شهادة مخالفات وتوكيل لتريوس 2000

**odican** · 30-11-2013 08:26 AM

السلام عليكم
اشتريت سيارة تريوس 2000 منذ عام و نصف
اشتريتها من واحد كام معاه توكيل من الماك الاصلى للسيارة وكان فيها ترخيص 3 شهور

بعد ال3 شهور روحت عملت نقل ملكيه باسمى و عملت رخصه 2 سنوات باسمى
بقى دلوقتى عندنا عربيه ليها ثلاث نمر
النمر (ا) باسم المالك الاصلى
النمر (ب) باسم الراجل اللى انا اشتريت منه
النمر (ج) باسمى

دلوقتى انا بعت العربيه بس
اما روحت اعمل للمشترى شهاده مخالفات و توكيل اكتشفت ان العربيه ((أ)) عليها مخالفتين
واحده ب 1000 جنيه والتانيه ب 500 جنيه واتعمل بيها محضر وقف

اتصلت ب ((ب)) وصلنى ب ((أ)) اللى قال انه مش دافع حاجه وتنصل من الموضوع تماما

بعد محاولات مع وكلاء النيابه فى بين الرايات و الدراسه روحت مرور الدراسه ومعايا كل اوراق العربيه و التوكيلات السابقه وقام وكيل النيابه بعمل شهاده مخالفات ان عربيه ((ب)) و ((ج)) مش عليهم اى مخالفات
بس طبعا العربيه ((أ)) اللى هيا اصل العربيتين ((ب & ج )) عليها مخالفات

السؤااااااااااااااااااال هنا:
هل المشترى اللى اشترى منى العربيه لما يروح المرور لتجديد الرخصه او بعد كده اما يروح ينقل ملكيه -لو لقى مخالفات - ورجعلى تانى هل هناك ما هو قانونى او ادبى يلزمنى بدفع الغرامات ام انه مادمت جبتله شهاده مخالفات يبقى ماليش دعوة؟؟
وهل هوا ممكن يخص من الموضوع ذى ما انا عملت ولا لا؟؟

شؤاااااااااااااااال تانى:
هل انا بعد ما عملتله توكيل هل هيحتاجنى فى اى مشوار ليه علاقه بالعربيه ولا لا؟؟

سؤاااااااااااااااااال ثالث :
امتى بالظبط المفروض يسجل العربيه باسمه يعنى ينقل ملكيه ؟
هل فيه حاجه هتجبرة ينقل العربيه باسمه دلوقتى او بعدين؟؟
واعمل ايه ان رفض ينقل العربيه باسمه عشان يوفر فلوس التسجيل مثلا؟؟
ابوس ايديكم عايز ردووووووووووووووووووووووو وووووووووووووووود شافيه

تم تعديل عنوان الموضوع ليناسب محتواة ونقلة لساحة المرور وموضوعات التأمين فى مصر .

12:32 pm
2013/11/30
3ب

**starlanos** · 30-11-2013 09:02 AM

شكلك يا ج هتعمل زي معمل معاك ب باعلك العربية عليها مخلفات بتاعت ا
لازم هتديله شهادت مخلفات وهيطلع علي المبلغ يعني لازم هتدفع والعربية مستحيل هتتنقل الرخصة او يجدد من غير ميدفع الي عليها
بتعمل مذكرة او طلب في الدراسة وتكون ججايب تاريخ المخلافات ورقم العربية ساعتها وتثبت بالورق انها مش عربيتك
ومش هتعرف تبيع من غير شهادت مخلفات

**أحمد جودة** · 30-11-2013 10:00 AM

الحق احق أن يتبع .......... هات م الاخر وادفع المخالفتين دول وامرك لله

لانك لو مشيت بنفس الطريقة اللى هيشتري منك هيرجعلك تاني وهوة مالوش ذنب

**ramyraby** · 30-11-2013 12:08 PM

حضرتك بالنسبة للسؤال التاني
هل فيه حاجه هتجبرة ينقل العربيه باسمه دلوقتى او بعدين؟؟

