أحنا اللى نستاهل

**mokelanos** · 18-09-2008 11:10 AM

الحمد لله اشتريت شقه بالتقسيط المريح فى حدائق الأهرام
أنا شقتى أصلا فى امبابه

المهم لما كنت بدور على الشقه كان السؤال التقليدى فيه جراج فى العماره ولآلأ علشان الواحد بيشترى للزمن وانتم عارفين مشكله الركنه
لغايه ما لقيت واحد خفيف بسأله على الجراج قالى ما تركن فى الشارع يعنى أنت حتدفع 10000 جنيه علشان تشترى مكان العربيه أنا الدم غلى فى عروقى
قلت له يعنى أنت عندك الشارع عرضه 12 متر ولازم العربيات تركن جنب العماره والعماره عرضها 20 متر يعنى 4 عربيات بالعافيه علشان المدخل وانت عندك 5 أموار كل دور اربع شقق وكمان بنيتوا على السطوح ( رووف) وبعتوه شقق يعنى عندك 24 عربيه حيركنوا فين سعادتك ورفضت الشقه والحمد لله اشتريت شقه دور أرضى بحديقه مدخل خاص بجراج
سؤالى للناس اللى عاوزه تشترى ليه ما نشترطش على صاحب العماره توفير جراج
على الأقل وأحنا بنسأل على شقه نسأل عن الجراج
علشان نحسس أصحاب العقارات أنها مطلب أساسى وبدونه لن يتم بيع شققه
وطبعا اللى حيركن أدام الجراج بتاعى

**دموع الثلج** · 18-09-2008 03:48 PM

الف مبروووووووووووك على الشقه

ياريت الكل يهتم بموضوع الجراج ده
انا من خمس سنين اشتريت شقه وكنت مهتمه اووى بموضوع الجراج ده طلع صاحب العماره قالى طبعا فيه جراج بمساحه العماره كلها 400 متر قلت الحمد لله كويس لما خلص مبانى واستلمنا الشقق

ربنا ما يوريك منظر الجراج معمول مدخل فقط يعنى تدخل مفيش مكان تخرج منه والعربيات جوه مينفعش تعدل وتخرج مكان ما دخلت عشان اعمده الخرسانه
من الاخر الجراج ده ديكووووووووور وهيقلبه مخزن فى الاخر اول ما ياجره بس هقفلهوله ان شاء الله

معلش ممكن سؤال ؟
انت اخدت شقه فى اى بوابه فى الحداق وممكن تفاصيل عن التقسيط المريح ده لو مفيهاش تعب

**hazem_khidr** · 18-09-2008 05:38 PM

من الاخر الجراج ده ديكووووووووور وهيقلبه مخزن فى الاخر اول ما ياجره بس هقفلهوله ان شاء الله

اهو دا آخرة اللي يسكن افوكاتوا في عمارته

**Ghamrawy** · 18-09-2008 06:24 PM

قال هو صحيح ان قيمة الجراج حتتضاف على قيمة الشقة عند حساب الضريبة العقارية ؟؟

**mokelanos** · 18-09-2008 06:24 PM

المشاركة الأصلية كتبت بواسطة دموع الثلج

الف مبروووووووووووك على الشقه

ياريت الكل يهتم بموضوع الجراج ده
انا من خمس سنين اشتريت شقه وكنت مهتمه اووى بموضوع الجراج ده طلع صاحب العماره قالى طبعا فيه جراج بمساحه العماره كلها 400 متر قلت الحمد لله كويس لما خلص مبانى واستلمنا الشقق

ربنا ما يوريك منظر الجراج معمول مدخل فقط يعنى تدخل مفيش مكان تخرج منه والعربيات جوه مينفعش تعدل وتخرج مكان ما دخلت عشان اعمده الخرسانه
من الاخر الجراج ده ديكووووووووور وهيقلبه مخزن فى الاخر اول ما ياجره بس هقفلهوله ان شاء الله

معلش ممكن سؤال ؟
انت اخدت شقه فى اى بوابه فى الحداق وممكن تفاصيل عن التقسيط المريح ده لو مفيهاش تعب

أنت تأمر هو المتر كان ب 1500 دلوقتى ب 1750 والمساحات من 150 متر وانت طالع أنا دفعت 30% والباقى على 5 سنين
دلوقتى الباقى على 3 سنين

**mokelanos** · 18-09-2008 06:36 PM

والله يا جماعه احنا اللى نستاهل فعلا
بصو كده على عمارات كورنيش المعادى متر الشقه ب 5000 جنيه
وسعر الشقه يعدى المليون بالراحه ومفيهاش جراج وممنوع وضع الدش فوق السطوح وكلهم مركبين الدش فى البلكونه طب ليه
فى ستين الف داهيه شقه عند مالك متخلف جشع ولا أيه رأيكم

**MoToRiZeR** · 18-09-2008 08:08 PM

يا ريت كل الناس بالإيجابية دي
مبروك الشقة

**hfekry** · 18-09-2008 10:33 PM

الف مبروك الشقة ياباشا .
معلش سؤال هيا الشقة فى أنهى منطقة بالظبط ؟

**mokelanos** · 18-09-2008 10:51 PM

المشاركة الأصلية كتبت بواسطة hfekry

الف مبروك الشقة ياباشا .
معلش سؤال هيا الشقة فى أنهى منطقة بالظبط ؟

الشقه فى مدخل 2 خفرع منطقه و
ويارب نكون جيران

**2hmed_7osam** · 18-09-2008 11:12 PM

الف مبروك للشقة وموضع الجراج دا خنيق وبحسه فعلا عند صحابي الحمدلله فيلتنا ليا جراج مستقل لعربية واحده والباقي قدامها ومحدش يقدر يقرب فمكان العربيات التانية والا برضو