ان شاء الله نويت على الكورولا تانى بعد ما الياريس سافرت انا بس كنت عايز انوع اية رايكم
عرض للطباعة
ان شاء الله نويت على الكورولا تانى بعد ما الياريس سافرت انا بس كنت عايز انوع اية رايكم
اشمعن كرورلا تانى ؟
امال الاولى مالها ؟ ولا عايز عربية تانية للبيت ولا اية مش فاهم ؟
والله لو هاتش باك انا كنت فكر في اتنين
الكورولا ... ودى معاك وانت عارفها اكتر مننا بحكم انت ركبت قبلنا بفتره فتقدر تحكم اكتر مننا على العربية وامكانيتها
الاوريس ... ودى تقفيلها انجليزى وشكلها فخم اوى وملمومة شوية عن الكورولا والسقف البانوراما بتاعها تحفة تحفة تحفة بصراحة لو مكانك هفكر فيها واجيب الفئة الى قريبه من سعر الكورولا
لان اليارس جاءت مخيبة للامال خصوصا الموتور ونازلة 1300 ومفيش منها 1500 والامكانيات مش قد كدة مقابل الفلوس الى هتتدفع فيها
بس بالمعطيات دى انك تفكر في الكرورولا تانى .... فاناا احترم تفكيرك الموضوعى
بس انا زى حضرتك بحب التغيير مش مجرد اللون
انا عارف ان معاك الفضى من الكورولا ... ممكن التجديد يبقى لون تانى ... بس لو مكانك هبص بصة كدة على الاوريس لو الدنيا ممشيت اوى يبقى لف وارجع تانى للكورولا
ربنا يوفقك يارب ويدلك خيرها وخير ما صنعت له
ويكفيك شرها وشر ما صنعت له
ماليش فى الهاتش باك يا دكترة الموضوع ان مش عايز اخرج برة تويوتا و كنت منتظر اصلا ياريس من قبل ما تنزل فى مصر الفكرة ساعات بقول هو فى حد ممكن يجيب عربيتين نفس الموديل و الشكل ولا اية على فكرة انا اصلا لو عايزة واحدة تانية العربية ممكن استلمها بكرة يعنى حتى مش حامل موضوع الاستلام علشان معايا جرين كارد فى الاستلام الموضوع بس انى سايفها مش ظريفة ان اجيب عربيتن نفس الشكل
هى تبقى مش ظريفة لو كانت عربية عادية ... انما عربية بالشكل دة والامكانيات دى فعادى
بس انا بردة بينى وبينك الامكانيات على عينى وراسى وتويوتا بس الموضوع تحس انه تقيل
بس انا اعرف جار ليا عندهم موديلين تويوتا اشترى تويوتا الجديدة 2014 الفئة الاولى 175 علشان التانية مش متوفرة وكدة
واحتاج عربية تانية وهو برضة من مدمنين تويوتا اشترى 2013 فوووول اوبشن الكامله فتحه سقف وجنوط وكاسيت تاتش
فالى بيحبوا تويوتا صعب انك تقنعهم انه يسيبوا الكورولا بس الموضوع شوية مختلف لانك كدة مش هتحس باختلاف جوهرى بس صعب ان اقولك على موديل تانى لان صعب تطلع بره تويوتا
التغييير هيبقى في اللون فقط من فاتح الى غامق وعربية تستاهل يبقى معاك منها نسختين ( مش انا الى هقولك بقى )
بس قولى بقى اية حكاية الجرين كارد دى بقى يا زعيمنا .. مممممم
النهاردة والله يا دكترة كنت خلاص هاجيب الانسيجينا و الانسيجينا بقى حاجة تانية خاااااالص بس بردة مش حابب اوبل موضوع الجرين بطبيعة شغلى يا دكترة فى جهة معينة بتسهلى الوضع دة
اوعدنى يارب بالجهة الى تستهلى كل حاجة كدة !!!
