تركيب dvd ميجان بالصور و بعض المشامل اللي واجهتنا و اللي لسه محتاجين فيها مساعدة
الحمد الله بعد حوارات و مشاكل جبنا استلمنا DVD بعد وجع دماغ مع DHL و الجمارك ولبسنا في سعرهم بس الحمدالله .
روحنا النهارده انا و اصحابي نركبهم عند سالم اللي مع طارق في الهرم . عربيتن موديل 2007 و واحدة 2005 المهم كنت عنده الساعه 9 و نص الصبح و بداءنا الشغل في عربيتي 2007 و هي اخدت اكتر وقت علشان المشاكل كلها ظهرت و احنا شغالين فيها.
اول مشكله السوكت بتاع الراديو اللي بيركب من ورا كان قصير و الجزء اللي بيركب فيه من العربيه عريض فمش بيدخل في المكان المخصص ليه و هنزل صور علشان الناس تفهم قصدي ايه . و تم حل المشكله بفكره ان احنا جبنا اريال قائم ب 10 لكل عربيه و اخدنا منه جزء وطولنا الوصلة و اشتغل الحمدالله.
المشكله التانيه كانت الكاميرا و ديه اخدنا فيها بتاع ساعتين سالم مصمم انه موصل كل السلوك و المفروض انها تشتغل بس مش بتشغل و من حسن حظنا حد كان بيصلح عربيته و معاه واحد صاحبه طلع شغال في الموضوع ده و جه حل المشكله اللي هي المفروض السلوك بيوصلها 2 كهرباء و سالم كان موصل واحده و كان خايف يجي جنب السلوك التانيه فانا قلت للراجل اعمل اللي انت عايزه و فعلا اشتغلت و اتظبطت الحمدالله و هي جامده بس تودي في داهيه لو مشيت وراها :).
وركبنا الشاشه اللي كانت فوق مكان الجزء اللي تحت DVD وشكلها جامد.
و المالتي فانكشن شغال زي الفل و كل حاجه تانيه ماعدا وصله التليفزيون مش راضي يلقط نهائي.
طبعا هو مفيهوش لغه عربي وهي تخنق طبعا و لو عرفنا نلاقي سوفت وير للعربي يبقي فل
ام الجي بي اس طبعا كله انجليزي المشكله في طريقه كتابه العنواين فالموضوع هياخد وقت علما ما نعرف نتعامل معاه بس هو شغال.
اما بالنسبه لماكن لمبه الحزام فهو موجود في الشاشه بس ما اشتغلش و اخد الجزء اللي كان شغال لانه مالوش مكان وشاله المفروض ان الشاشه كانت تشغل لمبه الحزام بس مش شغالة
نيجي بقي للمشكلة اللي واجهتنا و كانت في عربيته صاحبي ال 2005 ,المالتي فانكشن مش راضي يشتغل فيها و طبعا الموضوع ده خنقه و خنقني لانه اساسا احنا جبنا الDVD علشان المالتي , سالم بيقول اصل الموديل مختلف و هو كاسيت عربيته مختلف عن ال2007 فعلشان كده مش شغال مع ان احنا لما اشترينا مكتوب عليه A8 S100 2002 - 2008 Renault Megane 2
Car DVD
و كمان الشاشه اللي عنده بتاعت الساعه مختلفه و الكفر اللي جي مع الDVD معمول للشاشه موديل 2007 فمعرفش يبركب شاشه الساعه تحت مكان الDVD .
المهم نزلنا شارع دمشق نحاول نلاقي حل للموضوع فسمعنا كلام كتير معظمه انه مفيش حل و حد قال غير الدفيره لموديل 2007 المهم في الاخ كده روحنا لواحد شكله بيفهم و فضل يحاول و فعلا شيلنا الDVD و لقينا جوه فيشه المالتي بتاعت العربيه فيها 5 سلوك و فيشه المالتي بتاعت الدي في دي 4 سلوك و هحاول احط الصور و في الاخر قال انه المشكلة من حاجه اسمها
CAN BUS DECODE
ده عباره عن الجهاز اللي طالع منه سلوك المالتي من الدي في دي و قال انه بتاع موديل 2007 و انه لازم نجيب بتاع موديل 2005 و قال ابتعو للبايع و قولوه و المفروض انه يبعته انا فعلا بعت ايميل و كامن بعت علي كفر الشاشه .و هحاول احط صور للكل حاجه
يا ريت لو حد فاهم في الموضوع او عنده معلومات يحاول يساعدنا علشان صاحبي فعلا اتخنق و طبعا انا اللي في الوش هو مش محملني ذنب بس انا حاسس بيه ولو كنت مكانه هحس اني فرحتي مش كامله .
معلش طولت عليكم و اتمني ان الموضوع و الصور تفيد .
