المشاركة الأصلية كتبت بواسطة meggieboy
حابب أفيد الأعضاء الأحباء من قسم تويوتا بالنسبة لتزييقة الفرامل لأن الموضوع ده قابلناه مع الميجان علشان هى كمان بتتقفل فى تركيا
الموردين الأوروبيين غير الأسيويين، علشان كده حسب لوائح الاتحاد الاوروبى لازم نسبة الاسبستوس فى تيل الفرامل تكون منعدمة علشان حماية البيئة....الكلام ده طبعا مش متطبق فى كوريا او اليابان او باقى البلدان
طبعا التيل اللى مفهوش اسبستوس ده زى اللى راكب عندكم و كان راكب عندنا مشكلته ان خشن قوى مع الطنابير و البراده بتاعته بتلزق عليه و مع مشوار طويل او وقوف كتير او كام مشوار تبتدى تسمع صوت تزييق و حكه زى ما الأعضاء الأفاضل ظهر معاهم....
التنظيف هو مسكن موضعى إلى أن تترسب البراده مرة أخرى أو يسخن التيل و تسمع صوت التزييق مرة أخرى و هكذا....تزداد هذه المشكلة أكثر مع الصيف و حرارة الجو و الزحمة....
بعد ان أشتكينا كذا مرة فى توكيل رينو و من أكثر من مالك.... اللى كان بيشتكى من الصوت كانوا بيغيروله تيل جديد أسبانى يوجد به أسبستوس رينو سمحت بتركيبه تحت الضمان.....
بعد تغيير هذا التيل الجديد راح الصوت تماما و انتهت المشكلة للأبد....انا غيرته عندى فى ال ١١ الف كيلو تحت الضمان
قلت اشارك بتجربتى يمكن تطلع نفس اللى عندكم حاليا و تفيدكم.....الموضوع ان شاء الله سهل و مفهوش اى قلق