الاوبل عربية جميلة اوى بس اخاف منها مش عارف لية .. بتسحب بنزين كتير اوى مش عارف لية ... بس هى عربية محترمه ولا غبار عليها .. بس مش بحب توكيلها ولا بحب التعامل معاه
المووضوع محير بينى وبينك وفيه رسك جامد
بس فية مثل الى تعرفة احسن من الى متعرفوش ولو المشكلة عندك بس لمجرد انها حاجة مش ظريفة يبقى توكل على الله العربية معاك بقالها فتره وماشية ماشاء الله مشوفتش حضرتك اشتكيت من حاجة ولا كدة والناس كلها حباه واعتقد ان مساله انخفاضها الارضى دى مش مضايقك ولا حاجة
وبعدين مش عارف حضرتك سمعت عن التعديل الى هيعملوه دة ولا لا .. انا الدفعات الجديدة هيزودوا ارتفاعها مش عارف اذا كان الخبر صادق ام كاذب
ان شاء الله خلاص شكلى كدة هارسى عليها موضوع اذا كان الدفعة الى جاية هاتعلى ما سمعتش و ما اظنش علشان الشحنة بتيجى محدش ينفع يلعب فيها الا لما تنزل فى التوكيلات موضوع بقى الانخفاض اخدو منى رقم الشاسية و فى ظرف شهر هايعلوها لما كنت رايح اتفرج عليها من ساعتة لما نزلت تقريبا 25 /8 قالى هات رقم شاسيهك و استلم العربية اقولة طيب خلاص على مهلكو قامو مسلمينى فى نفس اليوم و انا اصلا ماسئلتش عالارتفاع تانى و لا انى مشغول كنت جبت معلومات كتيرررررر
لا الخبر اتاكد وفعلا هيعلوها دة الخبر الاكيد
هو موضوع التعلية دة مش هياثر فى الثبات او النعومة ؟
اكيد هما دارسين النقطة دى كويس اوى قبل ما يعملوا التعديل
لان في روسيا نفس العربية وارتفاعها من اوطى نقطة قدام من الكرتيره الى قدام العجلة الامامية حوالى 15 سم
والصور انا هرفعا في الموضوع بتاع خبر التعديل علشان حضرتك تشوفه ان شاء الله
صديقي المواطن
فعلا مش ظريفة ولا حلوة تجيب عربيتين من نفس الشكل حتى لو تغيير لون خسارة فلوس عالفاضي إلا لو كنت مليونير وحتعمل موكب يمشي وراك ساعتها الموكب لازم يكون موحد أهيب وأفخم وأشيك غير كده عمل غير محمود ومش عيب تخرج بره تويوتا تظرتك دي كان مكانها زمان مش دلوأتي حاليا 90% من العربيات كويسة و 10% وحشة وحاليا ممكن تلاقي عربية صيني تملى مزاجك أكثر من تويوتا أرجوك عيد النظر أنا كان تحت بيتي دكتور مخ وأعصاب جايب عربيتين أفيو نفس اللون ليه ولمراته فضلت سنتين أعايره لغاية مكرهته بنفسه وباعهم وجاب عربية ملاكي وعربية أس يو في فأرجوك مترميش فلوسك في نسخة مكررة من عربيتك إين المتعة لا على المستوى الشخصي ولا في نظرة.الناس إليك
ثق وإعتقد معايه حاليا 10 عربيات شخصية فيه منهم 2 إسود حالف يمين مصحف وسيتم تغيير وتطعيم لون وحده منهم عشان مبيبقاش نفس اللون على عربيتين وأحيانا بعمل خلطة لون وأرشها لوحده من عربياتي ويبقه اللون جامد وأقول نفسي أحطه على عربية تانية من عربياتي وأقول ﻷ نصيبها كده مبروك عليها تستاهل
أرجوك أرجوك أرجوك لا ترتكب هذه الجريمة
ده أنا حتى لو حتجوز إثنين وحبيت أعدل ما بينهم وأجيب لكل وحده عربية مش حجيبها نفس الشكل حجيبها بنفس الثمن وكلزوم العدالة فقط لكن مش نفس العربية ولا نفس اﻷلوان