اعمل له فالشهر العقاري توكيل بيع للنفس فقط عشان مايقدرش يبعها لحد تاني بالتوكيل وتفضل كده التوكيلات تزيد ولف الدنيا كلها وده احسن حل فالسؤال ده

**magedfarid** · 30-11-2013 12:12 PM

المشاركة الأصلية كتبت بواسطة mohammadrashee

انت اشتريت ازاي مش ب اداك شهادة براءة ذمه
واللي انا اعرفه لما بتكون هناك مخالفه قبل تاريخ عقد شرائك العربيه بيدوك شهادة براءة ذمه
ويعملوا مخالفه للمالك الأصلي
ده اللي اعرفه والله اعلم

ليه لييييه هههههههههههههههههه

هو احنا في دريم لاند
احنا في المحروسة

**insurancebroke** · 30-11-2013 01:28 PM

اعمله توكيل مقفول
وهوه البيع للنفس وللغير فقط
وبتوع الشهر العقارى عارفين توكيل مقفول يعنى ايه
وبالنسية للمخالفات القديمه المفروض بتروح علي المالك الاول للسيارة
حسب القانون بتترحل عليه وبتنزله لمايروح للمرور عشان اي عربية ليه هيلاقيها
لان النمر القديمه باسمة

**odican** · 30-11-2013 09:05 PM

المشاركة الأصلية كتبت بواسطة mohammadrashee

انت اشتريت ازاي مش ب اداك شهادة براءة ذمه
واللي انا اعرفه لما بتكون هناك مخالفه قبل تاريخ عقد شرائك العربيه بيدوك شهادة براءة ذمه
ويعملوا مخالفه للمالك الأصلي
ده اللي اعرفه والله اعلم

اللى حصل انى اما اشتريت من ((ب)) ادانى شهاده مخالفات معرفش جابها ازاى بس دا اللى حصل
اما جيت انقل ملكيه ظهرت المخالفات وروحت عملتها مالك سابق على(( أ ))لانها باسم ((أ))
وبكده عملت رخص جديدة باسمى

اما الان اما اردت بيع العربيه ظهرت تانى المخالفات ووكيل النيابه رفض يدينى اى شهاده الا لما ادفع الفلوس وبعد محاولات طلعلى الشهاده بس طبعا لسا على المالك الاصلى مخالفات مندفعتش
بصراحه انا حبيت اخلع من الليله دى بانى ابيع العربيه واما الراجل المشترى يجى يرخص يبقى يعمل زىى ويرووح المرور و يعمل محاولات و ياخد شهاده مخالفات او يدفع بقى و خلاص
المهم اننى خلصت وجيبتله شهاده مخالفات؟؟

**odican** · 30-11-2013 09:08 PM

ايه رايكم فى الحوار ده
هل النشترى اما يروح يعمل نقل ملكيه او نقل من مرور اوسيم الى مدينه نصر هل موضوع المخالفات ده هيوقف الموضوع ولا لا؟؟؟؟

**odican** · 30-11-2013 09:15 PM

المشاركة الأصلية كتبت بواسطة insurancebroke

اعمله توكيل مقفول
وهوه البيع للنفس وللغير فقط
وبتوع الشهر العقارى عارفين توكيل مقفول يعنى ايه
وبالنسية للمخالفات القديمه المفروض بتروح علي المالك الاول للسيارة
حسب القانون بتترحل عليه وبتنزله لمايروح للمرور عشان اي عربية ليه هيلاقيها
لان النمر القديمه باسمة

هيا فعلا المخالفات انا عملتها قبل كده عند الترخيص عملتها مالك سابق و هيا متسجله على رقم بطاقه المالك الاصلى ((أ))
دلوقتى انا عملت توكيل للمشترى بالبيع لنفسه وللغير والتعامل مع المرور بس الراجل بتاع الشهر العقارى شطب على التجديد و الترخيص مش عارف ليه؟؟؟