااااا.

ارجوكم انصحوني اعمل ايه في المشاكل دي اعمل ايه في التوكيل واعمل ايه بره التوكيل والحاجات دي هتكلفني ايه ....
ارجوكم افيدوني ضروووووري [/center]

الف مبروك وافضل انك تروح لميكانيكى كويس احسن من التوكيل الى هيدفعك تمنها