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال
بص انا من محبي الكروﻻ جدا بس اتنين من نفس الفئة ؟ ﻻ كده كثير :d و انت مش حابب الاوريس مع انها تحفة . ممكن تبص بصة برا التويتا ... يعني اليباني مريحك شوف حاجة يباني تانية زي الجوك او القشقاي الجديدة هتبقي تحفة فعلاً بس هتستني عليها شوية لحد ما تنزل . لو عوز الماني عندك الاسترا عربية ماشاء الله بس في ناس بتشتكي من توكيلها . عندك حاجات كتير بس قولنا انت عوز ايه من العربية
تسلم يا هندسة عالرد و الاهتمام انا اىنعم عايز عربية كحترمة بس مش عربية حربية يعنى كنت مستنى الياريس و بعد ما عملوها 1300 و غلوة سعرها خلاص صرقت نظر و مش حابب اخرج برة تويوتا و ان شاء الله خلاص هاجيب واحدة تانية بس متردد بين البرونزى و الابيض بس مبحبش الصالون البيج و البرونزى هايبقى فاتح و الابيض مش ميال لية بس علشان الصالون اسود و انا الى معايا فضى فرش اسود تفتكر احتار اية يا هندسة
انا عمري مامتخيل ان حد ممكن يطيق عربيتين نفس النوع نفس كل حاجة
ايه وجه الاختلاف
اين متعة القيادة
الاحسن انك تروح مشاوير بعربية انت حاببها
والاحلى انك تروح مشاوير تانية بعربية انت حببها أكثر
لكن عربيتين نفس الموديل بإختلاف الشكل يبقا حرام على نفسك
انت ممكن تجيب المنافسة الشرسة للكورولا وهي الرينو الفلوانس 2014
بجد ناس كتير اتجهت للإتجاه ده خاصة ان فيها أوبشنز كتير مش موجودة فالكورولا
وفالنهاية هتكون راكب ياباني وأوروبي
وكل وحدة وليها متعتها فالقيادة
تحياتي
الكرولا حلوه مافيش كلام
لكن عربيتين نفس الموديل والأوبشنز مش هاتحس بالفرق ولا متعة السواقه تماما.
وزي ماقال الأعضاء عندك عربيات محترمه تانيه كتير
زي السيفيك والفلوينس والبيجو 301 والإلنترا ( فل أوبشنز طبعا )
وفي النهاية انت اللي هاتختار وهاتركب ولازم تكون مرتاح ومقتنع.
وأنا عن نفسي بفكر أشتري عربيتين بس من دول: ياإما كورولا ياإما إلنترا فول أوبشن فيس لفت الجديده.
انا لو منك هجيب القشقاي لأن اوقات بعض الطرق بتحتاج عربيه عاليه وكفاية انها تقفيل انجليزي محترم.
الاوبل كعربية ركوبتها زى اعلى عربية المانى سواء اودى او مرسيدس او بى ام المشكلة انها مع وكيل زفت و و كمان موضوع التربو هايبقى عايز معاملة خاصة علشان وزن العربلية ثقيل جدااا و موضوع ان الوكيل يقوللك بنزين 92 عادى ما يدخلشى الدماغ و اذا الواحد عمل نفسة مش واخد بالة و حط بنزين 92 مش هتستفاد بالباور العالى دة يعنى مافيش جديد بس بصراحة لما روحت اتفرجت عالعربية تنحت قدامها خلى صاحبك ينزل يتفرج عليها و متنساشى توصلة موضوع البنزين
عربية ممتازة
خد مني القنبلة دى .
مرسيدس cla تحفة فنة ب 279 الف !!
لا تقولي بيجو 508 و لا انسينيا، العربية دى بالسعر ده هتنتشر اكتر من الفيرنا
انا شوفت العربية دى وهم بمعنى الكلمة بس معرفش اية سعرها او المواصفات بتاعتها
راي تغير المرة دي بعربية غير تويوتا