مشكلة حصلت معايا في طلمبة بنزين ياريس.. تنصحوني بإيه؟؟!!

**abdelrohman** · 30-11-2013 02:16 AM

السلام عليكم ورحمة الله

كنت في الحرفيين بظبط عفشة وبعمل سيرفيس كامل للعربية المهم جيت اغير فلتر البنزين لاقيته بـ550 عند العالمية في الحرفيين وف نفس الوقت لاقيته بـ100 جنيه في محل تاني

المهم جبت أبو 100 وجه الميكانيكي يركبه لقى الطلمبة مكسورة والموتور خارج براها وقالي دي مش طلمبة ياريس ومتولفة عليها... ونصحني اشتريها جديدة ولاقتها بـ 3000 ومش كاملة كمان

المهم عشان مطولش عليكو.. اشتريتها استيراد بـ 1250 من عند الحاج حامد المغرب (جزاه الله كل خير راجل محترم جدا هو ابنه استاذ احمد) واتحلت قدامي من عربية استيراد وودتها للميكانيكي قعد يجي ساعتين يركب فيها وف الاخر قالي الغطا مش عايز يربط روح هات غطا وجبت الغطا من نفس العربية من عند الحاج حامد المهم فضل ساعة كمان يركب فيها وفي الاخر قالي ركبت

بعد ما مشيت من الحرفيين جيت افول بنزين قام الراجل بيقولي عندك مشكلة في التنك البنزين بيقع ع الارض بس موقعش كله يجي 3 لتر تقريبا.... يا ترى دة عيب اية يعني ممكن يكون الميكانيكي معرفش يربط الغطا كويس ولا الطلمبة فيها حاجة ؟؟؟

افيدوني جزاكم الله كل خير... وانا اصلا كدة كدة مش هينفع اروح الحرفيين لانها بعيدة عليا جدا وهوديها بكرة لاي ميكانيكي بس محتاج انكم تطمنوني

شكرا ليكم واسف ع الاطالة

**dedo_ryo** · 30-11-2013 03:38 AM

غالبا الطرمبه مش مربوطه كويس او الجوان بتاعها اتقطع منه

**abdelrohman** · 30-11-2013 05:52 AM

تسلم يا باشا

**saddam** · 30-11-2013 10:22 AM

صديقي المواطن
واضح وضوح الشمس في كبد السماء إن الميكانيكي ده سوبر كفته بالطعميه من ساعة ما قال لك متولفه وهات غيرها فالسؤال ما دامت كانت شغالة أغيرها ليه ولو فتح حاجة ومعرفش يرجعها لحالتها يبفه متثقش فيه ومتكملش معاه أنا حتجنن من الناس اللي تروح لميكانيكية في الحرفيين صدقوني صنعتهم ضعيفة واللي حصل معاك إنه مقدرش يحكم الغطاء العلوي للتنك ومحطش الجوان بصورة سليمة
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**mohammadrashee** · 30-11-2013 11:22 AM

الجوان يطلع ريحه جوه العربيه
بس يوقع ممكن من ربط الزور مع التنك

**AboBassem** · 30-11-2013 01:23 PM

الموضوع ده حصل معايا وجبت الطلمبة من الحرفين برضه رغم ان الطلمية كانت شغالة

لكن واضح ان فيه شغل بيعملوا الميكانيكية فى الحرفيين على الناس وللاسف طمع وجشع التوكيلات خلت الواحد يروح للمكيانيكية بره ويسيب التوكيل خاصة ان التوكيل كمان لا يقوم بتوفير قطع الغيار بحجة انها تتوفر بالطلب

**amrrashed** · 30-11-2013 10:25 PM

متابع جدا

**hopeless20** · 01-12-2013 12:29 PM

السلام عليكم

انا كنت لسه مغير الفلتر الاصلي ب 675 من عند المتحده اللي في المعادي
الحقيقه هم الصنايعيه هناك فاهمين .. محدش رضي يفتي ولا يحط ايده في العربيه .. وأستنوا صنيعي كبير في السن .. معدي ال 60 سنه ما شاء الله .. هو بس اللي جه .. فك الغطا وطلع الفلتر والطرمبه والعوامه .. وغير الفلتر وركب فيهم الطرمبه والعوامه .. ما شاء كان فاهم هو بيعمل ايه ..

نصيحتي ان اللي حصلك ده مش طبيعي
روح لحد بيفهم يفك الفلتر تاني والعوامه والطرمبه .. ويتاكد من انهم متركبين كويس اوي .. وفي زرجينه بيطربت بيها الغطا .. ده مهم او يتعمل كويس
ونصيحه أبعد عن اي قطع غيار مقلده ومش اصليه لانها هتكلفك اكتر من الاصلي ع المدي البعيد

**ahmed noor** · 05-12-2013 11:53 PM

[QUOTE=abdelrohman;3875310375]السلام عليكم ورحمة الله

كنت في الحرفيين بظبط عفشة وبعمل سيرفيس كامل للعربية المهم جيت اغير فلتر البنزين لاقيته بـ550 عند العالمية في الحرفيين وف نفس الوقت لاقيته بـ100 جنيه في محل تاني

المهم جبت أبو 100 وجه الميكانيكي يركبه لقى الطلمبة مكسورة والموتور خارج براها وقالي دي مش طلمبة ياريس ومتولفة عليها... ونصحني اشتريها جديدة ولاقتها بـ 3000 ومش كاملة كمان

المهم عشان مطولش عليكم.. اشتريتها استيراد بـ 1250 من عند الحاج حامد المغرب (جزاه الله كل خير راجل محترم جدا هو ابنه استاذ احمد) واتحلت قدامي من عربية استيراد وودتها للميكانيكي قعد يجي ساعتين يركب فيها وف الاخر قالي الغطا مش عايز يربط روح هات غطا وجبت الغطا من نفس العربية من عند الحاج حامد المهم فضل ساعة كمان يركب فيها وفي الاخر قالي ركبت

بعد ما مشيت من الحرفيين جيت افول بنزين قام الراجل بيقولي عندك مشكلة في التنك البنزين بيقع ع الارض بس موقعش كله يجي 3 لتر تقريبا.... يا ترى دة عيب اية يعني ممكن يكون الميكانيكي معرفش يربط الغطا كويس ولا الطلمبة فيها حاجة ؟؟؟

افيدوني جزاكم الله كل خير... وانا اصلا كدة كدة مش هينفع اروح الحرفيين لانها بعيدة عليا جدا وهوديها بكرة لاي ميكانيكي بس محتاج انكم تطمنوني

شكرا ليكم واسف ع الاطالة[/QUOTE
و