انا مش عارف ليه مفيش ردود على موضوعاتى ربنا يوفقكم جميعا الى مافيه رضاه
انا مش عارف ليه مفيش ردود على موضوعاتى ربنا يوفقكم جميعا الى مافيه رضاه
غالبا علي ما اسمع ان كان البادي فالف بتاع الفتيس فيه مشاكل و كان بيستبدل ببتاع الفانتازيا و ده اللي اعرفه عنها
لية يا صديقى بتقول كدة
الموضوع بما فيها انى حضرتك عامل الموضوع الساعة 2:15 فأكيد فى الغالب الناس هتيبقى نايمة
و لية حضرتك فى نص الموضوع بتقول مفيش ردود فى موضوعاتى هو الموضوع عدى عليه و قت دة انتا لسة بتنشاء الموضوع و كاتب الجملة دى فى انا حتى استغربت قولت يمكن رد من صاحب الموضوع و ليكون عدى عليه يوم مثلا .
بالتوفيق ان شاء الله
عشان كانت اغلى من ال a4 وبالتالي انتشارها اقل في وجود ال a4 والله اعلم
بص يا سيدي، انا معايا العربية من حوالي سنه. والعيوب اللي اعرفها كالتالي
اولا التكييف. ضعيف ويفضل استبداله بواحد جديد تكلفته حوالي 5 الاف.
ثانيا الفتيس. معظم الناس كانت بتكبر من تغيير الزيت. بالتالي الفتيس كان بيروح. لكن لو التغيير منتظم بيعمر معاك زي الفل.
غير كده العربيه جميييييله
المهم الحاله حتى لو 2012 مش 2005
هى كان فيها مشكله الكمبروسر بتاع التكييف كان بيتحرق فقط (فى حاله تشغيله والاربى ام عالى)
والبادى فالف لو تم اهمال تغيير زيت الفتيس
لكن هى اوكتافيا باحترامها
مشكور لجميع الناس اللى ردوا عليا وربنا يكرمهم جميعا وبالنسبه والله يبشمهندس احمد السيد اصلى انا كنت عامل موضوع قبل كده وهو ان انا محتار بين تويوتا يارس 2009 واوكتافيا 2005 الفئه التانيه ومحدش فادنى ومتشكر للاعضاء جميعا
و الف شكر للاشتراكك معانا هنا فى القسم و عرض موضيعك
و اهلا بيك فى اى وقت
و بخصوص المقارنات بين السيارات و بعضها فيوجد قسم مقارنات
قســـــــــم المقارنــــات - نايل موتورز - NileMotors.net
يفضل عرض الموضوع فى
اما بالنسبة عمل مقارنة لسيارة فى القسم فا هيكون الانحياز للماركة نفسها فا من هنا ليس تكون النتيجة مرضية
بالتوفيق ان شاء الله
ربك المستعان
انا معايا العربيه من 2005 و اللى حصل معايا الأاتى
- الكومبريسور فصل فى 2011 يعنى حوالى 6 سنوات شغل وغيرته بواحد استيراد والحمد لله كويس الى الان
- عوامه البنزين بقت بتعلق وده عادى ممكن يحصل فى اى عربيه وغيرتها بواحده جديده اصليه ب 600ج
- الكبالن الداخلى والخارجى تم تغييرهم
بالنسبه للفتيس الحمد لله مافيش مشاكل بس انا كنت موظب على الصيانه الدوريه فى التوكيل كل 5000كم لحد العربيه ما وصلت 80000كم وبعد كده ابتديت كل 10000كم وهى الحمد لله ماشيه 120 الف كم حاليا
ربنا يباركلك فيها يدكتور وان شاء الله يبشمهندس احمد ههعمل الاقتراح ده فى قسم المقارنات ومشكور للجميع