[marq="3;right;3;scroll"]موضوع جميل ومفيد [/marq]
عرض للطباعة
[marq="3;right;3;scroll"]موضوع جميل ومفيد [/marq]
الاسم ..عبد الناصر اسماعيل ... المهنة مرشد سياحى وصاحب بازار .... البلد الفيوم ... العربيه تويوتا كورولا 2014 الفئه الثانيه اللون الاسود .... تاريخ الحجز 5/2/2014 . تاريخ الاستلام 5/5/2014
-انا الحمد لله استلمت من اسبوعين high line
-المهم انا عايز اعرف ازاي اقدر اشغل بخاخات الفوانيس
-صوت الموتور عالي في الحرق صوت cvt مقرف بصراحه اصل انا معايا 2012 وصوتها اهدي في الحرق
بص في ااكتالوج عشان البخاخات.
بالنسبة للصوت، انت مستلم من اسبوعين يعني بتليين يعني صوت ااموتور عالي يعني المفروض متحرقش علي العربية !!! وحضرتك بتقول صوت ااموتور عالي في الحرق.
انصحك متعديش سرعة 100 و متزودش rpm عن 3 و مع الوقت الصوت هيهدي و تداء ااموتور هيتحسن.
و الف مبروك ياجميل
موضوع التليين انا لا اعترف بيه اساسا الموتور بيكون متلين اساسا
صوت الموتور اساسا هادي لانه هو اللي في الكورولا 2012 لكن الفتيس cvt صوته رخم وعالي
هبص في الكتالوج علشان البخاخات دي
ومثبت السرعه ازاي بيشتغل
شكرا ليك
بص أنا كنت زيك كده مش مقتنع بموضوع التليين..بس النهارده مسكت دليل المستخدم بتاع العربيه قرأته من الجلده للجدله..موضوع التليين مذكور فيه بالتفاصيل..يعني هتلاقيه كاتب تمشي على كام وتعمل ايه اول 300 كيلو وبعدين 1000 كيلو وهكذا
بالنسبه لبخاخات الفوانيس أنا عندي بتشتغل مع بخاخات المساحات..بس مش فاكر ازاي اشغل رشاشات الفوانيس لوحدها
المعلومة اللي عرفتها مؤخرا انها مبتبقاش متلينة، و الpdiده تشيك عادي لوظايف العربية فقط.
ممكن الصوت عالي في الاول و بعد كدة هيتحسن و خصوصا بعد تغيير زيت الفبريكة علي 5000 كم.
و ممكن تكون مشغل سبورت موود وانت مش واخد بالك؟
بالنسبة لمثبت السرعة فهو عبارة عن دراع زي بتاع الاشارة يمين الدركسيون لتحت، يمكن تحريكه لفوق و لتحت و تشده عليك و فيه زرار واحد فقطon/off .
بتبدا تدوس علي الزرار هتظهرلك علامة المثبت في التابلوه لونها اخضر طبعا وانت ماشي.
و عند السرعة اللي انت عاوزها تدوس الدراع لتحت هيثبت السرعة و يكتبلك set.
وانت مثبت لو دست الدراع لفوق هيزود السرعة درجة و لو دست لتحت هيقلل و لو دست متواصل لفوق هيزود اسرع و هكذا.
لو دست فرامل هيفصل ممكن ترجعه بانك تدوس الدراع لفوق هيرجع لاخر سرعة مظبطه عليه.
مش فاكر لما بتشد الدراع عليك كان بيعمل ايه تقريبا cancel مش متذكر.
كان في الجنوب افريقي ليها زرار منفصل وفي نفس الوقت لو مشغل النور بليل وشغلت رشاشات الازاز تشتغل رشاشات الفوانيس اوتوماتيك جرب كده شغل مع النور مفتوح
يا جماعة محتاج رد على كيفية نفعيل نظام الملاحة على شاشة الكومبيوتر الرحلات فى موديل التوب لاين
مع الشكر