الموضوع: استشاره بخصوص شقة فى التجمع

المشاركة الأصلية كتبت بواسطة beshomilan

شكرا لذوقك جدا فعلا وانا اسف انى اتدخلت فالموضوع


وعموما انا قدامى شقه فى ماونتن فيو 133 متر 2 نوم و2 حمام وتراس ومطبخ وفأرقى مكان بالكمباوند واستلام فورى وسعرها 900 الف مش مليون كاش وفيها كلام وكمان لو تقسيط على 6 سنين تكون بمليون..ايه رايك!!!

وفيه كمان اتنين فى دور واحد فى ماونتن فيو بتطل على ملعب التنس مساحة 130 متر والسعر 826 الف كاش وتسليم فورى..ايه رايك!!

وفيه كمان فيلا 235 متر فى ماونتن فيو بسعر اجمال 1330000 جنيه يعنى سعر المتر ب 5650!!
3 نوم و3 حمام وريسبشن 3 قطع ومطبخ وغرفه للمربيه-نص تشطيب وكمان بتسهيلات على سنتين بتدفع 930000 الف والباقى على سنتين..هاه ايه رايك!!!
وفيه فيلا تانى فى i villa مساحة 222 متر ب 1197000 يعنى المتر ب 5300!! ممكن تدفع 30 % والباقى على 6 سنين بدون فوايد..هاه ايه رايك!!!

وشقه 133 متر فى ماونتن فيو على البحيرات وحمامات السباحة ب 740 الف كاش وممكن تسهيلات لحد 6 سنين والتسليم كمان سنه..هاه ايه رايك!!يعنى المتر ب 5390 !!!


لا موجود باقل من كده
وفيه شقه 210 متر بالبنفسج عمارات 3نوم و3 ريسبشن و 3 ليفينج ومطبخ ب 650000 كاش ودور تانى ونص تشطيب وحصه فالارض والجراج..يعنى سعر المتر 3100 فقط!! استلام فورى
وفيه شقق كتير بتسهيلات على كذا سنه

عموما برضه انا متأسف انى دخلت وساعدت بس اللى عايز بيدور وبيلاقى وانا مش سمسار ولا حاجه بس بتعدى عليا حاجات كده وناس اشترت حاجات من اللى قلتها الايام دى..اكيد انا كداب صح؟؟

وربنا يوفق صاحب الموضوع ويرزقه بالصح

يا صديقى ما تخدش الكلام على صدرك بالراحه
تعالى انا عنى شقه فى التجمع فى النرجس مسحتها 200 واكتر وب600 الف جنيه يعنى المتر يوصل ب2800 تقريبا ومرميه بقالها سنه محدش عايز يقرب منها علشان كل الشقه اعمده وتقسيما زى الزقت
وفى الروف والدور الارضى بالبدروم مساحتهم كبيره واسعارها قليلله
بس هتدخل فى حوارات
وتعالى منطقه ابو الهول وهتلاقى ارخص من كده بكتير , كل مكان وليه سعره وكل عماره وليها سعرها وتشطيبها
ومحدش قال انك سمسار ولا انا سمسار بس بحكم شغلى فى المقاولون العرب ولينا شغل هناك كتير فشوفت عقود كانت ارض الفيلاه فيهم ب50 الف جنيه لحد ما شوفت فيلا هتتباع ب 14 مليون جنيه فى مجال المقاولات ما فيش سعر ثابت
انت عارف العمارات الى شركتنا بتبيعها عند النادى والمركز الطبى للمقاولون العرب المتر اول ما فتحنا المشروع كان بكام ؟ كان ب4 الاف جنيه الكلام ده من 2012 انت عارف بنبيع النهارده المتر بكام ب8500 جنيه وفاضل شقتين بس
فوحد الله يا باشا وما تزعلش من الكلام

وكمان يا باشا عيوب اكمباوند فى الخدمات الى هتشيل سعرها والمده الطويله فحت علشان تستلم
يعنى هتدفع تمن حاجات وتبقى تقابلنى على ما تخلص وللاسف الكبير فى كام كمباوند لا داعى لذكر الاسم بس شغلهم زباله جدا